مصر موتورز مجتمع السيارات - ألحقونى قبل ما جوزى يرجع فى كلامه

مصر موتورز مجتمع السيارات (https://www.masrmotors.com/vb/index.php)

- Hyundai هيونداى (https://www.masrmotors.com/vb/forumdisplay.php?f=37)

- - ألحقونى قبل ما جوزى يرجع فى كلامه (https://www.masrmotors.com/vb/showthread.php?t=18010)

رد: ألحقونى قبل ما جوزى يرجع فى كلامه

اقتباس:

المشاركة الأصلية كتبت بواسطة Mohamed Dahab (المشاركة 117939)

الف الف مبروك مقدما و ربنا يبارك
العربيه دى ممتازه ومشكله الباور اتحلت
دى اجاباتى فى حدود اللى اعرفه:
1- التسليم ده بيكون حسب وفره العربيه عند الوكيل هوه ادرى واحد بتاريخ وصول الدفعات من بلد المنشا والفتره اللى حضرتك ذكرتيها مناسبه جدا وكلام معقول وان شاء الله تكون اقل من ذلك
2- فعلا العربيه سوف تكون باسم زوجك لان واضح ان كل الاوراق المقدمه باسمه
3- انا بصراحه مستغرب من الشرط ده بس معلش مش هتفرق
4- فى شركه اسمها العالميه دى بتقسط تقسيط مباشر بدون بنك والفايده 10% وليها فرع فى مصر الجديده عند اشاره روكسى بجوار العبودى
5- اللون الكحلى و السلفر من احلى الالوان على النيو اكسنت (دى اذواق)

أشكرك من كل قلبى على الرد المطمئن

حكاية اللون دى اللى مجننانى خاصة انى ما شوفتش الكحلى لو شوفته هأقدر أستقر لأنى بكره الفواتح

أشكرك مره ثانيه

رد: ألحقونى قبل ما جوزى يرجع فى كلامه

الاول اهلا بيكى معانا فى مصر موتورز
تانى حاجه بقى خلاص الاخوة ردو عليكى بالنسبه للاسئله اللى ذكرتيها
اما بالنسبه لموضوع اللون فهو اكيد راحه نفسيه واذواق بس هو الكحلى حلو والاسود موش وحش <<< بحب جدا العربيات السوادء :HAPPY_~211:

ومبروك مقدما وان شاء الله تشترى وترخصى عن قريب

رد: ألحقونى قبل ما جوزى يرجع فى كلامه

اقتباس:

المشاركة الأصلية كتبت بواسطة فاطومه المصريه (المشاركة 117950)

أهلا بيكى ميرسى لذوقك

هو فعلا الاسود فيها حلو قوى بس باحسه مش للستات أدعيلى أستقر وأرتاح

الله يبارك فيكى وميرسى جدا لذوقك مره كمان بصراحه كلكم هنا ما تتخيروش عن بعض
وأدعيلى ربنا ييسر الحال ويقرب البعيد

رد: ألحقونى قبل ما جوزى يرجع فى كلامه

اقتباس:

المشاركة الأصلية كتبت بواسطة zain2007 (المشاركة 117889)

السلام عليكم ورحمة الله وبركاته

أولا وقبل أى شيئ أحب أشكر جميع أععضاء هذا المنتدى الاكثر من رائع والاخوه المشرفين على المجهود الرائع فعلا

دى أول مشاركه ليا وأن شاء الله ما تكونشى الأخيره وجزاكم الله خيرا فلقد أستفدت من موضوعاتكم فائده كبيره ولسه عشمانه فيكم تساعدونى أكثر (طماعه شويه)[IMG]http://www.**********.net/Nile/images/smilies/_Alshmokh23[1].gif[/IMG]

أنا أستقريت ولله الحمد بعد بحث وتنقيب وتمحيص وصولات وجولات أنى أن شاء الله أشترى نيو أكسنت مع أنى كنت هاموت على البيكانتو لكن السيد المبجل زوجى كان ليه رأى تانى ونزل زن على ودانى لحد ما أقنعنى بالاكسنت

أللى انا أصلا كنت مقتنعه بيها بس كنت بقاوح غلاسه المهم كان سر تمسكى فى الاول بالبيكانتو أنها عربيه صغيره وانا خايفه ما أقدرش أتعود على مقاسات العربيه الكبيرهمع أنى سوقت عربية جوزى كتير بس هو قلق لابد منه

المهم

رحت أمبارح غبور اللى فى شارع السلطان حسين وكان عندهم واحده سوده شكل اللون الاسود عليها جنان لكن الراجل اللى هناك قالى أن اللون الاسود بيحتاج نضافه جباره
فطلبت اشوف النبيتى ورحت شوفتها لكن ما عرفتش اشوف اللون كويس لأنه ودانى الجراج والدنيا طبعا ضلمه فغالبا أستقريت على النبيتى أو الكحلى

