رد: تجربة قيادة هوندا بايلوت 2009
 

السلام عليكم يا رجالة مصر موتورز

طبعا بعد التقرير الشامل اللي عملو محمد باشا مش عارف اقول ايه ؟؟؟

و الحق يقال الفترة القصيرة اللي جربت فيها العربية صعب يتقال عليها تست دريف لاني لم يتسني لي تجربة التسارع لكن انا كنت مركز في حاجة واحده و كان هدفي اوصلها لمحمد باشا الا و هي اني اقارن الهوندا بعربيتي.

زي ما قال محمد العربية مريحة جدا و عجبني سمك و تنجيد الفرش بتاعها اي نعم انا اتصهيصت و انا قاعد ورا و محمد باشا بيجرب التسارع و التنقل بين الحارات و الفرملة لكن بشكل عام و في ظروف القيادة الطبيعية العربية مريحة جدا.
تاني ملاحظة بعد الراحة هي العزل العربية ما شاء الله معزولة كويس جدا و عند غلق الشبابيك لا تكاد تسمع شيئ و العربية تضاهي الالماني من الناحية دي.
بعد كده فيه نظام التعليق و اللي زي ما محمد وضح ناعم و سلس و بيمتص عيوب الطريق بجدارة و انا عشان اتاكد قصدت اني امشي في حته غير معبدة و زهلت بصراحة من الراحة و طبعا ده بيجي علي حساب الثبات في المنعطفات لكن العربية احسن بكتير من غيرها في نفس الفئة.
و بالمقارنة بالكايين الثبات اضعف لكن الراحة اكتر و بمراحل الكايين في الطرق الغير معبده غير مريحة بالمرة و لولا التقفيل الالماني انا متاكد اني كنت هسمع اصوات غير لطيفة و هشوف حاجات بتتخلع من كل اتجاة و هي دي فلسفة الالمان عموما.

ده باختصار راي المتواضع من حكم تجربتي القصيرة للعربية و هو ميختلفش عن راي محمد باشا و انا شايف ان لو ربنا نولهاله هينبسط منها جدا و هتريحة.

و احب اكمل اكم بقي الجولة و من دلوقتي اللي بيتعقد يروح.

بعد الهوندا طلعنا علي توكيل المازدا عشان نشوف ال CX9 و نقارنها بالبايلوت و بما ان شفت العربية مع واحد قريبي كنت عارف انها اصغر بكتير من البايلوت و قد كان.

بعد كده اتجهنا الي توكيل الاودي لاني كنت قريت خبر نزول ال A5 Sportback و كنا عايزين نشوفها. المهم روحنا المعرض الاقرب و لفت نظرنا كمية العربيات المستعملة اللي قدامة و كلهم حاجات تفرح اشي A6 و A8 و RS4 و فوجئنا ببي ام X5 و مش عايز اقولكم بشوكها. بعد ما دخلنا المعرض لقينا نفسنا محاوطين بوحوش S8 و RS4 و RS6 و S6 و صعقتا لما اكتشفنا ان ده معرض المستعمل و اقدم عربية عندهم كانت موديل 2007 مع تواجد كثيف لموديلات 2009 و بعد كده عرفنا من البايع ان ال X5 اللي كانت برة موديل 2010 و بقالها اسبوع بس و صاحبها بدلها ب Q7 2009 سبيشيال اوردر بعد الصاعقة دي و شوية صدمات كهربائية من الاسعار قررنا ناخدها من قاصرها و نروح معرض الجديد نتفرج عشان نشوف ال A5 الجديدة و نخلص.

و صلنا المعرض و دخلنا و طبعا كوكبة من الاوديهات واقفة منورة و قعدنا تدور علي ال A5 و مش شايفنا بعدين لقينا عربية شكلها غريب مستخبة ورا كونتر كده و لما قربنا لقنيها هي ال A5 Spotback و للاسف العربية طلعت اقل من كل التوقعات. العربية عبارة عن بروفيل بس غير كدة الوش و الظهر هما هما بتوع ال A4 و صعب علي الغير خبير التمييز بينهم مع اختلاف الانتريور و ده فصلنا جدا بصراحة و انا راي انها صعب تقف قدام المنافسة . بعد كدة خدنا جولة سريعة و ركبنا كام عربية كدة علي الماشي و اتاكدت بالدليل القاطع و البرهان الساطع ان بالفعل الاودي انظف تقفيل ممكن تشوفه و فارق عن اقرب المنافسين. و للاسف مش عارفين سر التدهور الرهيب في سعر اعادة البيع و ده اللي مطفش الناس منها.

