مصر موتورز مجتمع السيارات
صفحة 2 من 14 1 2 34567891011121314
عرض 7 مشاركات من هذا الموضوع لكل صفحة

مصر موتورز مجتمع السيارات (https://www.masrmotors.com/vb/index.php)
-   منتدى سبير كار - فرش واكسسوارات السيارات (https://www.masrmotors.com/vb/forumdisplay.php?f=118)
-   -   ازاى امنع سرقة غطاء العربيه (https://www.masrmotors.com/vb/showthread.php?t=17346)

_amr.mostafa_ 17-12-2009 05:57 PM
رد: ازاى امنع سرقة غطاء العربيه
 
حط كهربه على الغطاء عشان اول مايجي يمسكو يتكهرب

AbOnOrA 17-12-2009 05:59 PM
رد: ازاى امنع سرقة غطاء العربيه
 
معلش يا باشا ربنا يعوض عليك والحمد لله انها جت على قد كده ولازم برضو تشد البوابين بتوع الشارع كلهم شده تصحصحهم شوية لان الحرامى لو رجلتة خدت على مكان انهارده هياخد غطاء بكرة هيدور على حاجة اكبر فحاجة زى كده صدقنى حتى لو كانت هايفة لازم تبلغ عنها علشان يصحو هما كمان

بالنسبة لحماية الغطاء فيه كذا حاجة
اولاً تربط اطراف الغطاء فى الجنط وديه بتبقى مفيدة فى الايام اللى فيها هواء جامد والغطاء مش باستك وطبعا هتصعب المهمة على الحرامى انه يقعد يفك 4 جوانب بس برضو هيبقى صعب عليك كل يوم تربطها او ممكن تخلى البواب يعمل كده

ممكن تقفل باب او بابين على طرف الغطاء بس ممكن الحرامى يشدو جامد فيتقطع

ممكن تركب جهاز انذار وتخلى سنسور الخبطات على اقل حاجة بس لو انت فى منطقة مش هادية ممكن اقل عربية تعدى جمبها تزمر ده غير القطط طبعا وكده هتعمل صداع لكن مستحبة لو ساكن فى مكان هادى جداً

عادة فيه ناس بتحب تحط رقم العربية على الغطاء او شىء يميزة بحيث لو حد من مكان قريب فكر ياخدة يتراجع :)

لكن انجح طريقتين طبعا هما انك تحطها فى جراج او متستخدمش غطاء اساساً ptmnlo123per122

ahmadyusuf 17-12-2009 06:19 PM
رد: ازاى امنع سرقة غطاء العربيه
 
شكرا يا ابو نورا على الرد الوافى ده و حعمل بنصيحتك ان شاء الله و ربنا يسلم

wz.u.4.ever 18-12-2009 03:08 PM
رد: ازاى امنع سرقة غطاء العربيه
 
ايوة انا شايف انك تسيبها كده احسن هههههههه غطا ايه الي هيجبلك الهم هههههههههههههه

EgyZizo 18-12-2009 04:02 PM
رد: ازاى امنع سرقة غطاء العربيه
 
أنا الغطا بتاعى فيه حزامين على الجنبين بيمسكوا فى بعض بقفل من جوه العربية ..
يعنى كل حزام تدخله من باب ويقابلوا بعض جوه العربية ويقفلوا بقفل ،
لو حد حاول يسرقه مش هيطلع معاه غير لو قطعه ، فهيفقد قيمته ..
كنت جايبه من شركة توب كفر اللى فى حلوان ..

بالإضافة إلى كتابة رقم العربية بالدوكو بخط كبير ، هيخللى الحرامى يدور على غطا تانى مش عليه كتابة ، علشان ده مش هيعرف يبيعه بسهولة.

AbOnOrA 18-12-2009 04:11 PM
رد: ازاى امنع سرقة غطاء العربيه
 
اقتباس:
المشاركة الأصلية كتبت بواسطة EgyZizo (المشاركة 112709)
أنا الغطا بتاعى فيه حزامين على الجنبين بيمسكوا فى بعض بقفل من جوه العربية ..
يعنى كل حزام تدخله من باب ويقابلوا بعض جوه العربية ويقفلوا بقفل ،
لو حد حاول يسرقه مش هيطلع معاه غير لو قطعه ، فهيفقد قيمته ..
كنت جايبه من شركة توب كفر اللى فى حلوان ..

بالإضافة إلى كتابة رقم العربية بالدوكو بخط كبير ، هيخللى الحرامى يدور على غطا تانى مش عليه كتابة ، علشان ده مش هيعرف يبيعه بسهولة.
فكرة حلوة فعلاً وتوب كفر من الشركات المحترمة فعلاً والمتميزة فى المجال ده

wlelw2003 19-12-2009 01:44 AM
رد: ازاى امنع سرقة غطاء العربيه
 
السلام عليكم ورحمة الله و بركاتة
ربنا يعوض عليك
انا عندي فكرة بستعملها دايماممكن تكون مفيدة
انك تقفل عل الغطاء من باب او بابين و لكن تحط زلطة في الغطاء من الداخل و لو حاول حد يشدة الزلطة هتمنع خروج الغطاء
و ربنا يوفقك


الساعة الآن 08:52 AM.
صفحة 2 من 14 1 2 34567891011121314
عرض 7 مشاركات من هذا الموضوع لكل صفحة

Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017