رد: لانوس أو لوجان؟
 

و انا معاك فعلا اللوجان احسن من اللانوس بمراحل لان عفشة اللانوس مش حلوة والفرامل مش مسعفة تماما والحك في المطبات كتيير اوي وملهاش اتزان علي ال 120 ومستهلكة للبنزين ومافيهش عوامل امان وفعلا المقارنة لصالح اللوجان فيماعدا قطع الغيار اللي لسة محدش عرف عنها حاجة

رد: لانوس أو لوجان؟
 

طيب لو قلنا ان لانوس فول اوبشن ب 70 الف
ممكن حد يقولنا لوجان مانيوال فول اوبشن بكام ؟ عشان نعرف نقارن كويس

رد: لانوس أو لوجان؟
 

ya gma3a wlahi el lanos 3rbia m7trma gdn w 7malet asia, motor mia mia, wkl 7aga feha ana shaief enha a7sn mn el logan f kl 7aga ma 3da en shakl el logan agdd w bs, el logan 3iza msarif kter w tfdl wraha snia bsnia, el lanos 7malet asia w mhma t2lt 3leha tst7ml w mt2lsh l2. el klam d 3n tgrba mesh klam w 5las

رد: لانوس أو لوجان؟
 

استاذ صقر
اراك متحيز جدا لصالح الانوس فى كل مشاركاتك
هل هذا التحيز عن تجربة عده سيارات
يعنى لو انا مثلا متعود اركب فيورا وبعدين اركب لانوس اكيد هاحس انى راكب مرسيدس لان تجربتى قليله
لكن لو حضرتك ركبت كذا عربيه من نفس الفئة يكون تحيزك موضوعى - برجاء التوضيح

ولى رجاء جامد جدا :
ياريت تكتب العربى بالحروف العربى يا اما تكتب انجليزى بحروف انجليزى - لأن قراءة وترجمة العربى المكسر ده صعب اوى . ساعدنا وجزاك الله خيرا وكمان تبقى حافظت على لغتك الاصلية .
Could you pleasse keep your words in Arabic language by Arabic letters ?? thanks
شكرا وتقبل تحياتى

رد: لانوس أو لوجان؟
 

النوس ولا لوجان
بصوة ياجماعة اى عربية متقفلة برة افضل واجود من اى عربية مجمعة فى مصر
حتى لو كانت bmw المصرية لان المنتج المصرى بيستخسر الجودة على المصرييين ومبدئهم كفاية عليهم عربية بتمشى على الارض وعلية ان كانت المقارنة بين المصرى لانوس والمستورد لوجان يبقى تجيب لوجان ولو واخدين بالكم ان الانوس لم تتطور من يوم ما طلعت سنة 1999يعنى من 10 سنيين لم يطورو او يعدلو فيها شئ جوهرى وهذا دليل الفشل وسبب انتشارها فى مصر ان مقاييس المستهلك المصرى مختلف عن الدنيا كلها حبقى اشرحلكم بعدين

رد: لانوس أو لوجان؟
 

اللوجان الفاضية بـ 56 ألف
اللوجان النص أوبشن (تكييف و2 زجاج كهربا) بـ 63 ألف
اللوجان الفول أوبشن بـ 67 ألف

وأنا من أنصار اللوجان بعد بحث شهرين ..
أنا مش قارنتها باللانوس ، إنما قارنتها بالنيسان صنى كمان.
وفى الآخر اخترت اللوجان لأهنا مناسبة أكثر من نواحى عدة.

رد: لانوس أو لوجان؟
 

لوجان فول اوبشن 66900 جم
وبيبقي فيها تكييف -سنتر -فوج لايت- راديو سي دي و4سماعات-جنوط 15 ميشلان-نواكل(اجزاء من العربية فضي)-التحكم في ارتفاع كرسي السائق -التحكم في ارتفاع الطارة-كمبيوتر معلومات بخمس وظائف -التحكم في اتجاه كشاف النور (اعلي-اسفل)-مفتاح بريموت- 4زجاج كهرباء-سخان زجاج (لمنع تكون بخار الماء)-جراب نضارة-حامل اكواب.... ومش فاكر الباقي بس انا لسة مع اللوجان وكل الناس بتشتكي من اللانوس علي التوكيل والعفشة والفرامل اللي مبتسعفش وعدم الثبات