|
رد: خارج دائرة الضوء : حرب أكتوبر64 معركة.. انتصرنا في51 بشهادة ديان وكيسنجر وديبويه وبوف وقائد الـ200 قتيل الذين مزعتهم الكتيبة 16 مشاة!
فعلا اللى اتقال فى المقال من ان محدش من الحضور اعترض على كلام السفير ده حقيقى
لان تانى يوم او بعدها بيومين كده قريت مقال تانى لكاتب فى الاهرام عن الحضور ومن بينهم وزير الخارجيه السابق احمد ماهر وغيره من الشخصيات العامه اصابهم الذهول مما يقال فكيف يعقل ان استضيف شخص ما للاحتفال بعيد قومى ويكون ده رده كاتب المقال انتقد الحضور وقال انه عرف منهم ان محدش رد |
رد: خارج دائرة الضوء : حرب أكتوبر64 معركة.. انتصرنا في51 بشهادة ديان وكيسنجر وديبويه وبوف وقائد الـ200 قتيل الذين مزعتهم الكتيبة 16 مشاة!
اقتباس:
|
رد: خارج دائرة الضوء : حرب أكتوبر64 معركة.. انتصرنا في51 بشهادة ديان وكيسنجر وديبويه وبوف وقائد الـ200 قتيل الذين مزعتهم الكتيبة 16 مشاة!
المقال كان بس نوع من التوضيح للي بدأ يساوره شك حول انتصار اكتوبر ,,, و اللي حصل من تشكيك من عرب في الحرب دي ,,, هما اصلا مش طايقين مصر من ساعة معاهدة السلام ,,, هما كانوا فاكرين تقريبا ان مصر لما تحارب هتعملها ابادة و هتموت كل الاسرائيليين ,,, احب اقول بداية ان ده مش من الاسلام ,,, انك تموت كل الناس اللي شايل سلاح و اللي مش شايل ( حتي لو كان بيشيل بس وقتها اعزل مالكش انك تضربه ) و ليه اموت ولاد بلدي طلما ممكن اضرب و انتصر في الحرب و اكمل الباقي باتفاقية ,,, ارواح ولاد بلدي مهم برضو زي تراب بلدي ,,,
وقت ما اتعملت المعاهدة ,,, العرب رفضوا تقسيم فلسطين ,,, كان زمان بقي في دولة فلسطينية منة السبعينات ,,, و القدس كانت هتبقي منطقة دولية مش تبع اي من الاتنين ,,, شوفوا الحال النهاردة اللي بيعرضه الاسرائيلين علي الفلسطينين لاقامة دولتهم ما يجيش واحد علي تلاتة من اللي اتعرض وقت معاهدة السلام ,,, بلدنا هتفضل قوية جيشاً ,,, و الشعب ده بيتلم لما بتحصل مشكلة ... و الله احنا شعب طيب جدا و عاطفي و ممكن تتحكم فيه من خلال موضوع العاطفة ده بس اللي يفهم في الادارة بقي نعمل ايه عبد الناصر الناس كانت في فقر شديد و كان يطلع يقول كلمتين والناس برضو كانت تهتف عبد الناصر وتسقف ,,, الشعب ده بجد بينضحك عليه بسهولة علشان طيب ,,, في نفس الوقت ,,, ممكن يتحرك لو القادة قدروا يعملوا توجيه سليم للشعب ده |
رد: خارج دائرة الضوء : حرب أكتوبر64 معركة.. انتصرنا في51 بشهادة ديان وكيسنجر وديبويه وبوف وقائد الـ200 قتيل الذين مزعتهم الكتيبة 16 مشاة!
