مصر موتورز مجتمع السيارات - طريق سهلة لاصلاح الاكصدامات الفبر

مصر موتورز مجتمع السيارات (https://www.masrmotors.com/vb/index.php)

- تعديل السيارات العــام (https://www.masrmotors.com/vb/forumdisplay.php?f=5)

- - طريق سهلة لاصلاح الاكصدامات الفبر (https://www.masrmotors.com/vb/showthread.php?t=13978)

رد: طريق سهلة لاصلاح الاكصدامات الفبر

اقتباس:

المشاركة الأصلية كتبت بواسطة lancer.style (المشاركة 84010)

انا جربتها قبل كدة لما كنت بجدد العربية مكتش سشوار هو كان جهاز جهاز شبة كدة

بيطلع حرارة بسرعات بردك يعتبر نفس الفكرة

بس دة كان مخصص ل كدة

و كان الاكصدام فية عوجة بسيطة

كان بيسخن و يعدلة و يبردة بصفنجة مبللولة و رجع زى ما كان

و هيا دى قصتى

شكرا يا لانسر باشا علي التجربة دي

اقتباس:

المشاركة الأصلية كتبت بواسطة محمد شهاب (المشاركة 84013)

طيب لو الاكصدام مرن جدا زى حضرتك ما بتقول
ده مش فى صالح الصاج لان اى خبطة سهل توصل لجسم العربية

ونرجع نقول فين ايام الاكصدامات الحديد

تحياتى للجميع

كل العربيات الجديدة بقت كدة يا باشا و الهدف الاول من وراء ده حماية المشاة ده حتي دلوقتي في عربيات الكبوت بتاعها مصمم انة يمتص صدمات وقوع المشاة علية
عموما العربيات النظيفة بيبقي فيها بار حديد ورا الاكصدام في وش العربية للحماية

رد: طريق سهلة لاصلاح الاكصدامات الفبر

فكرة جميلة فعلا اخويا حورس
بس لها عيوبها طبعا

اولا السيشوار دا بطئ جدا في رد الخبطة خصوصوا لو كانت كبيرة شوية

ثانيا مش عملي اوي لازم اكتر من سيشوار زي ماش وفت كدا في المقطع وكمان بياخد وقت كبير جدا جدا جاد

انا كان في خبطا كده في الياريس -بتاعتي- ورديتها بايدي من غير اي حاجة

بس لازم فعلا يتعمل حاجة لرد خبطات الفيب دا اكيد فيه طرق جديدة وعملية

ملحوظة -تود طريقة الماء الساخن لكني مش بفضل الموضوع دا خالص

تقبل مروري
حاتم

رد: طريق سهلة لاصلاح الاكصدامات الفبر

طريقة صحيحه نظرياً بس زى ما الاخوة قالو فى حالات كتير هتبقى مرهقة جداً بالسيشوار
السمكرية بيستخدمو البشبورى الكبير

رد: طريق سهلة لاصلاح الاكصدامات الفبر

أنا شفت سمكرية بيستخدموا حاجة زى كده ، ولكن هناك سمكرية بيستخدموا بشبورى صغير جداً يخرج شعلة خفيفة جداً وهو غير متصل بأنبوبة غاز ولكن له أنبوبة صغيرة خاصة به ، وهو يعطى نتيجة ممتازة

رد: طريق سهلة لاصلاح الاكصدامات الفبر

فكرة حلوة بس هل فى حد جربها

رد: طريق سهلة لاصلاح الاكصدامات الفبر

هو فعلا السشور بياخد وقت كبير علشان يقدر يسخن الفيبر علشان كده لازم نشوف طريقة يدوية اخرى غير السشوار

بس لو الاكصدام فيه شرخ خصوصا الفيبر مش صاج نقدر بعد رد الاكصدام نعالج الشرخ ازاى عايزين نشوف طريقة يدوية نقدر نلحم بها الشرخ

رد: طريق سهلة لاصلاح الاكصدامات الفبر

بالنسبه للشرخ
فى وقت التسخين برده على الاكصدام بتجيب ابره كبيره اوى اكبر حاجه بتاعت المنجدين دى
وبتجيب سلوك ضفيره من المحمله دى وتقشر المعجون والبوهيه مكان الشرخ وتشتغل تخييط يا معلم من جوه لبره وتشد السلك جامد ولازم يكون الفيبر سخن جدا علشان السلك مايبرزش عنه تخلى السلك يطبع على الفيبر واديها حتت معجون وسنفرها وظبطها ورشها وغير كل دا ودا بقى فى لصق ايطالى مخصص برده للفبر جامد جدا ملهوش حل ممكن تعالج الشروخ بيه وممكن تلزق الاكصدام على الصاج علطول بيه من غير مسامير
محدش يسالنى على اسمه لانه بلايطالى ومش فاكره
^^^^^^^^^^^^^^^^^^^^