طلباتى بقى كلأتى
أنا أن شاء الله هأقسط معاهم تقسيط أسلامى بفايده 8.5 %
أرجو منكم تفيدونى عن الاسئله التاليه
هل العربيه مناسبه ليا وانا عندى طفلين صغيرين وهل ليها مشاكل وممكن تبهدلنى معاها ومشكلة الباور الكهرباء أتحلت ولا أيه

العربية طبعا مناسبة وافضل من البيكانتو بس ياريت تسوقي بهدوء وبلاش جري

1-الراجل قالى التسليم بيكون فى خلال حوالى من عشرين يوم لشهر ؟هل الكلام ده حقيقى
طبعا التسليم هيتاخر شوية علشان هي دي مصر

2-قالى ما ينفعش أن العربيه تتكتب بأسمى لأن زوجى هو اللى هايدفع وعشان تتكتب بأسمى يبقى قدامى حل من الاتنين يا اما أدفع40% مقدم أو أقسط عن طريق كونتاكت والحلين بالنسبالى مرفوضين هل الكلام ده حقيقى يعنى ما ينفعش تتكتب بأسمى

كلام صحيح 100 في ال 100
وبطلو شك بقى

3_ البنك اللى هايقسطلى عنده شرط مش لذيذ وهو ( لو أنا بعد فتره حبيت أكمل باقى تمن العربيه كاش يبقى لازم يكون مر عليا سنه بأدفع أقساط دى حاجه والتانيه لو انا كان معايا مبلغ نقول مثلا خمس ألاف وحبيت أدفعهم مره واحده لكذا شهر ما ينفعش أقل حاجه لازم يكون مبلغ أقساط سنه

كل البنوك كدة لانها من مصلحة البنك التقسيط مش الكاش

4- لو فى حد عنده علم بمعارض تمون بتقسط أسلامى بشروط أحسن من دى يفيدنى علما بأنى أقدر أدفع مقدم الربع وعند غبور برضه كنت هادفع الربع وقسط شهرى حوالى 1300 وفايده 8.5 لو تعرفو حد تانى بالمواصفات دى يبقى ليكم جزيل الشكر

بنك فيصل عامل نظام اسلامي كويس

5- أخر سؤال وأهم سؤال أى اللونين أحلى النبيتى أم الكحلى أنا سمعت أن النبيتى بتاعها مطفى هل دى حقيقه ولا

الازرق فيها تحفة

أسفه طولت عليكم بس عشمى فيكم كبير
وليكم الأجر والثواب عند الله

ولا يهمك يا ستي احنا في الخدمة

:waving::waving::waving:

بالنسبة لموضوع الباور كهرباء ام لا ما عنديش فكرة عنها

رد: ألحقونى قبل ما جوزى يرجع فى كلامه

يا مدام الفايدة دى كتير اوى
انا نسيبى بيخلص فى فيرنا من ابوغالى اللى على طريق الاسماعيلية الصحراوى يدفع 25% والباقى على 3 سنين بفايدة 6% فقط وانصحك باللون الاسود هوا فعلا محتاج نضافة جامدة بس قيم جدا
مش عارف اسلامى ازاى وبفايدة 8.5% طيب يقولوا مرابحة ههههههههههههههههه

رد: ألحقونى قبل ما جوزى يرجع فى كلامه

اهلا و سهلا بيكي معانا في مصر موتورز ز نتمني نشوف مشاركاتك زي ما بتقولي:)
بالنسبه للتساؤلات فالدكتور عبد السلام جاوب عليها مشكورا
اما بالنسبه للون
التلات الوان حلوين الاسود و الكحلي و النبيتي
و شايف ان النبيتي اشيك لون فيهم
و علي فكره التلاته بيلموا تراب مش فارقه كتير
شوفي اللي يعجبك و لو الاسود عاجبك توكلي علي الله

رد: ألحقونى قبل ما جوزى يرجع فى كلامه

اقتباس:

المشاركة الأصلية كتبت بواسطة mostafa2000 (المشاركة 117968)

بالنسبة لموضوع الباور كهرباء ام لا ما عنديش فكرة عنها

والله مش شكيت ده الكلام كان قدامى وجوزى هو اللى كان عاوز يكتبها بأسمى بطلو ظلم بقى مش احنا اللى نبطل شك هما الستات دايما مظلومين

هو الجرى بيها فيه مشكله ولا أيه على العموم الشوارع فى أسكندريه يا دوب أخرك فيها 60 و80 لو الكورنيش فاضى بس المهم على الصحراوى ضرورى يبقى فيه جرى

أفدتنا أفادكم الله وكل سنه وأنت طيب