انا كنت مستنى الرد ده بالظبط لان التطبيق اللى حضرتك بتقولة ده هو خلاصة اختلافنا اما كون انتصرنا ونمازج البطولة والبسالة ديه مش محل نقاش اطلاقاً
بس خلينا نحسبها بالورقة والقلم لان مينفعش نتكلم عن احداث بالحجم ده بعد السنين ديه كلها كده بالشبه لما اى حد يقول انتصرت او خسرت فى الحرب ده بيبقى بناء على ايه ؟ مش بيحدد اهداف ولما بينجح فيها بيبقى انتصر ولو فشل بيبقى فشل طيب بسيطة ايه هى اهدافك من حرب 6 اكتوبر خد بالك انت اصلا كنت فى حالة حرب ومعارك الاستنزاف برضو كان فيها بطولات ونجاحات كبيرة دخلت الحرب وانت عندك جاهزية عالية من المعدات والخبراء ونظم التسليح والناس متجندة بقالها سنين وعندها خبرة العمليات قولت انط الناحية التانية واعمل نفسى بحارب بجد (انا بتكلم على النية اللى فوق) وادخل معايا سوريا والعرب كلهم وتبقى هيصة هوب الدنيا تقوم هوب نقعد قعدة عرب ونتراضى ايه السلام التلاكيكى ده بقى انت بتتلكك علشان تعمل سلام متاخد كل ارضك امن حتى اللى اخدتة مش تحصل ثغرة تدخل شارون السويس وبعدين تكلمنى عن سلام الاقوياء طيب حتى لو انت ليك رؤيه ما بتقول ان ده انسب الحلول تخدع سوريا الحليف الاساسى حليف ايه ديه دراعك اليمين وتقولة انا داخل احرر كل ارضى وخش معايا وبعدين تخش 12 كم وتقف وتسيبة هى الحرب ديه مش ساعدك فيها كل العرب وسوريا طبعا طيب انت بس اخدت حقك (ده ان صح) وهما يولعو !!!؟ محدش قال ابادة انت حتى ما اخدتش كل ارضك ولا دخلت فلسطين وبعدين اسرائيل علشان تبقى حرب ابادة وبعدين هما كانو بيضربو مدارس اطفال هنا وبيقتلو اسرى وليهم مذابح فى كل حتة فيه ايه لما تعمل اجتياح كامل لسينا كلها وتقف مع سوريا لحد ما ترجع ارضها وعلى الاقل متعملش معاهدة سلام وتتكلم فى تطبيع الا بعد حدود 67 اقتباس:
عندهم حق لما نبقى خمسة سته اخوات حتى ولينا حقوق عند واحد حرامى ونتفق نقوم نضربه وناخد حقنا واخ ياخود حقة ويروح والباقى حقوقة ضايعة لحد دلوقتى قول انت يبقى ايه ؟ اقتباس:
فين البقية بقى ؟؟ ايه البقية بالنسبالك باقى سينا بس ولا حدود 67 ولا استرجاع القدس ولا اقامة دولة اسرائيل اصلاً ولا ايه ؟ ايه هدفك من الحرب ؟ اقتباس:
وليه دايماً المفروض نقبل اللى يتعرض علينا امال احنا كنا بنحارب ليه مش علشان نملى شروطنا !!! يعنى احنا نسف التراب واجيال بحالها تتبدهدل ولحد دلوقتى بيقولك تخلف من اثر الحروب وبرضو نقبل بشروطهم لا يا سيدى مش هنقبل وزى ما انت حاربت ضد قيام دولة اسرائيل ايام الملك كان المفروض تحارب اسرائيل وتركز مجهودك ضدها بدل ما استنذفت فى حرب اليمن والجزائر ومساندة الثوارات وسياسة المعتقلات لحد ما اتنكست ولا كمان ما اتنكسناش !!! طيب انت قبل النكسه كنت تقدر تعمل منوارات وتحشد قوات فى سينا دلوقتى تقدر تطلع لواء دبابات واحد ؟؟ فين الباقى وفين اللى عايز نرضى بيه ولا يرضو بيه ؟ فين الجولان وشبعة والقدس فين القدس !!! فين حق صبرة وشتيلا وبحر البقر فين حق كل الناس اللى ماتو من قيام دولة اسرائيل لحد دلوقتى فين دم الاسرى اللى اتقتلو بدم بارد فين دم الشهداء مدينين وعسكرين فين ده كله انت راضى بكده خلاص !!! اقتباس:
برضو حضرتك جبت المفيد احنا بلد عاطفى وده اللى مضيعنا وعلشان طيبتنا ديه احتلنا الانجليز ميه سنة واحتلنا الفرنسيين واحتلنا الرومان والهكسوس بفضل الطيبة ديه رحبنا بنابليون وكان فيه ناس بتشتغل فى كمب الانجليز ولمعنا قبه الجامعة لاوباما ونستقبل ونرحب بنتنياهو مش كده وطبعا ده يشمل الغاز واحكام الحصار على غزة اقتباس:
انا مش عايزك تفهم انى ناصرى بس بموضوعية لما تختزل ايدولوجيا وفكر عبد الناصر ومبادىء الثورة والتغيرات الاجتماعية والطبقية تحديداً وكل ما تحمله خطابات عبد الناصر من مؤثرات وقيم الى كلمتين تبقى حضرتك مش موضوعى فى الفقرة ديه خالص وبعدين مين قال ان الناس كانت فقراء ايام عبد الناصر !!؟ بمعنى ايه فقراء وقياساً بايه ؟ يعنى ايام الملكية كانو اغنيا وعبد الناصر فقرهم ايوه حضرتك عندك حق احنا بيضحك علينا بس اكترنا مصدق او عايز يصدق علشان ميحسش بالذنب |
رد: خارج دائرة الضوء : حرب أكتوبر64 معركة.. انتصرنا في51 بشهادة ديان وكيسنجر وديبويه وبوف وقائد الـ200 قتيل الذين مزعتهم الكتيبة 16 مشاة!
