رد: القيادة المانوال .. أم الأوتوماتيك ؟؟؟؟؟
 

رد: القيادة المانوال .. أم الأوتوماتيك ؟؟؟؟؟
 

تمام كده هو ده الكلام

صعوبة الصيانة كانت زمان. الومين دول كل الناس بيعرفوا يشتغلوا فيه.

أما بالنسبة للتيل فأنا عريتى مانوال وعربية مراتى أوتوماتيك. لايوجد أى فرق فى عمر التيلين عن بعض


إذن الأوتوماتك يكسب

رد: القيادة المانوال .. أم الأوتوماتيك ؟؟؟؟؟
 

الاوتوماتيك مش اختراع جديد و لا حاجة الاوتوماتيك موجود من الاربعينات و كان اول ظهور له على يد اولدز موبيل فى 1942, و هو مصمم أساسا للمحركات الكبيرة و ليست الصغيرة, عيوبه كثيرة و منها :
- متعة قيادة منقوصة.
- كفاءة أقل فى نقل الحركة من المانيوال العادى, بمعنى أن العزم الذى يصل الى العجل يكون أقل من حالة المانيوال.
- عدم القدرة على التحكم فى النقلات و اختلاف النسب مما يحد من قدرات التسارع.
- ثقل الوزن.
- استهلاك اعلى للوقود.
الميزة الوحيدة فقط هى سهولة القيادة!!
فهل يستحق الأمر؟
بالنسبة لى, الماونيوال أفضل, خاصة انه مع التعود لا تشعر بتغيير النقلات و تصبح هذه المهمة شبه لا ارادية.

رد: القيادة المانوال .. أم الأوتوماتيك ؟؟؟؟؟
 

انا عن نفسى بفضل المانوال عشان التعود والتحكم فى السرعة
لكن الاوتوماتيك راحة فى مصر يعنى مش كل شوية دوس دبرياج وشيل دبرياج
من وجهة نظرى الاوتوماتيك أفضل من ناحية الرحة
لكن لو حضرتك بتحب السرعة والشد يبقى المانوال

رد: القيادة المانوال .. أم الأوتوماتيك ؟؟؟؟؟
 

بص يا برنس انا معاك ان الاوتوماتيك لذيذ وعموما ان العربيه جديده يعني اي صيانه ليها هتبقي في التوكيل لكن بعد فتره مش هتوديها التوكيل لانها هتكون قدمت وساعتها الاتوماتيك مش اي صنايعي هيشتغل فيه

رد: القيادة المانوال .. أم الأوتوماتيك ؟؟؟؟؟
 

السواقه يعني مانيوال
انما الاتوماتيك بعتبر نفسي مش بسوق
و انا من الناس اللي بتستمتع بالسواقه جدا(رغم اني الحمد لله بسوق بقالي 19 سنه)
الا اني كل ما اركب العربيه و اتحرك بيها ببقي فرحان زي ما اكون اول مره اسوق عربيه في حياتي
لذلك بفضل المانيوال علشان احس بتناغم بيني و بين العربيه
و الاتوماتيك بصراحه هو مريح لكن انا مش حفكر فيه الا لما ربنا يكتب ليا
اني اعيش لحد ما يبقي عندي 45 سنه ولا حاجه و تكون الشيخوخه بدأت علي الواحد
ولعلمك فكره اني احسن مانيوال ولا اتوماتيك محدش بيقدر يفيدك فيها لانك انت اللي تقدر تحدد
انت بتحب الراحه ولا بتحب متعه القياده!!!!!!!!

رد: القيادة المانوال .. أم الأوتوماتيك ؟؟؟؟؟
 

هو بصراحة الاوتوماتيك راحة علي الاخر ومزاج وانت سايق بس دا لو انت سواقتك هادية الي حد ما يعني لو انت غاوي شد وحركات بالعربيات والحاجات دي بلاش اتوماتيك خليك في المانوال احسنلك كتير بس مع زحمة الطرق حاليا في مصر افضلك الاوتوماتيك هيريحك كتير