مصر موتورز مجتمع السيارات - نيو أكسنت أم لوجان ؟

مصر موتورز مجتمع السيارات (https://www.masrmotors.com/vb/index.php)

- Accent Verna RB اكسنت فيرنا (https://www.masrmotors.com/vb/forumdisplay.php?f=237)

- - نيو أكسنت أم لوجان ؟ (https://www.masrmotors.com/vb/showthread.php?t=13763)

رد: نيو أكسنت أم لوجان ؟

اة هى عيوب النيو اكست

رد: نيو أكسنت أم لوجان ؟

العربيتين ممتازين بس بيختلفوا عن بعض فى حاجات كتير زى
1- السحب والتسارع من الثبات فى صالح النيو اكسينت 112 حصان اللوجان 90 حصان
2- عوامل الامان فى صالح اللوجان ثبات جيد على السرعات العالية + ( اير باج للسائق ) النيو اكسينت مفيش ايرباج .
3- وسع الصالون والراحة ونعومة العفشة فى صالح اللوجان ( اوسع من النيو اكسينت )
4- الشكل ( اذواق )
5- السعر فى صالح اللوجان 11000ج فرق للفول اوبشن
6- السيارتين استهلاكهم فى البنزين جيد جدا بالنسبة لمواتير 1600
ولازم تتفرج على العربيتين كويس واللى ترتاح ليها نفسيا
توكل على الله واشتريها واستخير ربنا قبل اى حاجة وانا عن نفسى
افضل اللوجان عن النيو اكسينت
وكل سنة وانت طيب وربنا يرشدك للاختيار الامثل

رد: نيو أكسنت أم لوجان ؟

- الشاسية : شاسيه اللوجان هو أحد شاسيهات نيسان اليابانية
- العفشة : بشهادة مالكيها ، اللوجان تضاهى نعومة الكورولا ومناسبة أكثر لطرقنا الغير ممهدة
- الفرامل : لا غبار على فرامل اللوجان
- المحرك : فى صالح النيو أكسنت
- جودة الأجزاء الداخلية ( فرش - تابلوة - تكييف ....) : متكافئ
- توافر قطع الغيار وتكلفة الصيانة : فى صالح النيوأكسنت

رد: نيو أكسنت أم لوجان ؟

اقتباس:

المشاركة الأصلية كتبت بواسطة AboNoRa (المشاركة 82359)

نيو اكسنت طبعاً اداء وخامات وكماليات وسعر وتكنولوجيا وتقارير اعتمادية وجوائز عالمية

الراجل ده دايما بيجيب الخلاصه خليك في الاكسنت

رد: نيو أكسنت أم لوجان ؟

اقتباس:

1- السحب والتسارع من الثبات فى صالح النيو اكسينت 112 حصان اللوجان 90 حصان

معاك في النقطه دي

اقتباس:

2- عوامل الامان فى صالح اللوجان ثبات جيد على السرعات العالية + ( اير باج للسائق ) النيو اكسينت مفيش ايرباج .

مش حقدر اقول رأيي في النقطه دي
بس عوامل الامان مش اير باج للسائق و خلاص ماهو عندك شاسيه و دعامات و مواويل كتير كده بتتحكم في الامان

اقتباس:

3- وسع الصالون والراحة ونعومة العفشة فى صالح اللوجان ( اوسع من النيو اكسينت )

اختلف معاك في دي وسع الصالون يمكن يكون الاتنين متساويين و اللوجان تمتاز بشنطه اكبر
انما نعومه و راحه ركوب النيو اكسنت افضل و الكراسي بتاعها مريحه اكتر
و فوق دا كله و دا الاهم :تقفيل و خامات النيو اكسنت افضل بمراحل من اللوجان

اقتباس:

4- الشكل ( اذواق )

ممكن بس شكل النيو اكسنت احدث و اشيك من اللوجان ذات التصميم القديم

اقتباس:

5- السعر فى صالح اللوجان 11000ج فرق للفول اوبشن

المفروض يبقي اكبر من كده كمان لان اللوجان سياره مصنعه لتكون سياره اقتصاديه و علشان كده لا يوجد اهتمام بالصالون و اعتمدوا علي شاسيه قديم لتوفير النفقات غير انها تنتمي لاوربا الشرقيه (تصنع في رومانيا تحت اسم داتشيا و ليس لها اي علاقه بفرنسا)
لو حسبنا شياكه و قوه و راحه و جوده الخامات و بلد المنشأ لصالح النيو اكسنت فلازم تكون اللوجان ارخص ب 20 الف علي الاقل.

