|
رد: انت بتحب عربيتك؟
ههههههههههههه طلعت مش لوحدى انا كنت فاكر نفسى انا بس الى كده :)
|
رد: انت بتحب عربيتك؟
انا بالنسبالى العربيه صاحب عزيز جداً بحبه جداً جداً, مهما عمل فيا بردو حنفضل اصحاب و مينفعش نبعد عن بعض وبزعل اوى اوى لو حصل اى حاجه فالعربيه بس مش بزعل منها انا بزعل عليها علشان فالأغلب مبيكونش ليها زنب , و حتى لو عملت مقلب (نادراً) بسامحها علطول مهما اتصرف غليها و فى مثل انجليزى بيعجبنى اوى ممكن ينفع مع العربيات الى مطلعه عين اصحابها (الحمد لله مش منهم)
if i can't forgive you, i don't deserve you |
رد: انت بتحب عربيتك؟
احنا نعمل فرح جماعى لكل الشباب اللى بيحبوا عربياتهم علشان نخلص :)
طبعا يا جماعة فيه علاقة بين كل واحد و عربيته بس بصراحة انا العلاقة دى كانت بين و بين عربيتى الاولانية قوية جدا و كنت ساعات انزل اقعد فيها و اشغل الكاسيت ومن غير ما امشى بيها و ده طبعا لما بكون زهقان بليل مش لاقى حاجة اعملها و طبعا زى ما قلتوا كنت حافظ كل حاجة فيها و بحبها و اقعد بقى انظفها و المعها و ماستحملش اشوف عليها ذرة تراب من جوة او برة بس عربيتى الحالية صادف انى استلمتها قبل جوازى ب 3 ايام :) فا كنت مشغول بالتوضيبو الترتيب و مالحقتش ابنى العلاقة السابقة معاها لان بقى فيه اهتمامات تانية طبعا لزوجة و الاولاد بعد كدة بس ده طبعا مايمنعش انى لو ماركبتهاش لمدة كام يوم بتوحشنى جدا و بنزل احضن الدركسيون قبل ما اسوقها :) :) :) :) |
رد: انت بتحب عربيتك؟
انا عربيتي تخيلت اني ممكن ابيعها في يوم
والله كنت هاعيط بجد لما بتتخربش بحس ان حته من قلبي حد داس عليها اه هي بقالها معايا اسبوعين بس بس بجد بعشقها جدا وفي حب ما بينا وبعشق القعده فيها كده وياسلام والدي يوافق وانزل ازاكر فيها هاجيب الامتياز علي طول ههههههههههههههه |
رد: انت بتحب عربيتك؟
اقتباس:
|
رد: انت بتحب عربيتك؟
انا يوم مابعت عربيتى حسيت انى بقيت وحدانى
كنت بعشق منظرها بس بكرة بنزينها |
رد: انت بتحب عربيتك؟
بحبها طبعا, هو فيه حد بيكره عربيته, بس مش حب عادى دهtough love زى مابيقولوا بالأنجليزى.
المشكلة أنها محتاجة تصليحات كتيرة, وأنا أبو التنفيض, وأيدى مخرومة, رغم معرفتى بأيه اللى بايظ فيها وهيتغير بكام. أحسن حاجة أنى ملبس الكرسي اللى جنبي علم القراصنة وحاطط على مسند الراس قناع بتاع فيلم scream ومسميه درش وده صاحبى اللى بقعد معاه أكتر من أى بنى أدم تانى بره البيت, وممنوع منعا باتا حد يقعد على الكرسى ده. http://iconsoffright.com/news/scream4.jpg بس لما أبقى فرحان بالعربية ومبسوط منها بنزل بعد مابركنها وأخدها بالحضن( العربية مش درش) وأديها بوسة فى القايم والغريب أنى بقعد أكلمها والأغرب أنها بتسمع الكلام!!! يلا سلام علشان الحق أرجع العنبر بتاعى. |
| الساعة الآن 03:23 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017