رد: مشكلة في الأوبترا مزعلاني أوي
 

انا احب اضيف رأي في الموضوع دا
لما تكون العربية مع شخص وهو اول مستخدم ليها وعارف حاله العربية كويس يفضل في هذه الحالة عمل عمره للمحرك (وان شاء الله بيرجع احسن من الاول--- لو اتعملت العمره صح)
والدليل علي ذلك موافقة التوكيل علي عمل العمره في البداية.

رد: مشكلة في الأوبترا مزعلاني أوي
 

واضح ان حضرتك لا رحت ولاجيت ولا جبت حاجة خالص وسلمت نفسك للميكنيكى وده غلط حتى لو كان اخوك لازم تكشف على الموتور عند اى مركز او ميكنيكى اخر وان شاء الله تكون زى ما بيقول وقبل ما يوصلك ورق الموتور تروح المرور الى حضرتك تابع ليه تسأل على اجرأت نقل الموتور الجديد وربنا معاك

رد: مشكلة في الأوبترا مزعلاني أوي
 

ورق الموتور بياخد حوالى شهر وبيروح مرور الدراسة مش المرور اللى حضرتك تابع له
ولما تاخد الافراج الجمركى من مرور الدراسة عشان تكسب وقت هاتروح المرور اللى حضرتك تابع له وتدخل على شباك الافراج الجمركى وتعمل اثبات للموتور الجديد عن طريق مهندس الفحص

اما مشكلة الموتور اللى مع حضرتك انا اتوقع بتغيير قواعد الموتور هاتروح الزنة او اى اهتزاز فى المحرك طالما الموتور داير كويس يبقى الزنة والاهتزازات سببها الفك والتركيب ويمكن قاعدة او اكثر عاوزة تتغير لانها مشققة او حتى مقطوعة
الصبر مفتاح الفرج ومش عاوزك تحس انه اتنصب عليك
انا شايف سعر الميكانيكى ممتاز طالما جاب موتور كامل وليس شورت بلوك

بخصوص الزيت اللى حطة فى الموتور 20w-50 كدة صح اوى والراجل عاوز يغسل الموتور من جوة فاية اللى يخلية يحط زيت تخليقى 5w-40 طالما هاينزل الزيت تانى
شايفة برضة تصرف سليم 100%

رد: مشكلة في الأوبترا مزعلاني أوي