رد: الحمد لله-لوح خشب وقع علي سقف الفيرنا-نصايحكم
 

شكرا يا بايوو علي الرد

هوا عموما انا هاجرب الأول الحلول علي البارد من غير فك ،،

و كده كده مش هاخسر حاجة ،،

و الله ماضبطتشي بالنسبة اللي ترضيني

اصلحها صح الصح زي ما بتقول

الفكرة بالنسبة ليا كمان مش سعر اعادة البيع الفكرة فك فرش الصالون انتا عارف الحاجات دي لو اتفكت صعب ترجع زي الأول كلها فيبر و كلبسات و كبس يعني ممكن تضايق اكتر


لا تقلق يا باشا ،،

أنا مبفكرشي بالطريقة دي ،،

أنا عارف ان اي حد بينصح ، بينصح نتيجة لتجاربه و وجهة نظره للأمور ،،

اكيد مش عايز يضر حد و خاصة حضرتك



و الله يا جماعة انا عملت بحث علي النت

و فيه طرق جامدة جدا لرد النوع ده من الخبطات قايمة علي فكرة الشد و الشفط سواء بلصق معده و بمادة لاصقة و شد الصاج منها و بعد كده ازالة المادة اللاصقة

او بالشد عن طريق مغناطيس كهربائي

يا ريت يكون فيه حاجة زي كده في مصر

رد: الحمد لله-لوح خشب وقع علي سقف الفيرنا-نصايحكم
 

http://www3.0zz0.com/2008/07/19/12/537692684.gif
من غير أييييييييييه ؟ angryhead دا مين إللي قالك أنه ممكن يسمكر السقف من غير ما يفك الفرش ؟ http://www3.0zz0.com/2008/06/22/13/485863789.gif


دا أنت كده هاتقضي على الفرش نهائيا

رد: الحمد لله-لوح خشب وقع علي سقف الفيرنا-نصايحكم
 

قدر الله و ما شاء فعل يا احمد باشا
هيا ان شاء الله تترد علي البارد
بس طبعا زي ما هاني باشا قالك كده لازم السقف حيتفك
روحي لسروجي يفك الفرش و تحتفظ بكل الكليبسات الي خارجه حتي لو مكسوره علشان تجيب زيها
و بعدين تشوف سمكري نضيف و ربنا يسهل حيعملهالك علي البارد
عاوز بقي ترش ابقي رش
لو شكلها عجبك و انت متقبلها كده يبقي ما ترشش
بس انا لو مكانك كنت حعملها كلها عادي و ارشها بس عند صنايعيه محترمين
بحيث ان كمان تلات اربع سنين اللي حيبص للعربيه مش حيعرف اذا كانت راشه سقف ولا لاء.

رد: الحمد لله-لوح خشب وقع علي سقف الفيرنا-نصايحكم
 

قدر الله و ما شاء فعل
انا ليا رايي العربيه تتعمل صح الصح و حضرتك زي مابتقول مش هاتبع الوقتي يبقى حضرتك تعملها صح و لما تبيع تصارح المشتري بالحقيقه ان العربيه رشه سقف
و خد بالك لو قعدت تحسبها من النهرده لحد اما تبيع العربيه و عاتشوف هاتتخبط كام مره هتلاقي ان عربيتك هاتشحتها مش هاتبيعها
صلحها و توكل على الله و ماتخفش على فكره نفس القصه معايا في النيسان اتخبطط مرتين في يوم واحد بابا قالي لما نيجي نبيع يبقى يحلها ربنا من عنده و كده كده هانقول انها اتخبططت هيا قدرها كده و ماتخفش

رد: الحمد لله-لوح خشب وقع علي سقف الفيرنا-نصايحكم
 

بسم الله الرحمن الرحيم احنا نقول اولا الحمد لله وانا متأكد انك حامد ربنا وشاكر فضله انها جت ف حديد انا كنت عايز افرجك على عربيتى انا عايز ادخلها فرن واسمكر بس السمكريه وبتوع الرش بيعملوا عليا شغل فأنا كبرت دماغى وناوى مرشش ولا اعمل حاجه بس انا عندى الاكصدام والرفريين الاماميين يترشوا وسمكره خفيفه والمهم سمعت انها هتتكلف حوالى 1000 جنيه من السمكرى واللى بيرش بس مش دى المشكله المشكله ان العربيه ف شهر السماح بس سيبك منى لو عايز نصيحتى اقولك تعمل ايه .
اولا:روح لسروجى بيفهم خليه ياخد المقاسات كلها واتفق معاه انه يركب الفرش زى الاول بالضبط مع انك مش هتعرف تاخد منهم لا حق ولا باطل بما ان الناس الحلوه دى حذرتك من الشركات الحلوه ورشهم الحلو وبعدين تروح لسمكرى بيفهم يخلصلك السقف وتحاول على قد ما تقدر تعملها على البارد تقوله كده ولما تخلص سمكره خالص ومتنساش الشنطه .
حاول معها بالكمبوند والتلميع وربنا يسهل وتتلمع معاك بدل موضوع رش السقف اقولك تجنبه تماما ولو مقدرتش تلمع ممكن تفيم السقف اسود
لو انت عايز العربيه كلاسيك يبقى تسيبها على الله وتروح لواحد بيفهم وتتفق معاه انه يرش السقف نفس اللون السقف بس مش العربيه كلها وتبقى تطمننا عملت ايه

