رد: مين افضل كيا سيراتو ولا كروز؟؟؟؟؟؟؟
 

الله يبارك فيك يا استاذ اشرف
شوف العربية بامانة ربنا ممتاذة ومريحة والمكنة بتاعتها ما شاء الله عليها هى ماكنة اوبل استرا 128 حصان
بس للاسف لحد دلوقتى لسة مش لاقيلها صيانة ودة عيبها الوحيد الى اكتشفتة فيها لحد دلوقتى لانى بجد الموضوع دة راعبنى ومخفونى بس بالنسبة لقطع الغيار انا مش قلقان منها لان هتتوفر اجلا ام عاجلا انا مشكلتى الوحيدة دلوقتى فى مسألة الصيانة والكلام دة بردة لما يكون ليها مركز متخصص وفاهم كويس غير لما اى حد يشتغل فيها وادينى عمال بدور والاخوة فى المنتدى هنا بيحاولو يساعدونى وبيدوا معايا وربنا يسهل
ادعيلى انت بس
اة وبردة فى موضوع جديد بيقولك ان فيها عيب فى خراطيم البنزين والتوجية وان الشركة سحبت منها مش عارف كام عربية انا والله ما شوفت منها اى حاجة وحشة وبسافر بيها كتير وما شاء الله عليها بس بردة خليك فى الضمان ومتجبهاش احسن دلوقتى استنى لما الامور كلها تبقى مكشوفة ودامك تعرف الاول مكان صيانتها واية موضوع العطل الى بيحكوا عنة دة والله اعلم وان شاء الله ربنا يوفقك فى اختيارك .

رد: مين افضل كيا سيراتو ولا كروز؟؟؟؟؟؟؟
 

انا بصراحة افضل السيراتو عن الكروز
العربية السيراتو تأمينها أفضل من الكروز علي ما اعتقد بعيدا عن الجنط ال17 طبعا

رد: مين افضل كيا سيراتو ولا كروز؟؟؟؟؟؟؟
 

هو اكيد كل واحد بيبقى شايف حاجة معينة فى العربية الى عاوزها
ولوا اختلاف الاذواق لبارت السلع
وبصراحة العربيتين يعتبروا قلة جامدة فى السوق المصرى

رد: مين افضل كيا سيراتو ولا كروز؟؟؟؟؟؟؟
 

يعين اية يا باشا يعتبروا قلة جامة في السوق المصرية

رد: مين افضل كيا سيراتو ولا كروز؟؟؟؟؟؟؟
 

رد: مين افضل كيا سيراتو ولا كروز؟؟؟؟؟؟؟
 

حضرتك ممكن تشوف المقارنه دى, فيها كل حاجه بالتفصيل عن العربيتين
http://www.masrmotors.com/vb/showthread.php?t=16698

رد: مين افضل كيا سيراتو ولا كروز؟؟؟؟؟؟؟
 

لاء حضرتك هى غلطة منى وانا بكتب انا اقصد نقلة جامدة فى السوق