معلش يا أبو نورا أنا ح أتكلم فى نقطه واحده ووضحها السادات مره واحده ( الله يرحمه ) !
احنا لم نخدع سوريا و توقفنا و تركناها تنضرب على قفاها ! همه من أول يوم كانوا تعبانين فى القتال ! و كل أو معظم طياراتهم انضربت ووقعت و كمان الجولان اتاخدت منهم مع أن كل جنرالات العالم قالوا ان من المستحيل ان الجولان تسقط لآنها هضبه مرتفعه و ممكن جدآ تضرب تل أبيب شخصيآ بالمدافع طويلة المدى منها أو بنبله أستكها جامد شويه ! يعنى العيب و الخيبه من سوريا و بترمى بلاها و خيبتها علينا ! ( أقول ذلك و أنا من أصل سورى وأنت تعلم ذلك ) بس الحق مافيهوش ياما ارحمينى ! ثانيآ : السادات اعترف ان سبب توقف الاندفاع فى سينا بعد ال 15 كم أو الممرات الاستراتيجيه هو نقص الذخيره اللى بقيت عندنا ( و ليس نقص السلاح ) ! وقال بالحرف ان كل مدفع كان فاضل خلفه 13 خط ذخيره فقط ! لا تكفى لتطوير الهجوم ! قد تكون دى سقطه فى التحضير للحرب ( وارده ) و قد تكون بسبب كثرة الضرب فى الآيام الآولى و قد تكون بسبب تقاعس روسيا و الدول العربيه عن امدادنا بالذخيره فى الوقت المناسب ! و السادات لم يكن عبيطآ ! يعنى مافيش حد يقدر يقضى على عدوه و فى نص الضرب يقول العفو عند المقدره ! أكيد هوه كان شايف اللى العامه مش شايفاه و هوه لم يكن مطالب بفضح أسرار جيشه أو النقص اللى فيه علشان يرضى بعض الناس أو سوريا أو يتقال عليه خائن ! ما هوه كان موصوم بالخيانه قبل الحرب ! خلاص جتته تنحت و ما عادش يؤثر فيه كلام و هوه كان له رؤيه و حقق مالم يحققه عربى بعد صلاح الدين ( اللى ماكانش عربى بالمناسبه ) ! وأنا لا أدافع عن السادات لآنه لم يعجبنى فى أيامه الآخيره ! ولكن أدافع عن الحق و الحقيقه ! Dr. Bolbolan ptmnlo123per122 |
رد: خارج دائرة الضوء : حرب أكتوبر64 معركة.. انتصرنا في51 بشهادة ديان وكيسنجر وديبويه وبوف وقائد الـ200 قتيل الذين مزعتهم الكتيبة 16 مشاة!
