رد: ماذا استفت من الموقع؟؟؟
 

موضوع في الجون يا دكتور
بصراحه انا طول عمري بحب العربيات و بعشقها
و الموقع هنا افادني كتير جدا
اتعرفت علي ناس كتير جديده و فاهمين في العربيات
بقيت مش متخيل يومي من غير مصر موتورز ابدا
ناس كتير هنا اتكونت بيني و بينهم صداقات امتدت بره شاشات الكمبيوتر
و بقت طبيعيه زي ما يكون اعرفهم من و الواحد لسه صغير
كفايه البسمه و الارتياح اللي الواحد بيشوفها في المقابلات علي وشوش الاعضاء
ربنا يديمها علينا نعمه يا رب

رد: ماذا استفت من الموقع؟؟؟
 

المنتدي اكثر من رائع وحقيقي مفيد جدا لكل اللي عايز حاجة في العربيات سواء شراء -بيع -قطع غيار و تصليح وغيره وغيرة

انا طبعا ماكنتش اعرف اي حاجة عن العربيات وكنت عايزة اشتري عربية فلما دخلت هنا لقيت معلومات افادتني جدا غير بقي مساعدة الاعضاء اللي بجد اكثر من رائعيين و بيقدموا المساعدة بمنتهي السرعة والامانة وبحب ptmnlo123per112و غير كده بقي عندي معلومات مش بطاله عن العربيات

وعل فكرة انا دخلت منتدي تاني غير ده بفترة بس من ساعة ما عملت يوزر هنا مابقيتش اروح هناك لاني لاقين الناس هنا روحها حلوة مع بعضها وحسيت بانهم اسرة واحدة ptmnlo123per122

وما شاء الله في مجموعة هنا شايلين المنتدي جزاهم الله خير علي مساعدتهم:waving:

رد: ماذا استفدت من الموقع؟؟؟
 

شكراً dr.amr على شعورك الرائع تجاة مصر موتورز واتمنى نكون عند حسن ظنكم جميعاً بإذن الله

شكراً بورتو يا جامد انت

شكراً الجرىء وجزاك الله خيراً

شكراً بيشو واتمنى ان نحافظ جميعاً ادارة واعضاء على احترام الاخر والتأكيد على حريه الرأى

شكراً يا دانتست وده شرف لينا اننا نكون شلتك واصحابك واخواتك كمان ويارب كلنا نتجمع دائما على حب المكان ده بما فيه من تعاون وعمل جماعى وتبادل خبرات وافادة

شكراً وبارك الله فيك يا استاذ محمود

شكراً يا حازم وانا كمان مش متخيل مصر موتورز من غير حازم خضر

شكراً مدام فتافيت على ثقتك الغالية ويارب نكون محل ثقتكم وقد المسئوليه ديه دائماً

شكراً ليكم جميعاً لان مصر موتورز يعنى كلنا وقيمة مصر موتورز فى اعضائه قبل ادارتة او اركانة

واسمحولى انا اكمان اشارك بس بشكل مختلف واقولكم تعرفو انتو بيتفيدو الموقع ازاى ؟؟

تعرفو ان كل واحد فينا حتى ولو داخل يسأل عن معلومة يقدر يفيد الموقع بكل اعضائه ومش بس كده مستخدمين الانترنت العرب جميعاً

تخيل ان فلان عضو جديد وحب يستفسر عن العربية الفلانية او قطعة غيار او منتج او مشاكل واعطال او توكيل او مركز خدمة او او

بمجرد ان يكتب عنوان موضوعه بشكل مميز وواضح مثال
عندى مشكلة فى رينو ميجان
مطلوب عنوان توكيل بروتون
ايه رايكم فى الهوندا سيفيك

