رد: كل اللي اشتري عربيه مستعمله تعالي محتاجين مساعدتك
 

للرفع...............

رد: كل اللي اشتري عربيه مستعمله تعالي محتاجين مساعدتك
 

فعلا كلام الأخوة الأفاضل جميل ما تسربعش - لازم حد يكون عنده خبرة يكشف عليها - مش مهم ألف أو ألفين زيادة في عربية كويسه لأن ده سيوفر عليك متاعب كتيرة وخصوصا هذه اول مرة - سيبك من التجار لأنه لازم يشكر جدا في العربية اللي ها يبيعها حتى لو كانت سيئة .
أنا حاليا مهايا عربية شاريد - دايهاتسو - ياباني 1000 cc 3 سلندر لسة معمول ليها عمرة كاملة من موتور ( شنابر ) سمكرة ودوكو فرش أرضية جلد وصالون جلد وسنتر لوك وجهاز إنذار وبطارية جديدة زجاج كهرباء أريد بيعها وثمنها لأي أخ في المنتدى 22 ألف وأميلي هو hassan_compu@yahoo.com وتليفوني هو 0108083845 لو كنت جادا أرجو الاتصال بي

رد: كل اللي اشتري عربيه مستعمله تعالي محتاجين مساعدتك
 

انا لما جيت اشترى عربيه قعدت فى الاول اشوف اعلانات الوسيط وطبعا كان موضوع مجهد ان واحد يقولى العربيه فى مصر الجديده وانا باشتغل فى المهندسين وطبعا مش معايا عربيه علشان اروح اشوفها بعد الشغل مع العلم ان المفروض العربيه تتشاف بالنهار فلقيت فكرة الوسيط مش ماشيه معايا وروحت السوق لان العربيات كلها فى مكان واحد بس طبعا اشتريت عربيه من حيث الشكل الخارجى فقط وكنت عارف ان سعرها اغلى من العادى بس لو قعدت استنى مش هاشترى .
وصرفت عليها كتير بس كل ده خبره للواحد وربنا يوفقك
انت ناوى تشترى عربيه نوعها ايه

رد: كل اللي اشتري عربيه مستعمله تعالي محتاجين مساعدتك
 

فكرة كويسة جدا يا استاذ أنور .

رد: كل اللي اشتري عربيه مستعمله تعالي محتاجين مساعدتك
 

موضوع شرا العربيه دا ليه حكايه طويله عندي
بس الي قصرها اني كنت محدد انا عايز ايه

ف شهر رمضان كنا بنفكر نجيب عربيه
طبعا كنت بدور في رينج معين ف لقيت احسن الاختيارات فيات 131 او 132 او 128 (مستبعده لصغر حجمها )
و اخترت المجموعه دي لانها سهل صيانتها و قطع غيارها رخيصه جدا
بس استبعدت ال 128 و 132 عشان بتشرب بنزين

ابتديت انزل سوق السيارات و كان شهر رمضان مفيش عربيات كتير بس بردو لقيت كذا عربيه
بس كان معظم الموجودين تجار او ميكانيكيه و طبعا عايز يدبسك ف العربيه

الي يشد في الاول الشكل الخارجي
لكن ف السوق العربيات كلها شكلها كويس لان الي جاي عايز يبيعها بأي طريقه
لكن اما تفتح الكبوت هتلاقي بلاوي جوا غير البرومه الي بتداري بالمعجون و بتظهر بعد ماتمشي بالعربيه اسبويعين بالكتير

شوفت عربيات كتير جدا و دا اداني خلفيه كويسه و عرفت العربيه السليمه م العربيه المغشوشه

لقيت عربيه ف السوق و جربتها لقيتها كويسه بس محتاجه شويه شغل نضافه ف اتفقت مع صاحبها و اخدت رقمه
و كلمت ميكانيكي معرفه و خليته يشوف العربيه
طلعت محتاجه عمره ماتور و فيها برومه من تحت من اولها لاخرها

ساعتها الميكانيكي قالي ان فيه كذا عربيه قدامه و مش محتاجين مصاريف ف اتفقت معاه علي يوم و كان جايب عنده ف الورشه 3 عربيات
اتفرجت عليهم و شوفت انسبهم و اكتر واحده استريحتلها و تمت البيعه الحمد لله


العربيات كتير و الي عايز يشتري هيلاقي الي هو عاايزه بس المهم يكون عنده شويه معلومات
و الاهم انك تاخد معاك ميكانيكي اميييييييييين و معرفه عشان مايبيعكش و يلبسك ف عربيه تعبانه
و الاهم بردو انك تاخد سمكري امييييين بردو يكشف ع العربيه يشوف البرومه الي فيها و الدواخل سليمه ولا لا

رد: كل اللي اشتري عربيه مستعمله تعالي محتاجين مساعدتك
 

رد: كل اللي اشتري عربيه مستعمله تعالي محتاجين مساعدتك
 

اخى انور
موضوع جميل اوى محتاجينة عشان البيشترى عربية مستعمله ميخبطش فى الحيطة
ويحاول يهدى والكلام ليه انا كمان عشان انا عايز عربية ومستعجل بس الحمد لله لسة مخبطش فى الحيطة
بس انا حبيت احييك على المو ضوع الشيق
ربنا يكرمك وتفضل تضيف لمنتدانا