|
رد: محتاج نصيحه و تشجيع
مش حضرتك بتقول بتسوق من 5 شهور ؟
يبقي سوق العربيه كل شويه و شيل من دماغك اي حاجه و سيبها لله بس امشي براحه و اربط حزامك و توكل علي الله كده و كله هيبقي تمام ان شاء الله انا كنت زي حضرتك كده في الاول بس دلوقتي خلاص الرهبه راحت و ربنا يستر علينا جميعا انا بسوق من شهرين بس |
رد: محتاج نصيحه و تشجيع
بدايه اهلا و سهلا بيك يا احمد و واضح من كلامك انك انسان علي خلق و محترم
ثانيا انت معندكش مشكله كل مشكلتك انك مش واخد علي العربيه و بتتعامل معاها بحذر زياده عن اللزوم و الموضوع دا عاوز تاخده واحده واحده علشان تلاقي العربيه بقت حته منك انا علي فكره من يوم ما سوقت ولا حسيت انها حمل تقيل عليا و دا لاني كنت فعلا عاوز اسوق و بحب العربيه حب فظيع حب العربيه حتحبك و دايما عاملها كانها حته منك حتلاقي نفسك بتسوق و كويس جدااااااااا |
رد: محتاج نصيحه و تشجيع
استاز / احمد
السواقه مش صعبه واى انسان بدء يسوق كان نفس الوضع بس المهم اولا تكون بتحبها لو حبيتها هتكون ان شاء الله كويس ولو خايف عمرك ما هتسوق كويس ؟ اولا مش عيب تخاف على العربيه وعلى ونفسك والعيب انك تفضل على نفس المستوى؟ هقول لحضرتك كام نقطه اتمنى يكونوا مفيدين؟ 1-التركيز وعدم الانشغال باى شئ وانت سايق؟ 2-انا فى الحاره الشمال وعاوز ادخل يمين لابد تشوف ايه على شمالك اولا وكذالك العكس ؟ 3-وانت بتعدى سياره ادى له اشاره تنبيه انك هتعديه ولابد تكون سرعتك ازيد وعدم التخطى الا وانت متاكد ان الحاره فاضيه؟ 4-مش عارف طريق واول مره هتمشى عليه اى عربيه امامك خدها دليل او اتبعها؟ وربنا يوفقك ويبعدك عن كل سوء |
رد: محتاج نصيحه و تشجيع
احمد باشا اولاًُ اهلا بيك فى مصر موتورز ومن الواضح فعلاً انك انسان محترم ومسئول وياريت كل الناس تفكر وتحس زيك وانا عايزك تتأكد انك هتكون سواق ممتاز لان الحرص وحسن التقدير اهم شىء فى السواقة اما المهارة بتكتسب بالممارسة سريعاً
بالنسبة لكون احساسك ده طبيعى فهو فعلاً طبيعى عند اكتر الناس انا مثلا كنت بسوق من الاعدادى لكن لما اشتريت عربيتى وكانت لسه زيرو كنت بحس بنفس احساسك من خوف من المواقف الطارئة او الصعبة اللى ممكن تخلينى ازعل على عربيتى وهى لسه زيرو وكنت حاسس ان لو طاسه وقعت ولا اكصدام اتشرخ هتزعلنى جداً لدرجة انى كنت اغلب الوقت بسوق على السلانسية ومكنتش بجرى ابداً وكنت بعود نفسى اراقب المرايات (التلاتة) كل كام ثانية وادى الاشارات قبل ما اكسر بدقائق واقرب الكرسى جداً من الدريكسيون والفرامل يااااه كان ايام رعب خاصة انى عملت حادثة كبيرة وانا صغير واتحرمت من السواقة بعدها فترة كبيرة خلتنى فعلاً مرعوب من السواقة بس بالوقت والممارسة ابتديت انسى تماماً والموضوع بيبقى اعتيادى وتلقائى تماماً فانا بالعكس انصحك انك تسوق لفترات طويلة وجرب تخلى واحد من اصحابك او اخواتك جمبك وخد يوم كامل فى الشارع خلص مشاوير زور قرايبك صل رحمك زور اصحابك قضى مصالح للعيلة المهم تمارس اكتر هتتعب كام يوم الاول وبعدين هتنسى مخاوفك ديه كلها ان شاء الله واهلاً بيك مرة تانية وفىانتظار مشاركاتك دائماً |
رد: محتاج نصيحه و تشجيع
احمد باشا
اولا:- اهلا بيك في مصر موتورز ثانيا :- انا كــــــــــــــــونت زيك بلظبط والله العظيم بس عديت منها الحمد لله لانه انا بسوق باقالى كتيررر ودلواقتى ما بروح اى مشوار غير (بلعربيه):HAPPY_~211: عقبالك قريب ptmnlo123per1147 بص الحاجات الى انت هتعملها بسيطه اووووى اول حاجه هى الاستمرار وكثره الممارسه وخصوصا في الزحمه وخده واحد صاحبك ظريف كده معاك يسلك وعلشان لو حصل حاجه تانى حاجه سوق زى الناس مابتسوق يعنى ارمى بوظ العربيه وامشى في الشارع برحتك بمعنى انك مش ماشى على قضب قطار ده شارع يعنى خوش يمن وشمال طبعا طبعا بالاشاره وعلى راى شيرين (ومن الغباء انك تعيش زى الملاك بين البشر ) ههههه بهزر وجرى شويه بلعربيه طبعا لو الطريق يسمح واسبوعين و والله هتبقا زى العفريت في السواقه بــــــــــــــــــــــــ ـس بسيطه يعنى يا ابو حميد :waving: |
رد: محتاج نصيحه و تشجيع
بجد انا متشكر جدا يا جماعه على اهتمامكم و تفاعلكم و نصيحتكم
وانا فعلا جيت المكان الصح انا دلوقتى اطمنت و اتاكدت ان دى مرحله وان شاء الله هتخطاها وبلاش كلمة حضرتك دى أنا اخوكم احمد طالب فى تانيه حقوق ههههههه و بكرر شكرى لكل الاعضاء اللى شرفونى و أدونى رأيهم |
رد: محتاج نصيحه و تشجيع
شوف ياسيدى انا بسوق من وانا عندى 18 سنه يعنى دلوقتى داخل 12 سنه سواقه وكل اللى انتا بتقوله مريت بيه ممكن علشان المسئوليه ممكن علشان الخوف من شى جديد بنجربه ممكن الخوف على الاخرين لكن اللى اقدر اقوله ان السواقه ممارسه وعلى قدر ممارستك للقياده وانسجامك مع سيارتك يبدا القلق والتوتر المصاحبين ليك فى الذهاب
اما بالنسبه لاخوانا اللى متابعينك دول انا اعتقد ان الموضوع مجرد هاجس وليس اكتر لعدم ثقتك فى نفسك ولو ان متابعتهم ليك شئ حقيقى ارجو انك تركز اكتر فى سواقتك لان مع الوقت كل ده هيكون من ذكرياتك مع السواقه وربنا يديك خيرها ويكفيك شرها |
| الساعة الآن 03:04 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017