|
رد: مشكلة فى اسبيرانزا تيجو
كويس انك عرفت تتفاهم معاهم و عرفت ترجع العربيتين
بس انت حظك حلو قوى على فكره ptmnlo123per1147 |
رد: مشكلة فى اسبيرانزا تيجو
الحمد لله
أكيد عمرك ما كنت هتبقى مستريح و مبسوط لو فضلت معاك العريية بعد المواقف إللى حصلتك كده أحسن تبدأ بداية جديدة و تنسى إللى فات |
رد: أهم مواضيع عن موديلات إسبيرانزا (A516 - A113 - Tiggo - M11 )
مش عارف اعمل اية
يا جماعة حجزت تيجو من اسبوع 2000 سي سي اوتوماتيك اتصلوا بي امبارح عشان اروح استلمها و فعلا رحت مع واحد صاحبى و استلامناها و كلة تمام روحنا محطة البنزين و موناها و بعدين طالعين على وسط البلد واحنا فى اشارة الملك الصالح على الكورنيش جبت العربية على ال p وبعدين الاشارة فتحت و جيت انقلمن ال p الى ال d و عصاية الفتيس مش عاوزة تتحرك من مكانها بعد محاولات اتصلت بالتوكيل و قالولى هنجيلك حالا وفعلا جم مع مهندس و ميكانيكى الميكانيكى فلك الفتيس من الداخل و فشلت محاولة الاصلاح وبعد كدة فكو حاجات كتير فى الموتور و فشلت محاولتهم وبعدين جابوا الونش وشالها تانى للتوكيل اتاسفوا كتير وبعدين قالو ان هما هيدونى عربية تانية مش عارف اعما اية انا بجد حيران جدا <!-- / message --> <!-- controls -->http://www.masrmotors.com/vb/AboNoRa...c/progress.gif |
رد: أهم مواضيع عن موديلات إسبيرانزا (A516 - A113 - Tiggo - M11 )
احب احكيلكوا باقى القصة
اتفقت معاهم ان العربية هتتغير و فعلا العربية اتغيرت و الحمد للة و رحت استلمها رقم موتور و رقم شاسية تانيين خالص و استامت العربية و رحت امون من البنزينة اللى وراهم و انا طالع من البنزينة سمعت صوت عالى فى العجلة الخلفية شمال فرحت تانى اتخنقت معاهم و سبتلهم السيارة و قلت يجهزولى فلوسي بكرة الصبح و فعلا رحت تانى يوم اخدت فلوسى شوفتوا خيبة الصينى و لا اقول خيبة المصري اللى يشترى صينى و رحت الحمد اللة حجزت عربية كيا كارينز اغلى 10000 بس مضمونة الحمد اللة و هستلمها يوم الاحد ان شاء اللة اية رايكو بقىىىىىىىىىى |
رد: مشكلة فى اسبيرانزا تيجو
احمد ربنا انهم رجعوها .. بصراحة رد فعل غير متوقع ..
وربنا يستر فى الكارينز والنحس يتفك .. |
رد: مشكلة فى اسبيرانزا تيجو
والله اللى حصل معاك ده من سابع المستحيلات فى بلد زى مصر .. بس الحمد لله اكيد فلوسك حلال .
بس اعتقد ان الموقف ده لازم يخلينا نعيد نظر فى استيراد السيارات الصينى الا بعد اخضاعها لتجارب تضمن كفاءة وامان هذه السيارات لان الواضح ان الصين اديتنا سورى على قفانا . |
رد: مشكلة فى اسبيرانزا تيجو
انت تحمد ربنا انى هم رجعولك فلوسك تانى و الاحسن اكتر انك نزلت حجزت الكيا بس اول ما تستلم العربيه الجديده ادبح حاجه وطلع اى حاجه لله على شان ربنا يبارك لك فيها ويعطيك خيرها و يكفيك شرها
|
| الساعة الآن 07:17 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017