مصر موتورز مجتمع السيارات - ملاحظاتى على تجربه النيو سيراتو بعد 1000 ك

مصر موتورز مجتمع السيارات (https://www.masrmotors.com/vb/index.php)

- كيا سيراتو Cerato (https://www.masrmotors.com/vb/forumdisplay.php?f=137)

- - ملاحظاتى على تجربه النيو سيراتو بعد 1000 ك (https://www.masrmotors.com/vb/showthread.php?t=15750)

رد: ملاحظاتى على تجربه النيو سيراتو بعد 1000 ك

اقتباس:

المشاركة الأصلية كتبت بواسطة Dr. Bolbolan (المشاركة 98214)

ربنا يبارك لك و يطمنك ! الحاجات اللى مش عاجباك دى ماتفرقش كتير مع الناس الطيبين !

المهم أنا أكبر عيبين سمعت عنهم بالنسبة للنيوسيراتو هم :

1- سخونه صادره من الكونسول ! و دى تغلبوا عليها بعمل تصفيح بيركب فى الشركه

من دون دفع مقابل ! فهل أحسست بالسخونه أم التصفيح موجود عندك على اعتبار

انها خليجى ؟ ( تصفيح الشكمان ) .

2- نشوفيه جامده للمساعدين لدرجة انك تحس بأى حاجه فى الطريق ولو ظلطه صغيره !

و علاجها ( بس مش قوى ) تنزل ضغط العجلات من 40 الى 30 ! أو تركب جنوط

أصغر !

فما رأيك عن النقطتين دول بالذات !!!

Dr. Bolbolan ptmnlo123per1127

اولا شكرا على اهتمامك بالموضوع ,
ثانيا : بالنسبه للسخونه لغايه دلوقتى محستش خالص بالموضوع , و هى فعلا توكيل و لو قدر الله فيها حاجه من السخونه ديه المفروض الوكيل يشوف ليها صرفه - اومال انا جيبها بالضمان ليه -
ثالثا : النشوفيه موجوده شويه و فى التوكيل اصلا لما سئالت قالولى اظبت العجل على 30 و هنشوف بقى مع الوقت اخبار العفشه ايه

و لو فيه اى استفسار تانى انا تحت امرك

رد: ملاحظاتى على تجربه النيو سيراتو بعد 1000 ك

اقتباس:

المشاركة الأصلية كتبت بواسطة m_o_sakr (المشاركة 98216)

الف مبروك على العربيه
موضوع ان العربيه مبتحكش ملوش دعوه بمقلس الجنط, العربيه اصلاً مرتفعه عن الارض 16 سم
بس بخصوص انك ممكن تطلع المفتاح و العربيه مش على P ف دى ميزه مش عيب علشان زى منت عارف الركنه فى مصر عامله ازاى و ممكن تطر تقف صف تانى و كده ممكن تسيب العربيه على N و الناس متدعيش عليك

الله يبارك فيك ,
و فعلا العربيه مرتفعه عن الارض بس برضه الجنط ال17 مديها علو اكبر ,
هى برضه حكايه انك تسبها على ال N ميزه علشان متعزبش الناس اللى انت اقفل عليهم معاك

رد: ملاحظاتى على تجربه النيو سيراتو بعد 1000 ك

السلام عليكم
انا حصلى حاجة انى ركنت العربية ثلاث ايام
بعد كده مارضتش تدور خالص ورحت وديتها مركز الصيانه (محمد زكى)
اخدت العربيه بعد شهر وده بعد ما بعت لكيا العالميه شكوى (الموضوع ان علشان حد يدورها قالو انه عطل لوحة تحكم
ودفعت 2000 جنيه
كل ده بعد تاخير شهر
ربنا يحميكوا جميعا

رد: ملاحظاتى على تجربه النيو سيراتو بعد 1000 ك

اقتباس:

المشاركة الأصلية كتبت بواسطة e_abouelregal (المشاركة 100493)

سؤال ! مفتاح عادى ولا الكترونى ؟ وال2000 ج دول على حسابك ؟؟ وليه بعد شهر ؟؟

Dr. Bolbolan ptmnlo123per122

رد: ملاحظاتى على تجربه النيو سيراتو بعد 1000 ك

اقتباس:

المشاركة الأصلية كتبت بواسطة Dr. Bolbolan (المشاركة 98237)

يا سيدى الفاضل تصحيح ايه ؟ التصحيح يكون فى غلطه جوهريه ! وبم انها توكيل مش

خليجى يبقى السؤال فى محله ! وبعدين اترك فرصه لصاحب المشاركه " المسئول " للرد .

أنا لو بأمسك للناس غلطات فى المنتدى " املائيه أو سهويه " مش ح أسيب مشاركه من

غير ما أعدل عليها ! لآنى ولظروفى الخاصه أكثر واحد فى المنتدى جالس أمام الكومبيوتر

طوال اليوم بلا مبالغه ! لكن دى مش شغلتى ! وعلى العموم شكرآ لو كان ردك أدى الى

استفادة عضو من الآعضاء !

Dr. Bolbolan

ارجو تقبل كلامى بدون زعل او مشاده
انا لا اقصد اى شيئ بكلامى, بل بالعكس انا احترم اراءك جداً و لا اكن لك سوى الحب و التقدير و انا لا ابحث عن اخطاء او خلافه انما اردت ان اوضح لحضرتك ان السياره وكيل لكى يكون الحوار او النصيحه مبنيه على معلومات صحيحه و شكراً ليك, و لو كلامى او تعليقاتى لا تجد ترحيب فرجاءً ابعث للى برساله خاصه تفيد ذلك لكى تكون متأكد من انى استلمتها و شكراً ليك مره اخرى على سعة صدرك
و أنا اعلن عن اسفى الشديد اذا كنت تسببت فى اى ازعاج بكلامى او بإسلوبى

رد: ملاحظاتى على تجربه النيو سيراتو بعد 1000 ك

اقتباس:

المشاركة الأصلية كتبت بواسطة e_abouelregal (المشاركة 100493)

يا ريت تقول عربيتك انهى فئه بالضبط و هل هيا خليجى ام وكيل؟
و هل يعنى لما العربيه مرضيتش تدور انت جبت حد علشان يدورهالك فوهو بيدورها عطل لوحه التحكم ولا انا فهمت غلط؟؟

رد: ملاحظاتى على تجربه النيو سيراتو بعد 1000 ك

الف مبروك
ربنا يديك خيرها و يحميك من شرها:)