|
رد: ماذا تفعل فى هذا الموقف
انا افضل الفرنا عن اللوجان
- موتور اقوى و انعم - سعر اعاده بيع افضل - مصاريف صيانه و اسعار قطع غيار اقل مع توافرها خارج التوكيل بكثره - عربيه منتشره من سنين و قليله المشاكل والأعطال و كل الميكانيكيه عارفين فيها على عكس اللوجان لسه منتشرتش ومتعرفش اذا كان حيبان عيوب مع مرور الوقت ولا لأ - العربيه من الداخل شكلها افضل بكتير جداً و الصالون اشيك - قد تكون اللوجان افضل فى العفشه (حسب قول البعض) او خامات افضل ولكن من رلأى الفرنا انسب وافضل فى العموم |
رد: ماذا تفعل فى هذا الموقف
فيرنا بكل تأكيد
- موتور ذو أداء أفضل بكثير - قطع غيار بكل مكان ... وذات سعر معقول بالنسبه لفئتها - سهولة الإصلاح عند أي ميكانيكي وبدون تعقيدات كمبيوتريه وخلافه ( هذه الفئه من السيارات الإقتصاديه لا تتحمل أن تأخذها للتوكيل كل لحظه لظهور عيب بالكمبيوتر) - سهولة إعادة البيع بالإضافه للسعر الذي لن تخسر به كثيرا (إن شاء الله) توكل على الله وماتفكرش كتير |
رد: ماذا تفعل فى هذا الموقف
اولاً اهلا بيك فى مصر موتورز ويارب تستفيد من اضمامك لاسرتنا المتواضعة
مبدئياً كلام كل الناس صحيح وفى الغالب المقارنة هتنحصر فى اللوجان - الفيرنا - الانوس - بعض موديلات الصينى بس خلينا نتفق ان الكمال لله وحدة ومفيش شىء كامل الاوصاف حتى بعض المزايا فى بعض السيارات بتكون عيب فى نفس الوقت لناس تانية انا مقدر حيرتك جدا لان كلنا مرينا بيها زى بالظبط الى داخل على جوازة من غير حب وخايف يتدبس علشان كده قبل ما نختارلك عروسة مناسبة لازم نعرف امكانيات وطلبات العريس الاول ايه وهل انت ميال لعربية من دول او بتكرهه عربية من دول ولا كلهم زى بعض فى عينيك ؟ ايه اولوياتك فى العربية وايه اهم متطلباتك وايه طبيعة استخدامك ليها ؟ ديه كلها حاجات مهم جدا تحددها علشان تخرج من الحيرة اللى انت فيها بعد كده صدقنى هتلاقى الموضوع سهل جدا ومحسوم وهنقدر احنا كمان نوجهك للانسب تقبل تحياتى وكل سنة وحضرتك طيب |
رد: ماذا تفعل فى هذا الموقف
|
رد: ماذا تفعل فى هذا الموقف
سيارات لا تتجاوز ال70 ألف جنية مصري
ترتيب الأهمية والأفضلية : شيفورليه لانوس هيونداي فيرنا هيونداي فيفا رينو لوجان كيا بيكانتو هيونداي 10 الإسبرانزا 113 والإسبرانزا 516 والمابل برايميرا والرينو ساندريو والسوزوكي السلاريو والفيات البونتو الكلاسيك و الإكس بلوجن زوتي (1) أو (2) والجيلي CK والجيلي MK والليفان 520 و 520i والجاك 107 والجاك 108 الإسبرانزا 213 أفشل سيارات السوق المصري بكل المقاييس سزوكي ألنو |
رد: ماذا تفعل فى هذا الموقف
في الوقت الحالي الفيرنا افضل شئ ممكن شراؤه
اللوجان حلوه بس لسه مش عارفين عنها حاجه ليها مشاكل ولا لاء و يا تري قطع غيارها حتتوفر ولا لاء فالافضل اركب زي ما كل الناس راكبه علشان ما تتعبش في صيانه او بيع |
رد: ماذا تفعل فى هذا الموقف
اقتباس:
أستاذى الفاضل مش عارف أشكرك أذاى ومش مصدق نفسى أن حضرتك أخيرا رديت عليا على العموم ده شرف فى حد ذاته أن حضرتك قرأت موضوعى ثانيا ردا على رسالتكم الجميلة الخاصة بموضوعى فى تحديد متطلباتى فهى تتلخص فى أن تكون سيارة مكيفة وبها بعض الكمالبات مثل زجاج الكهرباء وباور ستيرنج مناسبه لعدد أسرتى المتكونه من أربع أفراد وأعتماديه فى صيانتها ليست كل 20يوم عند ميكانيكى بمعنى أنها قليلة الآعطال عفشة كويسه وذلك هام جدا نظرا لآننى أسكن فى مدينة شبرا الخيمة وما أدراك فى المطبات وقلة الشوارع الممهده وأمكنياتى الماديه هى 70 ألف جنيه فبماذا تنصحنى وتقبل عظيم شكرى وأحترامى لكل القائمين على هذا المنتدى الرائع والذى يشرفنا أن أكون فردا من أسرته. |
| الساعة الآن 03:01 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017