اقتباس:

6- السيارتين استهلاكهم فى البنزين جيد جدا بالنسبة لمواتير 1600

معاك في النقطه دي

رد: نيو أكسنت أم لوجان ؟

اقتباس:

بس عوامل الامان مش اير باج للسائق و خلاص ماهو عندك شاسيه و دعامات و مواويل كتير كده بتتحكم في الامان

لكن منقدرش ننكر انها ميزة بتتميز بيها اللوجان عن النيو اكسينت والاير باج بات من الضروريات فى السيارة
متنساش ان احنا اكثر بلد فيها حوادث وانا عن نفسى الاير باج مهم جدا جدا بالنسبة لشاسيه اللوجان فهو مصمم على طريق شركة نيسان ، وهو المسمى (قاعدة عجلات نيسان B) وهو نفس الشاسيه الذى ترتكز عليه النيسان ميكرا السيارة الصغيرة واسعة الإنتشار فى اوروبا وكذلك الجيل الجديد من الرينو كليو ومعروف عن الكليو ان عفشتها زى الفل وجميلة ومريحة جدا اذا شاسية العربية متجرب واثبت كفاءة

اقتباس:

اختلف معاك في دي وسع الصالون يمكن يكون الاتنين متساويين و اللوجان تمتاز بشنطه اكبر
انما نعومه و راحه ركوب النيو اكسنت افضل و الكراسي بتاعها مريحه اكتر

اختلف مع حضرتك جدا فى موضوع الصالون والراحة دة بالذات لان دى حاجة معروفة فى النيو اكسينت ان
الصالون مش مريح وبالذات فى الكنبة الخلفية (حترك تفاصيل النقطة دى احتراما لملاك النيو اكسينت)
اما عن وسع الصالون فاللوجان اوسع بمراحل بمراحل اتمنى من حضرتك تتفرج عليها

اقتباس:

و فوق دا كله و دا الاهم :تقفيل و خامات النيو اكسنت افضل بمراحل من اللوجان

اتفق مع حضرتك ولكن ليست افضل بمراحل

اقتباس:

ممكن بس شكل النيو اكسنت احدث و اشيك من اللوجان ذات التصميم القديم

برده حاقول انها ازواق ولكن انا مش شايف شكل النيو اكسينت احدث ولا حاجة النيو اكسينت موجودة نفس الشكل
من عام 2006 حتى وقتنا هذا ولم يتغير لكن التصميم الجديد للوجان نزل فى مصر 2009 وبدأ فى الانتشار الكبير

اقتباس:

المفروض يبقي اكبر من كده كمان لان اللوجان سياره مصنعه لتكون سياره اقتصاديه

والاقتصادية دى هى اللى احنا بندور عاليها فى عربية ب 67000 اكيد انا لو غنى مش حدور على عربية فى الفئة السعرية دى اصلا

اقتباس:

علشان كده لا يوجد اهتمام بالصالون و اعتمدوا

ومين قال انهم مش مهتمين بالصالون الكراسى مريحة + والصالون واسع جدا والتابلوه شكله جميل بالنواكل
وفرش الابواب جميل جدا يتطعيمات النيكل والنسيج والعدادات شكلها جميل مع اللون البرتقالى ونفس اللون
للكاسيت السى دى والتكييف روعة وقوى جدا (تكيف نيسان صنى ) انا اختلف مع حضرتك جدا

اقتباس:

اعتمدوا علي شاسيه قديم لتوفير النفقات

دة لا يعيب العربية فى شيء انا عن نفسى ماعنديش مانع اركب عربية الشاسية بتاعها قديم ومتجرب طالما بيأدى الغرض منه ومريح العربية جدا مافيش مشكلة فى النقطة دى

اقتباس:

غير انها تنتمي لاوربا الشرقيه (تصنع في رومانيا تحت اسم داتشيا و ليس لها اي علاقه بفرنسا)

عمر بلد المنشأ للسيارة مكان مقياس انا ليا السيارة اللى قدامى هل هى سيارة جيدة يبقى خير وبركة وحتخدم شريحة كويسة من المستهلكين حتى لو متصنعة فى الصعيد ومع ذلك فشركة رينو تمتلك اكثر من 90 % من شركة
داتشيا وفى شراكة بين ( داتشيا ونيسان ورينو ) وبيستخدموا التكنولوجيا بتاعتهم فى انتاج سياراتهم

اقتباس:

لو حسبنا شياكه و قوه و راحه و جوده الخامات و بلد المنشأ لصالح النيو اكسنت فلازم تكون اللوجان ارخص ب 20 الف علي الاقل

دة رأى حضرتك الشخصى وانا بحترمه جدا
لكن انا رأى الشخصى اللوجان افضل لما تقدمه فى مقابل المال value for money

رد: نيو أكسنت أم لوجان ؟

اقتباس:

