|
رد: كيف ارفع خرج البطاريه من 12 فولت الى 24 فولت
ازاي اسماعات تخرج من الضمان مفيش الكلام ده انا عمي معاه ماتريكس و مركب سمعات و عادي خالص مفيش مشكله
|
رد: كيف ارفع خرج البطاريه من 12 فولت الى 24 فولت
اولا شكرا يا جماعه على مشاركتكم معايا وابداء رايكم فى الموضوع انا فى الاول كنت بقول كده برضه والسماعات ملهاش دعوه وبتاع بس الكلام اللى انا كاتبه ده مش جايبه من عندى يعنى انا لما رحت عملت صيانة الالف كيلو فى فرع ابو رواش سالتهم فى الموضوع ده وهما اللى قالولى كده بس بامانة هما ما قالوليش ان العربيه كلها هتخرج بره الضمان لكن لو حصل اى مشكلة فى الكهربا بعد كده هما مش هيبقوا مسئولين عنها يعنى كهربة العربية بس هى اللى هتخرج بره الضمان وبعدين برضه بصراحه محبتش العب فى العربيه يعنى افتح وبتاع قلت اخليها بره بره كده وشكرا ليكم يا جماعه على المشاركه مره تانى ولو حد تانى ليه مشاركه مفيه ياريت يقولنا عليها |
رد: كيف ارفع خرج البطاريه من 12 فولت الى 24 فولت
وكمان لو عاوز تعمل محول يرفع لأي فولت انت عاوزه بالوات اللي انت عاوزه
عليك وعلي النخيلي اللي في باب اللوق يعملك اللي انت عاوزه ده بالنسبة للمحوالت ولكن موضوع سمعات الكومبيوتر خلي بالك ان الوات اللي خارج من الكاست بيفرق وبعدين لازم المقاومة بتاعة الكاست كام اوم عشان السماعات لازم تكون بنفس المقاومة والباور بتاع الباور السمعات بيقوم بوظيفة الأوكلايزر أو الامبلفير فالأحسن هات ج ام وشوف سماعات الأوم بتاعها يمشي مع الجي ام ده حتي لو سمعات جاهمة متقفلة |
رد: كيف ارفع خرج البطاريه من 12 فولت الى 24 فولت
شكرا للاستاذ mansoub504 على نصيحتك
انا رحت امبارح سالت على ac inverter فى راديو شاك والنخيلى وفى وسط البلد وحبيت اقول للناس الاسعار علشان تبقى عارفه واللى عايز يجيبه يبقى عارف ايه نظامه اولا فى النخيلى فيه واحد قدرته 300 وات وتمنه 450 جنيه بصراحه انا لنما سمعت السعر ده مرضيتش اسال على حاجه تانى وبعد كده رحت لمحل تانى كده ولاقيت عنده واحد 500 وات تمنه 300 جنيه ولاقيت عند واحد تالت جهاز قدرته 100 وات وتمنه 450 جنيه بس بامانه نضيف جدا ورحت راديو شاك وسالت هناك لاقيت واحد قدرته 500 وات وبيخرج 220 فولت AC ومخرج usb وتمنه 300 جنيه ولا قيت واحد قدرته متهيالى 200 وات بس بيخرج 110 فولت تمنه 250 جنيه بس دى كل الاسعار اللى انا لاقيتها هناك للى يحب يعرف وانا عن نفسى نويت ان شاء الله اشترى ال 500 وات من راديو شاك اللى ب 300 جنيه وشكرا ليكم تانى يا شباب على مشاركتكم فى الموضوع |
رد: كيف ارفع خرج البطاريه من 12 فولت الى 24 فولت
بس عاوز اقولك نصيحة
اي حاجه بترفع الكهرباء من فولت قليل إلي أكبر ده يعمل تحميل بمعني لو شغلت المحول ده والسيارة مبطله (استعوض ربنا في البطارية) يعني تشغله والسيارة شغالة والشحن تمام (يعني تكون سخنت كويس) وشكرا علي المعلومات والاسعار ربنا يوفقك |
رد: كيف ارفع خرج البطاريه من 12 فولت الى 24 فولت
طيب متركب السماعتين وتشيل بس السلك اللى راكب فى السماعات الاصليه وتركبهم فيها ولو جيت تروح التوكيل تشيلهم بدل ماتلعب فى العربيه |
رد: كيف ارفع خرج البطاريه من 12 فولت الى 24 فولت
بالنسبه للمحولات فهى مفيده عامة لاى استخدام فى العربية وسبير كار عنده كذا واحد لحد 800 وات بس مش فاكر اسعارهم بصراحه والمحول بيشتغل داخلى او من على البطاريه مباشره هحاول اشوفلكم الصور وارفعهالكم واى حد يسال امير فى القسم بتاع سبير كار على سعرهم
بس طبعاً زى ماقال mansoub504 ان المحولات اللى بتطلع 220 ديه بتحمل على البطاريه جامد فلو تفصل محول يطلع ال 24 فولت بس يبقى افضل او تركبها زى ما الناس بتعمل والتوكيل ملوش عندك حاجة لان الكلام بتاعه ده تعسفى ومش من حقه يشترط كده اصلاً ده غير انهم مش هياخدو بالهم اصلاً لو عملتو بره |
| الساعة الآن 02:34 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017