|
رد: ما هي عيوب ومميزات ماتركس 2010
يعني اللي بيقول العيوب بيتكلم علي الشكل و الراحه النفسيه ليه ، مفيش حد قال كده بالظبط ايه العيوب في الميكانيكا وانت سايق ايه اللي بيدايقك فيها كعربيه الوحيد اللي قال كلام مفيد كان برو ميديا ...بس انا عايزه اسئله يقصد ايه لما قال " العربيه في فئه غير محبوبه في مصر "؟؟ يا ريت يوضح لي وشكرا
|
رد: ما هي عيوب ومميزات ماتركس 2010
والله انضف عربية في فئتها علي الغطلاق انا بدلتها مع واحد صاحبي لمدت يوم ومالقتش أنظف منها في فئة متعددة الاغراض ثبات جيد مش ممتاز عربية محتؤمة في قيادتها بس أنا في نظري المانيوال بتاعها اجمد
|
رد: ما هي عيوب ومميزات ماتركس 2010
عربية ممتاذة و حمالة اسية و ثابتة على الطريقة و مع اخويا بقالها 3 سنين مارحتش للميكانيكى خالص و تكيفها ممتاذ و شيك من الداخل وعفشتها حلوة ومريحة فى السفر
|
رد: ما هي عيوب ومميزات ماتركس 2010
اقتباس:
العربية فعلا اقتصادية وحمالة اسية ولكن جزئية الثبات متوسط مش عالى للدرجة والتكييف ممتاز اه معاك لكن خامتها متوسطة الجودة والتصميم الداخلى مش وحش بس مش لدرجة شيك وطبعا مريحه وعفشتها متوسطة مش مريحى للدرجة |
رد: ما هي عيوب ومميزات ماتركس 2010
العربية جميله
عالية ومش بتحك سحبها حلو شكلها مش زباله اوي كده منتشره توكيل محترم عن تجربة لو عملت حادثه جامده عن تجربه انساها كانت معانا وحده اتكهنت بس كان متامن عليها <ورق بجد> ويعني ايه تلاجه 14 قدم ومكوه كبيره شكلها الجديد حلو مش اوي شكرا ...... |
رد: ما هي عيوب ومميزات ماتركس 2010
حضرتك ممكن تشوف الموضوع ده كمعلومات عامه عن الماتريكس
تجربتى مع الماتركس (حازم خضر ) اما بخصوص الماتريكس 2010 فمفيش اختلاف من حيث المواصفات العامه .. والعربيه من جوه هي هي ... لكن عموما الماتريكس من 2008 تركي انا سوقت التركي 2008 محستش بأي فرق عن الكوري 2007 وركبت الشكل الجديد من جوه محستش برضو بأي فرق في كلام ان العزل في التركي مش اد كده لكني حسيته عادي .. لكن نسبيا اقل من الياباني زي الانسر او الياريس مثلا ... بخصوص الاستخدام عن تجربه بماتريكس 2007 اوتو و بعد حوالي 75 الف كل اللي اقدر اقوله اني معملتش في العربيه اي حاجه غير الصيانه العاديه ... وكل اللي عملته فوق الصيانه اني غيرت بطاريه الفابريكه بعد اكتر من سنتين والكاوتش عند 60 الف ... و غيرته لأني كنت خايف امشي بيه اكتر من كده اما مسأله العيوب و المميزات فمن ناحيه الشكل فدي بترجع لذوق كل واحد و طبيعه استخدامه و احتياجه من العربيه .. في ناس بتشوفها حلوه و ناس بتشوفها وحشه و مكعبله ومن ناحيه الاستخدام فدي بتختلف من واحد للتاني يعني اكيد الشاب الاعزب غير الاسره غير كبار السن وبالتالي الاراء الشخصيه حتختلف في تقييم العربيه اللي بيدور عن الشد و السرعه و الثبات انصحه ميفكرش في الماتريكس ويفكر في لانسر او النترا واللي عايز 4×4 يشوف التريوس او التيجو في نفس الرينج واللي عايز هاتشباك شبابي يشوف جراند بونتو او جيتز لكن لو عايز عربيه عائليه وعمليه و تنفع الاسره كلها وتريح الكبار و يحبها الاطفال وسهله في سواقتها وعمليه في استخدامها فانسب حاجه هي الماتريكس ملاحظات عامه :- العربيه هاتشباك كشكل لكن ثباتها اقل من العربيات الهاتشباك لأن سقفها عالي لكنه افضل من عربيات سيدان زي السيينا مثلا لأن قاعده عجلاتها كبيره نسبيا (260 سم ) بروز العربيه عن العجل قليل وبالتالي توزيع الوزن فيها افضل من السيينا (شنطه طويله ) العربيه عاليه في السقف لكن عفشتها ارتفاعها عادي 16 سم .. اعتقد الياريس والافيو اعلا منها الشنطه 340 لتر تقريبا اد شنطه الانوس والفيرنا لكن الحجم ناتج من الارتفاع مش من العمق وبالتالي ده يعتبر ميزه او عيب حسب نوعيه الاحتياج .. لكن الكنبه غير ان ضهرها بيتني بتطلع لقدام و بالتالي تقدر تكبر حجم الشنطه الكنبه قعدتها كأنك قاعد على الكرسي الامامي ... يعني اللي يقعد ورا زي اللي يقعد قدام :) عوامل الامان .... حزام و سنتر ptmnlo123per160 التوكيل .... كويس بس زحمااااااااااااااا تخنق ... ptmnlo123per1146 اما بخصوص استفسار حضرتك عن يعني ايه فئه غير محبوبه في مصر ... الماتريكس تعتبر MPV او ممكن نقول انها ميني فان صغيره (ميكرو فان ) .. و الغالبيه العظمى في مصر بتفضل السيدان والباقي حيختار الهاتشباك او ال SUV اما الميني فان .. فبنبوصلها على انها عربيه اللبن :) اتمنى اكون افدت حضرتك و جاوبتك على استفسارك |
رد: ما هي عيوب ومميزات ماتركس 2010
يا جماعة فى اى عيون جوهرية فى العربية بدل الكلام الفارغ دة
يا جماعة الاخ بتاع الثبات فى السرعات العاليه العربية واحد اعرفو جايب بيها 195 على طريق العين السخنة وكان ماسك الدركسيون بصباعة الصغيرة احنا عازين نطير اكتر من كدة ايه والاخ بتاع التوكيل اللى معاه فرنا لو اتكلمنا على التوكيل دة انضف توكيل فى مصر هو غبور |
| الساعة الآن 02:53 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017