اقتباس:
<table width="100%" border="0" cellpadding="6" cellspacing="0"> <tbody><tr> <td style="border: 1px inset ;" class="alt2"> بس عوامل الامان مش اير باج للسائق و خلاص ماهو عندك شاسيه و دعامات و مواويل كتير كده بتتحكم في الامان </td> </tr> </tbody></table>
لكن منقدرش ننكر انها ميزة بتتميز بيها اللوجان عن النيو اكسينت والاير باج بات من الضروريات فى السيارة
متنساش ان احنا اكثر بلد فيها حوادث وانا عن نفسى الاير باج مهم جدا جدا بالنسبة لشاسيه اللوجان فهو مصمم على طريق شركة نيسان ، وهو المسمى (قاعدة عجلات نيسان B) وهو نفس الشاسيه الذى ترتكز عليه النيسان ميكرا السيارة الصغيرة واسعة الإنتشار فى اوروبا وكذلك الجيل الجديد من الرينو كليو ومعروف عن الكليو ان عفشتها زى الفل وجميلة ومريحة جدا اذا شاسية العربية متجرب واثبت كفاءة

اوك هيا ميزه ما قولناش حاجه لكن برضه مش اير باج واحده للسواق هيا الفيصل زي ما قولنا
ولو حنتكلم عن عوامل السلامه النشطه زي الABS , EBD, ASC,ABC و تلك الانظمه التي تساعد
لعدم حدوث الحادث حنلاقي ان العربيتين زيرو
اما الايرباج تعتبر من عوامل السلامه السالبه يعني بتفيد بعد وقه الحادث.

اقتباس:

اقتباس:
<table width="100%" border="0" cellpadding="6" cellspacing="0"> <tbody><tr> <td style="border: 1px inset ;" class="alt2"> اختلف معاك في دي وسع الصالون يمكن يكون الاتنين متساويين و اللوجان تمتاز بشنطه اكبر
انما نعومه و راحه ركوب النيو اكسنت افضل و الكراسي بتاعها مريحه اكتر </td> </tr> </tbody></table>
اختلف مع حضرتك جدا فى موضوع الصالون والراحة دة بالذات لان دى حاجة معروفة فى النيو اكسينت ان
الصالون مش مريح وبالذات فى الكنبة الخلفية (حترك تفاصيل النقطة دى احتراما لملاك النيو اكسينت)
اما عن وسع الصالون فاللوجان اوسع بمراحل بمراحل اتمنى من حضرتك تتفرج عليه

النيو اكسنت بالنسبالي عربيه عصريه جدا و قعدتها مريحه و غير كده دي مسأله راحه نفسيه
انا مثلا برتاح في قاعده العربيه اللي كراسيها واطيه و في ناس بتحب قاعده العربيه اللي كراسيها عاليه
ما تقدرش تقول علي دا غلط او دا غلط لان دي عمليه نسبيه

اقتباس:

اقتباس:
<table width="100%" border="0" cellpadding="6" cellspacing="0"> <tbody><tr> <td style="border: 1px inset ;" class="alt2"> و فوق دا كله و دا الاهم :تقفيل و خامات النيو اكسنت افضل بمراحل من اللوجان </td> </tr> </tbody></table>
اتفق مع حضرتك ولكن ليست افضل بمراحل

المهم انها افضل و حقول لحضرتك حاجه بسيطه
بص كده علي مسوجر باب اللوجان و قولي ايه رأيك فيه
تلاقيه مقشر و طالع منه زوائد بلاستيكيه ما تشوفهاش حتي في موسوجر عربيه 128 موديل 70!!!
طب انا اشتري عربيه موديل 2009 و الاقي فيها حاجه زي دي بالتأكيد حضايق طبعا.

اقتباس:

اقتباس:
<table width="100%" border="0" cellpadding="6" cellspacing="0"> <tbody><tr> <td style="border: 1px inset ;" class="alt2"> ممكن بس شكل النيو اكسنت احدث و اشيك من اللوجان ذات التصميم القديم </td> </tr> </tbody></table>
برده حاقول انها ازواق ولكن انا مش شايف شكل النيو اكسينت احدث ولا حاجة النيو اكسينت موجودة نفس الشكل
من عام 2006 حتى وقتنا هذا ولم يتغير لكن التصميم الجديد للوجان نزل فى مصر 2009 وبدأ فى الانتشار الكبير

اللوجان موجوده بالتصميم دا بره مصر من 2002 او 2003 يمكن يعني عربيه قديمه جدا
كون انها دخلت مصر 2009 فدا مش معناه انها احدث من النيو اكسنت
و لو حضرتك حتبص علي الواجهه الاماميه و تصميم الجوانب و الخلفيه للنيو اكسنت و تقارنها بعربيات جيلها
زي الياريس و الكورولا و الكيا ريو و ما الي ذلك و تحط جنبهم اللوجان حتلاقي اللوجان شكلها عجوز اوي

