رد: ثبات الهيونداى اكسنت 2010
 

انا معايا نيو اكسنت سبورت 2011 و صلت معايا لحد ال 200 بس بدات اقلق بعد 180
بس مع مراعاه ان العربيه عامله 1200 كيلو

رد: ثبات الهيونداى اكسنت 2010
 

امبارح لاول مرة جربت اجيب 120 عشان اشوف فيها جرس ولا لأ طبعا طلع مفيهاش عشان غبور يكسب قرشين زيادة
ولكن اكتشفت انها بعد 100 بالظبط بتبقى خفيفة والتحكم فيها صعب شوية ده بالمقارنة بالابيزا98 اللي معايا لان الابيزا عمري محسيت انها خفيفة ودايما ماسكة فى الارض علما ان اقصى سرعة جبتها بالابيزا
كانت 160
بس الاكسنت طبعا مش اكيد لاني مجربتش غير مرة وانا لسه بلين العربية يعني لما اخلص تلييت ناوي اجرب لغاية 160 او اعلى حسب ثبات العربية واكتبلكو تجربتي مع اني مش متفائل بنتيجة حلوة لاني عارف ان فى فرق بين عربية اوروبي وكوري

رد: ثبات الهيونداى اكسنت 2010
 

ثباتها كويس لحد 140 وبعد كده منك للهوا

رد: ثبات الهيونداى اكسنت 2010
 

انا جبت بيها لحد 200 على طريق السويس - العين السخنة و العربية ما شاء الله ثابتة جداً
بس بعد 160 العربية فعلا بتكون ريشة طايرة لكن ثابتة جداً عادي ..

رد: ثبات الهيونداى اكسنت 2010
 

انا جبت بيها من يومين 180 والصراحة مش مبسوط ومش حاسس بالامان
مش عارف اشرح التفاصيل ازاي بس ده اللي حسيتو
اولا هي بتجمع كويس وبتستجيب ولكن العربية خفيفة جدا وانا فاهم يعني ايه فرامل على 180 ويعني ايه سنة يمين او شمال على 180 ولكن الموضوع نسبي من عربية لاخرى ورأيي الخاص انها مش عربية مصممة للمدينة فى المقام الاول ولن على الطريق السريع امنة لغاية 100 او 120 وبعد كده بيقل الامان والتحكم بشكل متزايد زي اي عربية ولكن بنسبة اعلى من عربيات كتير اوروبي
يعني مثلا حاولت المس الفرامل عشان واحد دخل قدامي على مسافة بعيدة حوالي 200 متر حسيت كأني بضرب فرامل مع اني لامس الفرامل فالافضل تسيب الماتور يهدي سرعة العربية لوحده عشان تضمن تحكم اعلى اثناء تهدئة السرعة
معلومة تانية لما بتعدي عربية تانية جمبي الهوا بياخدها ويجيبها وده حسب سرعتك
وتقييمي انها ضعيفة وغير امنة على السرعات العالية لكن بحبها :)
وهي مازالت افضل من غيرها فى نفس الفئة مثل الفيرنا واللانوس والريو والافيو
وما انصحش حد انه يجرب اكتر من 140

رد: ثبات الهيونداى اكسنت 2010
 

ya lovly boy toool mnta mashy straight lw 7ta gbt beeha 220 msh ht3mel ma3ak 7aga bs lw fe 4orza aw mlf sa3b showaya hena tshof thabat el 3arabya

رد: ثبات الهيونداى اكسنت 2010
 

سلام عليكم
انا ياجماعة على الصحراوى او السخنة بيها لحد 200 زى الفل بفضل الله وباخد الملفات على 160 بس ياريت الى مش متمكن ميجربش نصيحة لوجة الله بس الثبات مشاء الله جميل 4BY4