|
رد: اجمد مقابلة واحلى اعضاء
اقتباس:
انا هبتدي الحكايه من الاول صحيت علي الساعه 11 و نص كده و بعدين فطرت و نزلت صليت عشان لو الاتوبيس اتقلب و لا حاجه نبقي في السليم المهم ركبت الباص و انطلقت وصلت بقه علي الساعه 4 طبعا نزلت في شارع صلاح سالم بناء علي تعليمات البيج بوس صلاح كلمت صلاح عشان يقولي اعمل ايه بالظبط ما انا معرفش حاجه في المكان ده خالص المهم بعد 84 مكالمه و حرق رصيد عرفت صلاح فين و اتقابلنا و الله شركه فودافون فرحانه بينا دلوقتي المهم قعدنا نتوه شويه لغايه ما وصلنا للكافيه الموعود طبعا مكنش في حد لسه جه خالص و وصلنا في معادنا بالفيكتو ثانيه دخلنا و ظبطنا القعده ( مش قصدي القعده بتاعت افغانستان ) و اتكلمت مع صلاح شويه و بدؤا يهلوا علينا واحد ورا الاتاني انا دلوقتي هتكلم بشكل مختصر عن الاعضاء اللي اتعرفت عليهم : صلاح عبد النبي : ده اخويا الكبير اللي ماشي بتعليماته و نصايحه في الحياه عامه و المنتدي خاصه دكتور عبد السلام : الكلام ميوصفش مدي حبي للدكتور احمد كار : فعلا رب ( بضم الراء ) اخ لم تلده امك بصراحه احمد مش صديق و بس ده اخويا الكبير حازم خضر : انا مبسوط جدا اني اتعرفت علي حازم و كان نفسي نبقي في محافظه واحده عشان نشوف بعض علي طول هما دول اللي كنت عارفهم قبل المقابله اما اللي اتعرفت عليهم من خلال المقابله : محمد رشاد ( دريم لافر ) : ابو حميد من مقام احمد كار دلوقتي و انا مبسوط جدا اني اتعرفت عليه سومو : بصراحه انا زعلان اني متعرفتش عليه من زمان بس هو اللي مختفي بوب او اسلام : شخصيه دمها خفيف جدا و بيفهم اوي في العربيات و هو حيادي الي حد كبير جدا مش زي ما انا كنت فاكره خالص محمود او كوكي : شخص لطيف جدا و لكن متكلمناش كتير مع بعض للاسف بس ملحوقه المقابله الجايه تيفا كينج : بعتبره اخويا الصغير و هو بدأ يحببني في الاوبل شويه مع اني مبحبش الالماني اصلا نور بيجو : الراجل ده يا جماعه انا متوقعله مستقبل مبهر لانه شاب ذكي جدا في اعضاء تقريبا متكلمتش معاهم خالص للاسف الشديد وهم : الاستاذين احمد كامل و احمد انور مع اني كان نفسي اتعرف عليهم اوي بس ملحوقه ان شاء الله نيجي بقه للاتنين دول الاستاذين وائل و ايمن عبد الرازق وائل : هو ده الشخص اللي نفسي ابقه زيه لما اوصل لسنه لو في عمر و اجل ايمن عبد الرازق : شخص دمه خفيف لابعد الحدود و عبقري عربيات و طبعا اتمني ان الاستاذ شريف شاكر يرجع معانا المنتدي تاني عشان نستفيد من خبراته الكبيره في عالم تعديل اداء السيارات طبعا في شويه حاجات ضايقتني : اول حاجه الاستاذ حازم شاهين مجاش و لو كان جه كانت المقابله فرقت كتير تاني حاجه بوب مش عارف كان متنشن مني حبتين بس انا و الله يعلم بحترم ارائه قد ايه وبصراحه يا جماعه خبرته كبيره اوي في العربيات و اللي عايز يشتري الرينو اطمن بوب معاك في المنتدي و انا اسف لو كنت نسيت حد عشان بصراحه انا مهيس اوي اوي و داخل انام و نفسي تتكرر المقابله الجميله دي تاني في اقرب فرصه و تصبحوا علي خير |
