|
رد: كيا سيراتو 2009 ولا هوندا سيتي 2009
هو برو مادا ما سابش حاجه تتقال
بس احب اقول لحضرتك ان السيتي فعلا تقفيل تايلاندي مش ياباني و فئه اصغر من السيراتو و كمان اسعار قطع الغيار غاليه و اعاده البيع في النازل بس الصراحه هيا برستيج عن السيراتو لان السيراتو كترت اوي اللي راكبين السيراتو محدش اشتكي غير ان عفشتها ناشفه شويه ودي انا شفتها وحسيتها بس مش مؤثره اوي و فيه ناس بتقول خفيفه علي الطريق لكن انا لسه مش متاكد من الكلام دا و حاسس انه مش صحيح و بالتالي لو حقارن بين العربيتين حجختار السيراتو لسهوله صيانتها مقارنه بالهوندا اينعم اعتماديتها لا ترقي للهوندا لكن مش وجشه و عربيه حتعمل كل اللي نفسك فيه علاوه علي سعر اعاده البيع كمان معلش ما تروحش تشتري عربيه ب 120 تيجي السنه اللي بعدها تبيعها تلاقيها عامله 80 الف و لكام يحرق الدم يبقي ليه انا طالما فيه بديل لها و عاجبني يبقي اشتريه و يبقي اسمي جبت عربيه عجباني و قطع غيارها رخيصه و اعاده بيعها كويسه |
رد: كيا سيراتو 2009 ولا هوندا سيتي 2009
انا افضل السيراتو, ممكن تكون قطع غيارها مش رخيصه لو قارنتها بباقى الكورى بس ارخص كتيييييييييييير من الهوندا و خاصة السيتى الى مش حتلائى حاجيها غير فى التوكيل على عكس السيراتو الى قطع غيارها حتلائيها فكل حته بسبب انتشار العربيه, و العربيه شكلاً و اداءً ممتازه جداً و لا شكاوى منها, العربيه ثابته جداً على السرعات العاليه (افضل من السيتى) و فعلاً السيتى لا تنتج فى اليابان و مش موجوده على الموقع بتاع هوندا بس بتتباع فى دول كتير متقدمه كسياره صغيره للاستخدام داخل المدن, السيراتو اوسع كتير و انا بحب شكلها اكتر, و موضوع كورى و يابانى انا مش مقتنع بيه و شوف العربيات الكورى الموجوده من اكتر من 10 سنين و شغاله زى الفل و لو بتحافظ على العربيه و تصونها تعيش 100سنه ولو الملنى و نبتصونهاش كام سنه و تخرب
أتكل على الله و اعمل استخاره (ان شاء الله سيراتو) |
رد: كيا سيراتو 2009 ولا هوندا سيتي 2009
يا ريد انا عندي حاجتين
و لو انت شايف غير كده انا معاك :) اولاً : السراتو ميكانكال اكتر اما الستي الكترونك ثانياً : السراتو "يمكن" تكون عملية اكتر لو انت شايف غير كده انا معاك :) |
رد: كيا سيراتو 2009 ولا هوندا سيتي 2009
موضوع حلو جدا .. انا عندى نفس الحيره بتعتك . عايز اجيب عربيه فى حدود 120000 و مش عارف اجيب ايه .. بس الكل بصراحه رشحلى السيراتو علشان نفس الاسباب اللى ذكروها الازملاء الاعزاء ... علشان كده ان نويت علي السيراتو ان شاء الله ....
بس يا رايت لو حد فعلا اشترها او جربها يقولنا ايه اللى عجبوا و ايه اللى مش عاجبوا فيها !! و شكرا |
رد: كيا سيراتو 2009 ولا هوندا سيتي 2009
ممكن اشترك معاكم فى الحوار الجميل ده ؟:260309~146: أولا ... انا شوفت العربيتين دول اكتر من مرة فى اكتر من معرض مختلف بصراحة اكتر العربيتين اجمل من بعض ...:HAPPY_~211: نتكلم فى الأول عن السيتى: السيتى 1500 و بتطلع 118 حصان السيراتوا 1600 وبتطلع 124 حصان رأى الشخصى طبعا واضحة من غير جدال مكنة السيتى اقوى مع انها اقل فى السعة اللترية السيتى يابانى تقفيل تايلاندى السيراتوا كورى 100 % الفئة... طبعا السيتى فئة اقل من السيراتوا ومع كده لما تشوف المقارانات بالأرقام هتلاقى ان السيتى اكبر من جوة فى الصالون يعنى بالظبط فى الكنبة الخلفية هتلاقى السيتى اكبر بحوالى 3 سم وكمان شنطة الستى هتلاقيها اكبر من السيراتوا الخامات طبعا بلاشك خامات السيتى افضل بكتير من السيراتوا من ناحية كل حاجة 1- الأجزاء البلاستيكية فى السيتى مش هتحسها زى السيراتوا 2- الفرش فى السيتى ووتر بروف ولية نقشة خاصة اما فى السيراتوا هتلاقى فرش مخمل وفرش جلد حسب الفئة 3-بص بقى على حوض الموتور هتلاقية منظم جدا فى السيتى وكمان فى فراغات كبيرة حوالين الماتور ... السيراتوا برضة منظم بس مش بنفس الطريقة هتحس ان الماتور واخد الحوض كلة ومش باين منة حاجة 4- الباور بتاع السيتى كهربائى اما فى السيراتوا ميكانيكى 5- الفتيس فى السيتى اتوماتيك عادى 5 نقلات اما السيراتوا ستيب ترونيك 4 نقلات الأنطباع الأول لما تركب كل عربية على حده السيتى ... افتح الباب كده واقفلوة تانى هتحس انوا باب محترم وقفلتة تقيلة السيراتوا.. برضوا افتح الباب كده واقفلوا هتحس ان الباب خفيف وقفلتة شبة قفلت باب عربيتى الصينى ادخل بقى واقعد جوة العربية واقفل الباب عليك هتلاقى العزل ممتاز فى العربيتين ومش هتلاقى نفسك سامع الصوت الخارجى بس الأحساس ده هتلاقية بصراحة اكتر شوية فى السيتى عن السيراتوا. استهلاك البنزين براضوا هتلاقية فى صالح السيتى طبعا هتلاقينى فى كلامى ميال للسيتى عن السيراتوا بصراحة اينعم حقيقى لأن اللى شاف غير اللى ما شافش .... انا حاولت انقلك وجهة نظرى وطبعا الأختيار فى الأول والآخر بتاعك انت ... وفى نقطة لازم تاخود بلك منها ان السيراتوا مليانة كماليات والسيتى اللى نازلة مصر كماليتها اقل يعنى مفيش جنوط ولا فوج لايت ولا مفتاح ريموت. |
رد: كيا سيراتو 2009 ولا هوندا سيتي 2009
ميدئيا ربنا يوفقك فى الاختيار
بس انا شايف من كلام الاخوه الاعضاء ان اللى بيخلى كفه السيتى تبقى اقل من السيراتو الصيانه وقطه الغيار العربيه جديده يعنى صيانتها فى التوكيل وقطع غيارها فى التوكيل واللى بيركب عربيه حلوه لازم يدفع السيتى افضل من وجهة نظرى وربنا يوفقك |
رد: كيا سيراتو 2009 ولا هوندا سيتي 2009
اقتباس:
|
| الساعة الآن 12:56 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017