|
رد: سؤال لملاك الميجان، ليه بتبيعوها برخص التراب
خلينا بس نتفق الاول على شئ مهم " لولا اختلاف الازواق لبارت السلع " . فى ناس كتير معندهاش ادنى مشكله انها تعمل صيانات دوريه فى التوكيل " انشاله كل 5 الاف كيلو " وتدفع مبلغ محترم جدا فى سبيل احساسه انه قاعد فى عربيه فيها تكنولوجيا حديثه وعوامل امان كتيره .
بالنسبه للاداء فالعربيه وزنها تقيل و مش متوقع منها اداء سلس.... وناس كتير متعايشه مع الموضوع ده و مش فارق معاهم . انا قريت موضوع عن واحد كان معاه ميجان وعمل حادثه جامده جدا و الميجان بتاعته اتدمرت بس هو و الناس الى معاه الحمد لله محصلهمش حاجه خالص ..... و كان بيتكلم ان العربيه " الميجان " طبعا بعد ربنا انقذته من الموت و قرر انه يشترى ميجان تانى !!!!!!!!!!!!!!! انا مش متخيل يعنى واحد عمل حادثه اكيد اتشائم من العربيه .... لا ده اشترى واحده تانيه إيه. فعلاشان كده انا مقتنع جدا ان الى انا شايفه وحش ممكن غير يكون شايفه حلو ...... بس طبعا المهم لازم اعرف اذا كان العربيه ديه حقدر اتعايش معاها ولا لا ... واخونا العزيز بايو وضح نقط المهمه تهم اى حد بيفكر يشترى ميجان ....انه لازم يكون مستوعب انه حيروح التوكيل للصيانات الدوريه و لتغير اقل شى . وده ممكن يكون متناسب مع ناس .... وكارثه بالنسبه لناس :F_14WA~16[1]: |
رد: سؤال لملاك الميجان، ليه بتبيعوها برخص التراب
أنا متفق مع وجهة نظر أخونا بايووووووو و أ/محب سعيد
أنا شخصيا كنت على وشك شراء الميجان من سنتين و كنت ولا أزال منبهر بها جدا .... و ساعة الشراء وقتها من المعرض عرفت إن المتاح حاليا هو التصنيع التركى فقط و إنه أقل فى الجودة من الفرنسى ..... لكن بايووووو وضح نقط مهمة جدا جدا .... و هى موضوع الصيانة الإجبارية بالتوكيل لأتفه الأسباب.... و دى طبعا شئ متعب طبقا لثقافتنا فى مصر ... العربية لازم تكون حديد و تشيل الزلط و ما تشتكيش و دة هدف كثيرين جدا من المصريين عند الشراء و أنا منهم .... و موضوع الصيانة دة بيشكل لى أكبر صداع ولو بالوضع اللى وصفه بايوووو يبقى أنا كدة كسبان.... ولكن هناك أيضا كثيرين لا تفرق معاهم مثل هذه الأمور و أكيد يهمهم الصيانة الدورية ... حتى مع غلاسة التوكيل .... و مستعدين لدفع تكاليف عالية للتمتع بإحساس جميل هو دافع فيه فلوس ... ودة حقه.... الشئ اللى مش طبيعى هو إن الأداء يكون مخنوق أو أقل من المتوقع من سيارة تمثل التكنولوجيا الفرنسية ... دى معلومة جديدة و هامة لمن يفكر فى الشراء ..... بس أكيد ... الميجان ميجان .... و معجبينها كتير ..... و أنا منهم ....... |
رد: سؤال لملاك الميجان، ليه بتبيعوها برخص التراب
لولا نيسان مكانش بقى فيه رينو ومش هقول اكتر من كده علشان اصحاب الرينو مزعلوش منى هاخنقك
|
رد: سؤال لملاك الميجان، ليه بتبيعوها برخص التراب
انا والله شايف ان الميجان تتمتع بالمميزات التالية عن باقي منافسيها
