|
رد: هل تتوقع انخفاض اسعار العربيات في 2010
شكرا على الدخول
استاذ بدر شكرا لوجهة نظرك ...لكن في عربيات في مصر 2009 زيرو وما نزلش 2010 فديه بالطبع لازم تقل ... المستعمل كمان هيكون فات سنه هيقل يعني مثلا النترا 2008 اشتريتها ب 100 الف في 2009 اكيد لازم ترخص |
رد: هل تتوقع انخفاض اسعار العربيات في 2010
انا بتوقع ان السوق كله هينزل حتي اليباني و الاسياوي ,,, علشان الاوروبى سعره هينزل و بالتالي هينافس بعض الفئات اكتر ,,, خصوصا الفئات اللي سعرها بيقرب من 100 الف و انت طالع لحد 120 ,,, الفئة دي اعتقد انها اكتر فئة هتتأثر و ممكن مبيعاتها تزيد ,,,
الاسياوي هينزل سعر بعض الفئات لو المنافسة اشتدت علشان يحافظ علي سعر تنافسي ,,, و اللي خلاه يبيع اصلا السعر ,,, بالتالي لما الاوروبي يقرب منه الناس المفروض ترجع تشاور عقلها ,,, بجد بتمني اني اشوف مصر كلها عربيات فيها امان و تقفيل و خامات جميلة و قوة في الاداء برضو ,,, زي الدول الشقيقة كده :HAPPY_~211: |
رد: هل تتوقع انخفاض اسعار العربيات في 2010
اسعار ايه اللي تنخفض انتوا عايزين الوكلاء الغلبانين يخسروا ptmnlo123per111 |
رد: هل تتوقع انخفاض اسعار العربيات في 2010
فيه جمله فى اعلان نيسان اللى نزل فى ملحق الاهرام يوم 18/12/2009 ص3 مفهمتهاش،
بيقولك ايه بقى "ليه تستنى خصومات بكره .... صنى 2010 بتخفيض كبير النهارده" وفى ص4 س10 "باسعار جديده لا تقبل المنافسه فى مصر فلا تنتظرون تخفيضات المعارض" هل المقصود ان فيه تغيير اسعار فى الفتره الجايه و هما حبو يسبقو و يكسبو سوق من دلوقت؟ و ايه المقصود ب تخفيضات المعارض؟ هل يقصدوا حرق اسعار ال stock القديم بتاع موديلات2009 ptmnlo123per118 |
رد: هل تتوقع انخفاض اسعار العربيات في 2010
المقصود بتخفيضات المعارض هو معرضي جريدتي الأهرام و الأخبار اوتوماك و التاني مش فاكر اسمه المهم ان التجار بيحاولوا يتحركوا بسرعة قبل معرض الأهرام عشان يعملوا اي سبوبة و ده السبب في الإنخفاض التدريجي في كثير من أسعار السيارات حاليا و حتى موعد معرض الأهرام حيث الكعكة الكبيرة التي ينتظرها التجار لا بارك الله فيهم بعدها سترتفع الأسعار فوق ما تتخيلون عقابا منهم للي ما اشتراش في الفترة دي و عندها سوف يكون لديهم من الحجج و المفاهيم الإقتصادية المطاطة لزوم ضيط الشغل و انا شفت تاجر بعيني بيقول : |أبيع بسعر رخيص ليه و أفضل مشغل معرضي ليل و نهار عشان فتافيت؟ لأ انا ابيع بسعر عالي حتتين بس فيهم البركة من غير وجع دماغ و ناس داخلة و ناس خارجة ,عشان كدة ادعوا معي بالخراب على كل تاجر لا يراعي الله و عباده و ما أكثرهم
|
رد: هل تتوقع انخفاض اسعار العربيات في 2010
تمااااام ..... كده بانت الرؤيه الله يفتح عليك با ميمو بيه.
و فعلا ربنا يحرقهم على فلوسهم علشان اللى بيعملوه فى السوق ده ملوش اى علاقه لا بالتجاره و لا الشطاره و اكيد مش الدين. |
رد: هل تتوقع انخفاض اسعار العربيات في 2010
الناس لو استحملت شويه وفتره اطول فى عدم الشراء وده تعبير منهم على عدم الرضاء بالاسعار المغالى فيها فسيكون الركود الكارثه فوق رؤس الشركات والتجار وغصب عنهم سيتم التخفيض العادل والمناسب ولكن الناس بتفرح لو هناك عرض بتخفض الفين تلاته وده جزء من عشره من مكسبهم
|
| الساعة الآن 01:59 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017