|
رد: اللانسر البومة 1600 ولا النيسان التيدا؟
يا مادا التيدا عربية محترمة جداً وسبق وقارنتها بالكرولا مش بس بالبومة وهى فعلاً بتتقارن بعربيات اعلى منها وبعدين انت جبت منين موضوع ان قطع غيارها مش موجودة فى التوكيل ولا بره التوكيل كمان
ارجوك يا مادا بلاش اندفاع فى الردود احنا هنا كلنا مبنردش الا بالمعلومة الاكيدة لان ديه امانة |
رد: اللانسر البومة 1600 ولا النيسان التيدا؟
اقتباس:
انا ليا معارف معاهم التيدا دي ( انا قولت انها ممتازه من كله الا شكلها و ده موضوع ازواق و موضوع قطع الغيار ده ) بيسافرو القاهره عشان يروحوا التوكيل و يعملو الصيانه الدوريه و لما بقابلهم تاني ( بعد ما يرجعو من السفر ) يقولولي انهم متلاقيناش القطعه الفولانيه و او الحاجه العلانيه يعني مثلا واحد منهم زرار الازاز الكهربا اتكسر و مش لاقيه في التوكيل و طلع عينه لما جابوهوله التاني طرمبه الميه فيها مشكله و لازم تتغير غلب برضه لحد ما غيرها مع العلم انهم من بورسعيد معايا و دوروا علي حاجتها هنا و متلاقوهاش و نزلوا القاهره و اتلاقوا شويه حاجات (زي زرار الازاز و طرمبه الميه ) كده بس مش ياباني و مرضوش يشتروها ( عرفت بقه اني مبفتيش ) و انت دايما ظالمني ( فيما عدا موضوع الصيني هههههههههه ) و طبعا نقد حضرتك مقبول و بناء و بحب ان حضرتك تنصحني علي طول |
رد: اللانسر البومة 1600 ولا النيسان التيدا؟
السلام عليكمم ورحمة الله وبركاتة
بالنسبة للاخ الفاضل الي محتار مابين التيدا والانسر بالمناسبة انااشتريت العربية التيدا قبل العيد بكام يوم العيد الصغير الي فات بعد طول احتيار مع سيارات كتيرة من ضمنهم البومة الاننسر طبعا لانتشارها وثقة الناس فيهه واحب اقول لحضرتك حاجة انتة حسمتهه بالنسبة للانسر البومة يوم ماقلت انها قديمة في الشكل ومسئلة الانتشار متفكرش فيهه لان التيدا جديدة بالنسبالها ولو فكرت لقدام هتلاقي ان التيدا قادمة وبقوة في السوق وانتشارها هيكون مضمون بس الانتشار المعقول الي متحسش بيه انك راكب عربية بيئة جدا يعني تديك برستيج وسعر اعادة بيع مضمون زي ماقلك الاستاذ المحترم ابو نورا العربية دي بتتقارن بالكرولا وفية موضوع عن كدة هرفعو من تاني علشان سيادتك تقراة وتستفيد منة وفية اجابات عن الموتور وكل حاجة انته عايزها لو عايز تجربة مجرب ولسة جايبهه مفيش وجة مقارنة بين موتور التيدا الجبار جدا والبومة كفاية ياراجل للحساسات الي في الموتور العزم والسحب كانك طيارة الاتزان عالي للتصميم العبقري نعومة الحمد للة تقدر تقول كلمة قالهه الاستاذ ابو نورا ان هتحس ان كل مليم دفعتة اخدت مقابة خدمات في العربية سعر مناسب لقيمة العربية مسالة قطع الغيار برد علي الاستاذ المحترم الي قال انهم بيطلعو العين اولا مين قال انك لازم تروح للقاهرة علشان الصيانة مراكز صيانتهم منتشرة وبامانة النيسان محترمين جدا يعني اقرب واحد لي في اسيوط متوقعتش كم النضافة في التعامل الي لقيتة بيسيطو لعربياتهم بقة حتة قطع الغيار دي مش هخش واقول ازاي الناس الي اتكلم عنهم طلع عنهم وكدة هقلة بس الناس الي ملقتش الحاجات الي كانت عايزاها الكلام دة كان سنة كام يعني من عشرين سنة مثلا لان دلوقتي واتحدي اي انسان انة يروح للمركز وميلقيش اي قطعة لاي عربية نيسان عموما ويطلع عينة علشانهه من اصغر مسمار لادق التفاصيل دة اذا كان في الحرفين جيبين عربيات تيدا جديدة ومقطعنهه علشان تستخدم كقطع غيار جاهزة تقبلو مروري |
رد: اللانسر البومة 1600 ولا النيسان التيدا؟
اقتباس:
|
رد: اللانسر البومة 1600 ولا النيسان التيدا؟
pro mada
اناعارف ان حضرتك ذكرت موضوع قطع الغيار مش رايك بس نقلا عن راي بعض اصدقاء ليك انافقط حبيت اوضح ان كلامهم مش سليم من راي شخص يمتلك العربية وجرب توكيل نيسان واشكر حضرتك جدا علي التوضيح |
رد: اللانسر البومة 1600 ولا النيسان التيدا؟
اقتباس:
و انا قولت برضه ان كلام الناس مش مرجع في كل الاحوال و طبعا احنا متفقين في النقطه دي و يمكن معارفي دول بيبالغو شويه و لكن وجههم نظرهم تحترم و انا كتبتها في مشاركتي الاثليه عشان انا معرفش معلومات كتير عن العربيه دي و كتبت طبعا ان ده كلامهم مش كلامي عشان مكونش افتيت و طبعا يا باشا انا سعدت عشان تناقشت مع حضرتك و الف شكر ليك علي المعلومات |
رد: اللانسر البومة 1600 ولا النيسان التيدا؟
انا عن نفسي هجيب بومه اصلا1600 لان ادائها رياضي جدا و قطع غيار متوافره و سعر مناسب و منافس
اما التيدا مش مشهوره يعني متعرفشي لها عيوب ولا مميزات لسه و في رايي سعرها علي جدا عليها فأنا مش هتدفع 100 الف في عربيه شكلها و امكانيتها مدهاش 80 اصلا و صغيره جدا و نسان اه شركه جميله و بحترمها جدا بس مش لدرجه انها ترفع السعر كدا و فكرت و لقيت اني لو اشتريت عربيه مره مش هجيب غرها الا بعد فتره طويله فمشترتيش عربيه زي البطيخه و اكتشفها و عن تجربيه لا يوجد اي سياره تنافس الانسر 1600 في الاداء الرياضي الا المزدا 3 فقد طبعا في حدود هذا السعر و لو علي التميز عادي غير الاكصدامات و اعمل الابواب بتتفتح فراشه و شويت شغل علي البدي يبقا معاك عربيه مميزهptmnlo123per1147 |
| الساعة الآن 03:57 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017