العضو ده عمل الموضوع وكتب استفساره واترد عليه ومشى خلاص حتى مش هيخش تانى
بس سابلنا سؤال وجواب
اى حد بعد كده (فعلياً بعد ساعات قليلة) هيعمل بحث باسم العربية او اسم التوكيل المذكور او وصف المشكلة او او
هيلاقى الموضوع بالردود عليه فى نتائج البحث فى جوجل او من داخل الموقع

معنى كده انه استفاد وافاد اى حد تانى بعديه بيدور على نفس المعلومة
تخليل لو فيه 20 الف عضو بيسأل او بيرد على على سؤال لمدة سنه واتنين وتلاته هيبقى عندنا موسوعة شكلها ايه
وهيبقى عندنا مصادر معلومات وخبرات وتجارب ناس قد ايه
تخيل لو فيه كمان ناس بتدور على كل جديد فى المجال اللى هى بتحبه اصلا وبتنشر العلم والمعلومات اللى بتوصلها لكل الناس

فديه روعه العمل الجماعى اللى بنتمنى انه يكبر ويقدم خدماته لكل الناس واللى بنتمنى يااااااارب دايماً انه يكون على المستوى الائق باسم مصر وناسها


شكراً لاعضاء مصر موتورز

رد: ماذا استفدت من الموقع؟؟؟
 

من الاخر ايضا الموقع دة مميز جدا في حاجتين

1- منظم جدا جدا
2- الناس القائمة علية ومشتركة فية محترمة جدا

وبالتالي اصبح موسوعة للسيارات اي حد مبتدئ او متخصص هيستفاد منه وهيضفله

والواحد يتمني انه يساهم بأي حاجه فيه

رد: ماذا استفدت من الموقع؟؟؟
 

السلام عليكم
أولا بشكر الاستاذ الفاضل صاحب الموضوع الرائع
ثانيا بشكر مصر موتورز بأعضاءه و ادراته و مشرفينه و الشكر ده على النقط التالية

1- الاسلوب الراقى فى الحوار و النقاش الغالب على جميع الاعضاء
2-المعلومات القيمة الموجودة فى الموقع عن العربيات كمان الموضوعات العامة و الثقافية
3- كمية الاصدقاء اللى انا طلعت بيهم من الموقع ده اكتر من الفيس بوك :)
4- الموقع بقى مرجعى اليومى اللى بجد بحس ان فيه حاجة غلط لو فات يوم و مادخلتش مصر موتورز
5-اول منتدى يكون ليا فيه اكتر من 10 مشاركات
6- معوضنى كتييير عن غربتى و محسسنى انى عايش فى بلدى بين اهلى و اصحابى
7- و الله العظيم بحس بسعادة بالغة لما الاقى حد عنده سؤال انا عارف اجابته و بكل بسطة بكتب الاجابة لأن ده السلوك العام هنا فى مصر موتورز ,, مساعدة سريعة و جدية بدون انتظار اى مردود
8- بسبب اشتراكى فى الموقع كمان اتعرفت على اصدقاء جدد فى الكويت و بدأنا نعمل مقابلات
9- الروح الحلوة قوى اللى موجودة بين الاعضاء و النضج الفكرى السائد بجد مش موجود فى اى موقع تانى
10 - مصر موتورز هو (بيت العيلة) بتاعى على الانترنت

و الله لو قعدت اكتب فى نقط لحد بكرة برده مش هوصف شعورى ناحية مصر موتورز ......
و الف شكر ليكم جميعا و الى الامام دائما يا مصر موتورز

رد: ماذا استفدت من الموقع؟؟؟
 

با اشكر كل واحد دخل الموضوع ده واحب اقول الموضوع ده مش انا صاحبه

ده صاحبه الموقع المميز الي خلاني اجي واشارك وانصح واتنصخ

واشكر ابو نورة على الرد الجميل والموقع المميز فعلا

الذي كل يوم يثبت ان جدير بالثقه


شكرا ..... اعضاء مصر موتورز

رد: ماذا استفدت من الموقع؟؟؟