رد: كرستاله ولا بطه
 

معلش اتأخرت عليك شوية
الواضح من كلامك إنك عايز عربية قوية و بتقارن بين بطة وكريستاله و هوندا

أولا أحب اقولك مفيش في ميتسوبيشي 1600 تربو من المصنع

ثانيا شيل من دماغك موضوع إنك تجيب موتور وتحط عليه تربو كيت لان دي موتير مهما كان قدمت وكلها ماشية أكتر من 100 ألف كيلو إلا لو كنت ناوي تبني الموتور من جديد وتركب انترنالس سبور ا تدفع فوق تمن الموتور والعربية حوالي 30 ألف جنيه أو أكتر

الايفو للأسف مش في مجالك لو هتعملها رباعي على البطه هتكلفك أكتر من 35 الف فوق تمن العربية ومكن 92 و 93 اتهلك برة سباقات و دراجات

الكريستاله لو هتجيب حاجة حالتها نضيفة اقل من 100 ألف كيلو هتكلفك فوق تمن العربية حوالي 55 60 ألف

يبقى بالعربي تشيل البطه من الحسابات مع إنها اخف وبحسابات السرعة تتفوق لكن خلاص عفى عليها الزمن

نيجي للكريستاله

عايز تعمل ايفو امامي ممكن وحاجتها موجودة في الحرفين كاملة متكاملة

التكلفة هتكون

15ألف تمن الحاجة امامي كاملة مع العفشة والفرامل والشدادت والتنك
1500 جنيه فتيس علشان فتيس اليفو مينفعش امامي
1300 جنيه انتركولر جديد
1200 رادياتور جديد
وهتجيب مبرد للزيت
1000 جنيه ميكانيكا وكهربة

يعني نقول 20- 25 ألف و هتركب صاروخ نووي أسرع من الايفو الرباعي لان في فرق وزن حوالي 200 كج وده كتير جدا

الحل التاني هتجيب الج اس ار وده رباعي 1800 تربو بردو وهتشغله امامي وبيدي 200 حصان

التكلفة 15 ألف كامل

طيب لو بعدنا عن التربو
عندك المايفيك ال 2400 وده مانصحكش بيه علشان هتعدل قواعد في حوض العربية

المايفيك 6 سلندر 2000 200 حصان وده ملوش قطع غيار

المايفيك 1600 175 حصان وده كامل بحاجته كلها بـ 9 الاف وحاجته بالهبل في الحرفين ومنتشر جدا كتير من الشباب مركبينه والموتور ده طلع منه فوق 300 حسان في عربية قبل كده

في مشاريع كتير بس أهم حاجة إنت مستعد تدفع كام

نيجي للهوندا

موتورال س أي موتور بمقايسنا تعبان مش بتاع سباقات ومعظمه اوتوماتيك

هتبدأ من الاس أي ار 160 حصان وده مناسب وحاجته موجودة

موتور الج اس ار 1800 أو تخش على التايب ار 1600 أو 1800 أو 2000 واقواهم 220 حصان

بس تاخدبالك من حاجة إن المواتير دي مش منتشره وقطع غيرها نار لو لاقيتها

معظم أصحابي اللي راكبين هونداجايبين ال س أي ار وحاطين انترنالس وتربو كيت علشان قطع الغيار متوفرة شوية ليه بعديه ال 1800 على نفس البروجكت بس طبعا هتكلفك كتير زي ماقلتلك قبل كده

الاختيار ليك بس أهم حاجة ابعد عن موتور ال ج دي أي في متسوبيشي والتايب ار في هوندا

وربنا معاك

رد: كرستاله ولا بطه