رد: الحمد لله-لوح خشب وقع علي سقف الفيرنا-نصايحكم
 

هوا الموضوع خلص ،،

الحمد لله يا أ / محمد

فكيت فرش السقف عند سروجي كويس

و فكه بمنتهي السهولة لان الفيرنا مش اختراع زي ما كنت فاكر

و اترد السقف علي البارد و اتلمع الدهان من غير رش طبعا

و ركب فرش السقف بدون خسائر

و الحمد لله

بس طبعا باين اثار في السقف

بس طبيعيه تعدي يعني كان كلب طلع علي السقف او حد جرحه

و دي صور السقف و هوا مفكوك

http://www.1ss1.com/2008/1/1ss1_5u5IterO5.jpg

http://www.1ss1.com/2008/1/1ss1_S2PHSg9iEr.jpg

http://www.1ss1.com/2008/1/1ss1_ha9yo8rZU9.jpg

و دي صورة الخبطه الصغيرة في الشنطة بعد التصليح

http://www.1ss1.com/2008/1/1ss1_ESbhic0Qaz.jpg

و دي صور السقف بعد التصليح

http://www.1ss1.com/2008/1/1ss1_vUtUHnUlTW.jpg

http://www.1ss1.com/2008/1/1ss1_JWNmRd63rA.jpg

http://www.1ss1.com/2008/1/1ss1_TB74gdnsPU.jpg


و اتكلفت بتاع 130 جنية باين ،،

و اخونا ابو نورا كان خير عون الصراحة

انا طبعا اتضايقت ،،

بس الحمد لله ،،

رد: الحمد لله-لوح خشب وقع علي سقف الفيرنا-نصايحكم
 

ولا يهمك ياباشا الحمد لله انها جت على اد كدة فداك وفدا اولادك .......

بس انا عندى اقتراح...........


السقف يا احمد بتاع اى عربية بيبقى فلات يعنى خالى من السوك والدورانات زى اللى موجودة فى

الجناب والرفارف وخلافة ومادام كدة كدة هتفك السقف علشان ترده سواء على البارد او عشان ياخد

حموات يبقى ترشه احسن وصدقنى مش هيبان وفك وتركيب السقف خاصة فى الفيرنا سهل وبسيط

جدا مش شغلانة جامدة ماتقلقش بس خللى السمكرى ميفكش هو السقف وديها عند استرجى

محترف يفك السقف والسمكرى يشتغل فيه ويبعد عن ضفيرة الكهربا اللى موجودة داخله ويرد ويسحق

ويحط بنط اللحام ويعمل التقويات الداخلية .............




وفيما يخص الرش انت عندك رقم لون العربية احتمال على الشاسية او لو مش موجود هاته من التوكيل

وبالرقم تقدر تتطلع اللون بالضبط وبعد لما تخلص رش وتمام ترجع للأستورجى يرجعلك الفرش الداخلى

وانشاالله مش هتبقى باينة خالص................




ولما تيجى تبعها محدش عمره هيلاحظ انها اتقلبت او عملت حادثة او ما شابه ذلك لأن اللى بيعمل

حادثة وعربيته بتتقلب على سقفها عمر قوايمها ما بتبقى سليمة............




اهم حاجة تظبط العربية وسيب موضوع البيع ده ماتفكرش فية يمكن ربنا يرزقك وتجيب عليها وماتفكرش

تبيعها اصلاااااا


والف مليون سلامة يابو ياسين ......فدا ضافر ياسين الصغير








ايه ده الموضوع قديم ياعم احمد ماخدتش بالى من التاريخ

عموما انا والله قلقت عليك ورديت بسرعة عشان كدة ماركزتش فى تاريخ الموضوع

ربنا يباركلك فيها يا بشبوش