رد: تنفخ الكاوتش هواء عادي ولا نيتروجين؟؟
 

الله ينور

بس برضه ماتنساش ان الهواء الجوي 79% نيتروجين
والنيترجين اللي احنا بنحطه نسبة أكتر شويه بس مش نيتروجين نقي تماما..

فاحنا بالتالي بنقارن من حيث نقاوة الغاز من الشوائب والأبخرة

رد: تنفخ الكاوتش هواء عادي ولا نيتروجين؟؟
 

طب من الآخر كده، سؤال جانبى، وموجه بالذات للأخ المهندس مروان، أنا جايب عربية i10 جديدة، وفى الكتالوج كاتبين أنفخ على 33 فى الحمل العادى وعلى 35 فى الحمل العالى (أكتر من 3 راكب). والناس فى مصر بتنفخ العجل عادة على 27 فى الصيف وعلى 30 باين فى الشتا. أعمل إيه، أسمع كلام الكتالوج بتاع الi10 وأنفخ على 33 ولا أمشى زى ما الناس فى مصر بتعمل وأنفخ العجل على أقل من كده؟

طبعاً الi10 معمولة فى الهند، يعنى الجو هناك حر زينا، مش فاهم ليه كاتبين فى الكتلوج 33 و35. حد يدلنى على الصح إيه أعمله. نفسى أحافظ على العربية وأعمل الصح يتعمل. (كلمة "يتعمل" ده مش خطأ نحوى، ده بس صيغة نحوية مفتكسة ومستخدمه أحياناً لزوم اللعب بالكلام.)

رد: تنفخ الكاوتش هواء عادي ولا نيتروجين؟؟
 

انفخ الكاوتش 33 psi زي ما هو مكتوب في الكاتالوج بس نيتروجين

تقليل الضغط في الكاوتش يؤدي الى :

• استهلاك بنزبن أعلى.
• أداء أقل.
• اجهاد المحرك.
• تقليل عمر طقم الدبرياج.