مصر موتورز مجتمع السيارات - الريموت لانسر في التوكيل بكام

انا اشتريت لانسر 1600 موديل 2007 من السوق من حوالى شهرين و كان معاها مفتاح واحد بس
المهم رحت التوكيل اللى فى العجوزه عشان اشد العربيه شده محترمه و سألت على المفتاح بالريموت يتكلف كام و كانت الصدمه انه قاللى 600 جنيه من غير ضريبه ولا مصنعية فكبرت دماغى و قلت عنه ما اتعمل لأنى كنت داف 6000 جنيه و غيار حاجات كلام فاضى
بصراحه انا لو كنت اعرف ان التوكيل غالى كده مكنتش رحت و ادبست
ودى بعض الاسعار الحاجات اللى غيرتها فى التوكيل و هحاول اسحب الفاتوره على اسكانر و ارفعا ان شاء الله
فلتر زيت 80 جنيه
فلتر هوا 280 جنيه
فلتر بنزين 450 جنيه
مقص ايمن بالجلبه 825 جنيه
طقم تيش و بارات 900 جنيه(بس الحمد لله المهندس هناك قاللى ممكن يتغيروا بعد 5000كيلو كمان باين كده صعبت عليه من كتر الفلوس اللى دفعتها)
قاعدة فتيس 230جنيه
زيت فتيس 120 جنيه(6 علب فى 20 جنيه)
زيت mobile 1 300 جنيه
مفتاح ريموت 600 جنيه
جركن مياه خضراء 50 جنيه
زجاجه تنيف الماتور 10 جنيه
مسمار للعجل 10 جنيه
و فيه حاجات تانيه مش فاكرها هحاول ارفعهالكوا فى الفاتوره ان شاء الله....
ولسه مصنعية و ضريبه مبيعات 10%