مصر موتورز مجتمع السيارات - حساس مستوى ماء التبريد بالقربة

مصر موتورز مجتمع السيارات (https://www.masrmotors.com/vb/index.php)

- ميكانيكا السيارة (https://www.masrmotors.com/vb/forumdisplay.php?f=148)

- - حساس مستوى ماء التبريد بالقربة (https://www.masrmotors.com/vb/showthread.php?t=138242)

رد: حساس مستوى ماء التبريد بالقربة

اقتباس:

المشاركة الأصلية كتبت بواسطة yk_5 (المشاركة 1010082)

ربنا يكرمك
الموضوع دا اصله حصل معايا مرة وقرأت عنه وعرفت ان لما بيحصل تسرب مفاجئ لماء التبريد والماء يخلص من وش السلندر حساس قياس درجة حرارة ماء التبريد بيبقى محاط بالهواء مش بالماء وعلى ما يبتدى يحس بدرجة حرارة الهواء الساخن اللى حل محل الماء بعد تسربة (بعد حوالى دقيقتين تلاته) يكون لا قدر الله اللى حصل حصل.
شكرً لمرورك الكريم

و حصل معايا كمان من فترة ... طبة مياه الى فى بلوك الموتور ضربت ... فسربت مياه التبريد ... عداد الحرارة وصل ل 90 و بعد كدة وقف مكانه

رد: حساس مستوى ماء التبريد بالقربة

فيه فكرة: هل ممكن اسنغلال مياه التبريد نفسها كقطب سالب باعتبارها متصلة بالموتور والموتور بطبيعتة واخد أرضى من البطارية تمام لحد كده ... لو عملنا خرم اسفل القربة ووضعنا فى الخرم ده مسمار بصامولة (بس يكون نحاس) رأس المسمار جوه القربة وبقيته خارج من القربة وربطنا الصاموله فيه لحد الآخر (مع اجراء الإحكام اللازم لمنع التسريب) لو وصلنا المسمار ده بسلك فى نهايته لمبة بيان وطرف اللمبة الآخر متصل بالقطب الموجب بتاع ولاعة العربية مثلاً (علشان غى عربيتى كهربة الولاعة بتشتغل مع الكونتاكت) بكدة لما العربية تدور لمبة البيان تنور طول ما رأس المسمار اللى فى القربة متغطى بماء التبريد وفى حالة نفاذ الماء من القربة اللمبة تطفى. ايه رأيكو على الأقل نظرياً

رد: حساس مستوى ماء التبريد بالقربة

الاخ الكريم YK_5

مع احترامي لفكرة سيادتك و ان كانت نظريا ممكنه لكن عمليا شبه مستحيله لان التيار اللي هايمشي في الميه تيار ثابت DC و ليس متردد AC و عشان تحكم علي صحه التجربة هات كوب ماء ووصل فيه طرفين البطاريه مش هايحصل قفله خالص و لو حطيت لمبه عمرها ما هتنور

ثانيا الوضع الافتراضي اللي حضرتك بتقترحه معكوس بمعني انه من المفروض ان في وجود الميه في القربه اللمبه تكون مطفيه و تضي فقط عند عدم وجود مياه

ثالثا وجود لمبه حل غير عملي بالمرة لان بيعتمد علي مدي شده انتباهك لوجود الضوء او عدمه فمن باب اولي هاتركز علي مؤشر الحرارة و خلاص

رابعا من اشد التحذيرات التي تنبه العقل البشري هو التحذير الصوتي

يا جماعه انا عندي الحل :

دائرة الكترونيه تنبهك فورا لو مافيش ميه و بدون تعديل في القربه مطلقا
كل ما هنالك هو مسمارين داخل الخرطوم اللي نازل من القربه للرادياتير

و تديك تنبيه صوتي و ضوئي

و كمان عندي دايره الكترونيه حساس للحرارة في حاله تعطل الترموستات او توقف المروحه او ارتفاع الحرارة لاي سبب و تديك انذار صوتي و ضوئي

كام واحد عايز الموضوع دا ؟

رد: حساس مستوى ماء التبريد بالقربة

متابع باهتمام

رد: حساس مستوى ماء التبريد بالقربة

بعد اذن صاحب الموضوع انا عندى سؤال
انا عربيتى كل فترة المروحة تشتغل لوحدها وتقف لوحدها
ممكن اعرف ده مشكلة ولا لا ولو كانت مشكلة يا ترى ايه حلها

رد: حساس مستوى ماء التبريد بالقربة

اقتباس:

المشاركة الأصلية كتبت بواسطة khaled_k21 (المشاركة 1010176)

شكراً لتوضيح حضرتك وأطع فى الفكرة براحتك يا أفندم ههههههه
بس موضوع ركز على المؤشر وخلاص دى ...... لآن المؤشر عندى (ويمكن فى عربيات تانيه) زى ما قولت قبل كده فى مشاركة سابقة انه عقبال ما بيحس ويتحرك بعد النصف بيكون بالفعل الميه فضيت وحساس درجة حرارة الميه بيكون بيقيس درجة حرارة الهواء وانا عاوز أتجنب المرحلة ديه واعرف بالتسريب بمجرد ما القربة تفضى مش على ما المؤشر يتحرك.
المهم انا قولت لحضرتك بالأمس انى عاوز اعرف تفاصيل .... كيف ندخل الموضوع حيز التنفيذ؟ أنا عاوز أنفذ يا أفندم شوف حضرتك وسيلة التواصل المناسبة لك.
خالص تحياتى

رد: حساس مستوى ماء التبريد بالقربة

اقتباس:

المشاركة الأصلية كتبت بواسطة Ahmed_Esmail (المشاركة 1010212)

عادى جداً يا أفندم ... مروحة التبريد بتشتغل لما درجة حرارة مياه التبريد تتخطى الحد الأقصى وبتستمر المروحة فى دورانها الى أن تنخفض درجة حرارة مياة التبريد للحد المسموح به. والمسئول عن تشغيل المروحة وفصلها اما ترموستات كهربائى أو كونترول السيارة.