رد: اجمد مقابلة واحلى اعضاء
صباح الخير يا مصر...................... ..........موتورز
يا رب متجمعين دايما على خيرو سعادة و نجاح...ومصر موتورز دايما مجمع الحبايب و مستنيين الصور على احر من الجمر |
رد: اجمد مقابلة واحلى اعضاء
صباح الخير على الكل ! فعلا مقابله جامده ! و اسمحوا لى أحكى بعض التفاصيل أو المواقف اللذيذه
بس طبعآ لآنى دقيق شويه و أحب أعطى كل شىء حقه بالتمام ! مش ح ينفع أقول كل حاجه مره واحده ! و كمان لسه دماغى بتلف من امبارح من الضحك اللى ضحكته و السجاير اللى شربتها مع الهبو اللى كان طالع من شيشة سـيادة اللواء ! علشان كده ح أدخل على الموضوع ده عدة مرات ! و كل مره بحكايه ! أول حاجه بأشكر ربنا ان بنات المنتدى لم يحضروا !! :HAPPY_~211: لآن انتم عارفين الجنس الناعم ما كانش ح يستحمل القعده فى المدخنه أو الشبوره اللى كنا قاعدين فيها ! هوه مكان جميل جدآ و محترم جدآ و ستايل ! بس طبعآ اللى صممه ما كانش عامل حساب منتدى سيارات بمواتيره و شكماناته ح تتجمع كده ! فقلل من أهمية التهويه فى المكان ! علشان كده بنات و ستات المنتدى كانوا ح يفطسوا و ح يتخنقوا ( بعيد الشر ) و كنت أنا اللى ح أتزنق بأه فى عمل التنفس الصناعى ! حيث أنى كنت الطبيب الوحيد فى القعده و المؤهل لمثل هذه العمليه ! صحيح كل الناس اخوات و حبايب و كان الكل ح يساعد ! بس دى أرواح ناس يا جماعه ! و ما كنتش ح أخللى حد يعمل أى حاجه ! عمومآ الحمد لله كل ده لم يحدث ! و " كفى الله المؤمنين شر القتال " ! ............يتبع ! Dr. Bolbolan :260309~146: |
رد: اجمد مقابلة واحلى اعضاء
بصراحة ياأبانورا مؤسس هذا المنتدى الرائع أشكرك كثيرا ًعلى ماتبذله من جهد من أجل هذا المنتدى مما جعله من أجمل منتديات السيارات العربية على الإطلاق فإلى الأمام أيها الأخ العزيز.
:260309~146::260309~146: |
رد: اجمد مقابلة واحلى اعضاء
اقتباس:
طبعا حاجة جميلة و كان نفسى أكون معاكم لكن ما باليد حيلة يا رب دايما متجمعين فى الخير و الأفراح دايما يا مادا فاكرنى .. ربنا يخليك ليا يا رب |
رد: اجمد مقابلة واحلى اعضاء
يارب دايما متجمعين فى الخير وبجد والله نفسى كنت اكون معاكم بس ولله مش بايدى وشكرا ليكم
|
رد: اجمد مقابلة واحلى اعضاء
رجالتنا انا ماليش فى الحكاوى والوصف
بس حقيقى المقابله دى كانت من اجمل المقابلات اللى حضرتها والعدد كان طفره ما شاء الله ربنا يزيد ويبارك ونتجمع على خير بأذن الله وحقيقى انا اشترفت بكل الناس اللى قابلتهم انهارده بدون ذكر اسماء عشان منساش حد ولانى فعلا اتشرفت بكل الناس بدون اى مجامله وارجو ان المقابله دى تتكرر بس اللى هقدر اقوله انه كان فيه ناس المقابله دى ناقصاهم بجد ودول ممكن اقولهم (شريف المصرى-هانى بايو-سامح رمزى-محمد عادل-حازم شاهين-محمد ابيزا) بجد كان نفسى الرجاله دول يكونوا معانا كانت هتبقى مقابله اسطوريه وياريت الكل يقول رأيه فى المقابله |
| الساعة الآن 09:07 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017