اقتباس:

التابلوه شكله جميل بالنواكل
وفرش الابواب جميل جدا يتطعيمات النيكل والنسيج والعدادات شكلها جميل مع اللون البرتقالى ونفس اللون
للكاسيت السى دى والتكييف روعة وقوى جدا (تكيف نيسان صنى ) انا اختلف مع حضرتك جدا

يا تري حيعيش قد ايه التابلوه دا؟؟!!!!
طب حضرتك تعرف تابلوه اللوجان مكون من كام قطعه؟؟
مكون من قطعه واحده ..
طب حضرتك عارف هو ليه مكون من قطعه واحده؟؟!!!
لان الشركه نفسها معترفه ان السياره نازله للدول الفقيره و علي قد ما بيقدروا بيوفروا في النفقات
و عملو التابلوه حته واحده علشان خاماته دون المستوي المطلوب و لو اتعمل اكتر من حته واحده حيطلع اصوات و يزيق و فعلشان كده كانوا عاوزين يوفروا و في نفس الوقت يطلعوا حاجه ما تعملش مشاكل .

اقتباس:

اقتباس:
<table width="100%" border="0" cellpadding="6" cellspacing="0"> <tbody><tr> <td style="border: 1px inset ;" class="alt2"> اعتمدوا علي شاسيه قديم لتوفير النفقات </td> </tr> </tbody></table>
دة لا يعيب العربية فى شيء انا عن نفسى ماعنديش مانع اركب عربية الشاسية بتاعها قديم ومتجرب طالما بيأدى الغرض منه ومريح العربية جدا مافيش مشكلة فى النقطة دى

انا ما قولتش ان دا عيب بس انا بوضح ليه فرق السعر بينهم 11 الف و المفروض يبقي الفرق اكبر من كده كمان
لان تكاليف التصميم و التطوير قليله للغايه مش زي ما تعمل عربيه من اول و جديد و تصمم لها موتور و شاسيه و عفشه جديده.

اقتباس:

اقتباس:
<table width="100%" border="0" cellpadding="6" cellspacing="0"> <tbody><tr> <td style="border: 1px inset ;" class="alt2"> غير انها تنتمي لاوربا الشرقيه (تصنع في رومانيا تحت اسم داتشيا و ليس لها اي علاقه بفرنسا) </td> </tr> </tbody></table>
عمر بلد المنشأ للسيارة مكان مقياس انا ليا السيارة اللى قدامى هل هى سيارة جيدة يبقى خير وبركة وحتخدم شريحة كويسة من المستهلكين حتى لو متصنعة فى الصعيد ومع ذلك فشركة رينو تمتلك اكثر من 90 % من شركة
داتشيا وفى شراكة بين ( داتشيا ونيسان ورينو ) وبيستخدموا التكنولوجيا بتاعتهم فى انتاج سياراتهم

نفس رد النقطه السابقه لان حضرتك قسمت المشاركه و فاكرني بهاجم بلد المنشأ رغم اني بعلل ليه تمنها قليل

اقتباس:

اقتباس:
<table width="100%" border="0" cellpadding="6" cellspacing="0"> <tbody><tr> <td style="border: 1px inset ;" class="alt2"> لو حسبنا شياكه و قوه و راحه و جوده الخامات و بلد المنشأ لصالح النيو اكسنت فلازم تكون اللوجان ارخص ب 20 الف علي الاقل </td> </tr> </tbody></table>
دة رأى حضرتك الشخصى وانا بحترمه جدا
لكن انا رأى الشخصى اللوجان افضل لما تقدمه فى مقابل المال

و انا برضه بحترم رأيي حضرتك و ما قولتش علي اللوجان وحشه لكن لا تقارن بالنيو اكسنت للاسباب المسروده اعلاه
طب لو العربيه دي اوربي و خطيره و حلوه اوي تفتكر ليه التوكيل ما نزلهاش ب 80 الف؟؟!!!!!!!
طالما هيا نفس فئه الياريس و النيو اكسنت و تتفوق عليهم انها اوربي ليه سعرها مش زي سعر الاتنين دول
و حضرتك عارف توكيلات مصر لازم تكسب في العربيه 200% ومافيش حد فيهم عنده استعداد يقلل من ربحه علشان خاطر الجمهور.
اللوجان لما نقارنها بحق ربنا نقارنها بالفيات سيينا او الدايو لانوس
دي عربيات شعبيه و معموله بتنكولوجيا و شاسيهات قديمه علشان تنافس في دول العالم التالت
و تكسب عميل عاوز يركب عربيه رخيصه مع بعض التضحيه بالجوده و التنازل عن الرفاهيه و التصميم الحديث