1-حجمها الداخلي الرائع 2-دريكسيونها السهل جدا جدا 3- فراملها قوية جدا 4-عزل الأصوات الخارجية ممتاز 5-ثبات ممتاز على السرعات العالية 6-نعومة على الطرق السيئة و المطبات 7-الشنطة كبيرة جدا جدا |
رد: سؤال لملاك الميجان، ليه بتبيعوها برخص التراب
هاحكيلكو قصه حصلت معايا
و بابا بيشتري الصني قالي بيع عربيتك و خد الصني و اجيب انا رينو ميجان مع اني من عشاق الكماليات و ماعنديش مانع اني اخد الصني بس قلتله في وسط المعرض لاااااااااااااااااااااااا ااااااااااااااااااااااااا ااااااااااااااااااااااااا ااااااااااااااااااااااااا ااااامش هايحصل ان ميجان تخش بيتنا الالماني و بيتكسر مننا هانعمل ايه في العربيه دي و واحد صاحب بابا عارف استعمالنا للعربيات قاله العربيه دي ديتها شهر و هاتلمها في اكياس |
رد: سؤال لملاك الميجان، ليه بتبيعوها برخص التراب
اقتباس:
الكلام ده كلام موزون جدا وعقلاني جدا جدا لــــكــــن لما يكون اداء العربيه نفسه مش على المستوى المطلوب يبقى ده هو إللي الواحد يعترض عليه يعني أنا ممكن أدفع فلوس زيادة بس ألاقي تميز زيادة والعربية صراحة متميزة جدا من حيث الشكل والتكنولوجيا والأمان وبعد كده خد عندك اعطال كتير جدا وحساسات في كل حته في العربيه بتبوظ من نفسها وأداء الموتور ضعيف والتكييف كذلك والعفشة مش على نفس المستوى اقتباس:
وبعدين انا عملت حادثه بالماتريكس واتقلبت والله يرحمها بقى وبرضه عاوز اجيب ماتركس تاني وزوجتي مصممه على ماتركس تاني وكرهت اليوم إللي جبنا فيه الميجان ومابتركبش غير الأوكتافيا وبس وطبعا زوجتي مابتبصش على الصيانه ولا الفلوس ولا الكلام ده في دماغها أصلا (ptmnlo123per1135 وكلمة في سركم الستات كلهم مابتفرقش معاهم الحكايات دي "محدش يفتن عليا ونبي يا جدعان") لكن طبعا بيفرق معاها السحب والتكييف والراحة جوة العربيه اولا العربية سحبها ضعيف داخل المدينة (يعني في الاشارات وتجميعها بطيئ في الأشارات) ثانيا التكييف بيقتل الموتور قتلا مع سبق الأصرار والترصد ptmnlo123per180 ثالثا التكييف نفسه أداءه وحش جدا في الأشارات ودرجات الحرؤارة المرتفعه (الأيام الحر) رابعا القعدة في العربيه غير مريحة على الأطلاق لان الكراسي عاليه زي كراسي الماتركس (بس في الماتركس الموضوع مقبول لان العربيه نفسها عاليه) خامسا كل الميجان أبوابه بتطقطق يعني طول ما أنت قاعد في الصالون تسمع صوت طقطقه ماتعرفش جايلك منين ولما تروح التوكيل وتقولهم على صوت الطقطقه ده قبل ما تكمل كلامك تلاقيه جايبلك W40 ويرشلك في كوالين الأبواب ويوقلك أن الأقفال الموجوده فيا لابواب ليها جسم بلاستيك هو إللي بيعمل الصوت ده وطبعا رد فعل التوكيل السريع ده بيدل على أن الشكوى عامة في حد يا جدعان يدفع 160 ألف جنيه في عربيه أبوابها بتطقطق كل شوية ؟ptmnlo123per1128 |
رد: سؤال لملاك الميجان، ليه بتبيعوها برخص التراب
اقتباس:
|
| الساعة الآن 09:06 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017