احب اضيف حاجه واحده بعد الكلام الرائع اللى قاله الدكتور
من سنه تقريبا معمر القذافى على الرغم من كل اللى السادات عمله يعنى لو حد دخل على اليوتيوب هيلاقى السادات كان ممرمط بكرامة القذافى الارض فى العلن ده غير الطائرات المصريه اللى ضربت ليبيا و مع ذلك من سنه واحده بس اعترف القذافى ان السادلت كان ابعد نظر من كل العرب و انه كان بطل و اضاف الله يرحمه |
رد: خارج دائرة الضوء : حرب أكتوبر64 معركة.. انتصرنا في51 بشهادة ديان وكيسنجر وديبويه وبوف وقائد الـ200 قتيل الذين مزعتهم الكتيبة 16 مشاة!
ربنا يعلم قعدت قد ايه ادور على المقطع ده لحد ما لقيته
ده جزء من حوار لعبد الستار الطويلة مع الرئيس السادات ونشر فى كتاب حرب الساعات الست واحتمالات الحرب الخامسة ونشر فى 1975 ده بس تأكيد على كون اشكالية حرب التحرير والتحريك ديه قديمة مش مستحدثة "" سيادة الرئيس .. اثار البعض كلاماً حول هدف المعركة . فقالو انها كانت معركة للتحريك لا للتحرير . وانها كانت حرباً محدودة فماهى الحقيقة ؟ قال الرئيس هذه عبارات من قبيل التلاعب واصطناع الشعارات . ما التناقض بين التحريك والتحرير ؟ ان التحرير هو هدفنا من العركة .. والتحريك هو احد وسائلنا ، وهو يعنى صدم العدو ومن يقف خلفة والعالم كله وايقاظة بالنسبة لقضيتنا لارغام العدو على التراجع . اننا نعلم وندرك ابعاد التوازن الدولى وحساسية منطقة الشرق الاوسط واهميتها بالنسبة للغرب والشرق. ولذلك فان حرب اكتوبر كانت حرباً محدودة تضرب نظرية الامن الاسرائيلى فى الصميم لإدراكنا ان ذلك سيتبعة تغييرات هامة تخطو بنا نحو التحرير الكامل للارض . وفى الامر الاستراتيجى الذى اصدرتة للقائد العام للقوات المسلحة حددت له اهداف هذه الحرب المحدودة فى اربع نقاط : * ارغام اسرائيل على الحرب فى جبهتين * الحاق خسائر بها لم تتكبد مثلها من قبل * الزامها بالتعبئة العسكرية اطول مدة ممكنة * ايقاظ التضامن العربى بحيث يستخدم العرب لاول مرة كافة اسلحتهم فى المعركة وقد تحققت كل هذه الاهداف فى حرب اكتوبر واثبتنا للعالم فساد نظرية الامن الاسرائيلية وابتسم الرئيس لحظة ثم اضاف ضاحكاً: كنا ونحن اطفال فى القرية نتصور ان الملك يلبس قبقاباً من ذهب وقبل اكتوبر كانت نظرية الامن الاسرائيلية قبقاباً ذهبياً من هذه النوع الموهوم والان يعرف العالم كله كما يعرف اصحاب القبقاب انفسهم انه من خشب وان تحطيمة ممكن !! ولكن يا سيادة الرئيس ,, لماذا اخترتم ان تكون الخطة اصلاً حرب محدودة ؟ قال الرئيس: - لا تستطيع ايه قيادة ان تصنع خطة تتجاوز الظروف والامكانيات . ان الشرق الاوسط منطقة ساخنة جداً .. ومجرد تحريك مشكلتة يكفى لايقاظ العالم كله . وكل خطة مسئولة يجب ان تضع فى حسابها الظروف الدولية والامكانيات . سرح الرئيس ببصرة عبر حاجز الشرفة ، واحسست للحظات انه نسينى ، فانتظرت بعض الوقت قبل ان استأنف سؤالة . سيادة الرئيس ,,, هل الامكانيات التى تشير اليها هى السلاح ؟ قال الرئيس : - نعم .. لم يكن تسليحنا على خير حال .. وسأقول لك سراً لم يعرفة احد حتى الأن . لقد دخلنا المعركة ونصف طائرات الهليكوبتر التى عندنا معطلة .، بسبب نقص فى قطع غيارها .. وهى قطع كان يكفى لاستيعابها صندوقان تحملهما طائرة ركاب عادية ، ولكن الاصدقاء السوفييت لم يسعفونا بها . "" انتهى النقل اعتقد الكلام واضح مش محتاج منى تعليق |
| الساعة الآن 01:36 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017