بس كده هو ده خلاصة اليوم تعقيد و تضرع اللي الله انه يفك ازمة مصر و العربيات اللي زي دي تدخلها بسلام

رد: تجربة قيادة هوندا بايلوت 2009
 

شكرا شريف باشا على مشاركتك ....
و زى ما قلت انا كان يهمنى جدا المقارنة اللى انت هتعملها بين البايلوت و الكايين و الفرق اللى انت هتحس بيه بين الاتنين و طبعا انت جبت من الاخر قوة و ثبات مقابل راحة و نعومة

و طبعا لما رحنا معرض المستعمل بتاع الاودى كان تعقيد التعقيد ... صواريخ اودى مستعملة زى ما قال شريف باشا ..و كان بيدور فى دماغى سؤال ملح جدا .. الناس اللى باعو العربيات دى هيركبوا ايه بعدها؟؟؟؟؟؟؟؟؟؟
اوعدنا يا رب :)

اما عن A5 Sportback فا هى طبعا زى ما قال شريف باشا .. بالكاد شكلها فارق عن A4 و A6 يعنى لو الواحد ماشى فى الشارع و مش مركز مش هايعرف انها العربية المنشودة و فعلا شكلها اقل من التوقعات و هى من جوة ضيقة شوية بس طبعا بشياكة اودى المعهودة

يعنى كلكو تفتكروا طبعا اول ما مرسيدس cls نزلت و طلعها راغب علامة فى كليب كانت عاملة ضجة غير طبيعية و كنت مستنى بفارغ الصبر علشان اشوفها على الطبيعة و على الطبيعة تميزها من وسط الف و المفروض ان A5 Sportback نازلة علشان تنافسها .. بس للأسف مش هتقدر ....... على الاقل فى الشكل

رد: تجربة قيادة هوندا بايلوت 2009
 

ههههههههههههههههههههههههه هههههه
حلوة دى يا باشا ... لسة شايفها حالا :)

رد: تجربة قيادة هوندا بايلوت 2009
 

مش كدة برضة
عشان يبقي اعذر من انذر

رد: تجربة قيادة هوندا بايلوت 2009
 

تفتكر انه من العدل اننا نعمل تقرير للناس عن ال XJ ??????
ولا هيبقى هيروغليفى زى ما قال دكتور عبد السلام ؟ :)

رد: تجربة قيادة هوندا بايلوت 2009
 

لا طبعا
ما هو بما اننا هنتفرج بس فميش داعي
خلينا نعمل تقارير علي التست دريف او جولات مكوكية و بس

رد: تجربة قيادة هوندا بايلوت 2009
 

تقرير هايل ... و دويتو رائع ... وتعقيد للركب
X5 2010 تتباع مستعمل ....يعني هو جابها تمشيه حال ولا تصبيره لحد ما يوصل الديليفري ptmnlo123per195
معنديش كلمه اقولها مخدش عليها انذار او ايقاف عضويه !)#()$_@#)$%_×^!!!!
دي عالم مفتريه والله ... حسبي الله ونعم الوكيل
الاودي واضح ان سياستها التصميميه بقت كده خلاص ... تثبت شخصيه واحده لكل عربياتها (هي شخصيتها مميزه صحيح لكن الكلام ده ممكن يمشي مع البورش لكن كده ممل اوي بصراحه وفقر تصميمي )

بس بجد تست درايف هايل يا محمد باشا
والعربيه ما شاء الله جميله لو بتفكر تجيبها للكويت ... لكن في مصر هنا حتبقى عربيه هيروغليفي فعلا على رأي دكتور عبد السلام
الناس هنا اخرها برادو(اتوبيس خاص) و باجيرو ... وساعات بشوف سوكويا جمرك او لوحات ديبلوماسيه
هوندا اخرها معانا ال CRV


بس السؤال ... العربيات الخلوزعيه المستعمله دي (مع انها لسه منزلتش اساسا مش عارف استعملوها امتى دول !!!! )
بيبقى سعرها كام مقارنه بالزيرو منها ؟؟


وفي انتظار تقرير ال XJ
ده مفيش احلا من الهيروغليفي ... ده حتى بيبقى كله صور :HAPPY_~211: