|
رد: الحقونى يا جماعة ردياتير الجيتز بينزل المياه
اقتباس:
جزاكم الله كل خير ربنا يبارك لك |
رد: الحقونى يا جماعة ردياتير الجيتز بينزل المياه
حضرتك ابقى طمنينا عملتى اية وان شاء الله تكون بسيطة
|
رد: الحقونى يا جماعة ردياتير الجيتز بينزل المياه
السلام عليكم ورحمة لله وبركاته احب اطمنكم يا جماعه الحمد لله ربنا سترها على عربيتى الحبيبة المشكله كانت انها ماشيه من غير ولا نقطة مياه والسخونه اثرت على الزيت ورائحته وفلتر الزيت السخونه كان ممكن تاثر على الموتور ويجيب جوان وش سلندر على حسب كلام الميكانيكى ربنا سترها انى اول ما شميت رائحة شياط وقفتها فورا وكنت بروح للشغل بتاكسى لغاية ما الميكانيكى بتاعنا رجع من محافظته وفتح محله غير الزيت والفلتر الخاص به ونزل كل المياه العاديه اللى انا حطتها على الارض ومل الردياتير بمياه خضراء الحمد لله الحمد لله ربنا سترها وقدر الله وما شاء فعل بس الغريب بقه ليه ما فيش لمبه تنور امامى فى التابلوه لما الموتور يسخن وليه ما فيش اى مؤشر يوضح الحرارة وليه كمان ما فيش مؤشر للمياه لما تخلص فى الردياتير بصراحه برضه انا يعتبر مهمله فى العنايه بها انا آخر مرة كنت فى التوكيل كان يناير 2014 وبرضه غيروا فلتر زيت والزيت لمسافه 5000 ك وكانت العربية ماشيه 9000 ك فقط دلوقتى هى معايا بقالها من شهر يناير 2011 يعنى كملت 4 سنوات وبدات السنه الخامسه وعامله 16000 ك فقط بس لازم اغير حاجات فيها زى ما غيرت الكاوتش وهى لسه ما شيه بالبطاريه لغايه دلوقتى الحمد لله استخدامى خفيف جدا لان شغلى وبيتى بينهم شارع الحمد لله بس يبدوا ان فيه حاجات لازم تتغير فيها حتى مع الاستخدام الخفيف الحمد لله الحمد لله جزاكم الله خيرا وشكرا للى رد عليه وشكرا للى متابع فقط جزاكم الله خيرا جميعا |
رد: الحقونى يا جماعة ردياتير الجيتز بينزل المياه
الحمد لله , قدر الله و ما شاء فعل , لسه واخدبالي من الموضوع .
بس معقوله مفيش مؤشر للحراره .!!!؟. حصلي بالظبط نفس اللي حصل مع حضرتك و كنت في سفر بس عيني علي المؤشر رفع سنه عن الطبيعي بتاعه .؟!. وقفت و بطلتها لما بردت و مكنش فيها غير شويه ميه صغيرين جداااا و طلع الغطا بتاع القربه مفوت و بيسرب و زودت يومها ميه و كملت طريقي الحمد لله و غيرت الغطاء و باطمن من وقت للتاني علي ميه القربه ,,,, الا السخونيه و الحراره تحديدا في المواتير البنزين , ربنا يستر طريقنا جميعا و لازم من حين لاخر نفتح نطمن علي مستوي المياه او بعد مشوار و العربيه دايره نبص بصه سريعه علي وصلات دوره المياه و تحت العربيه لو فيه تنقيط . |
رد: الحقونى يا جماعة ردياتير الجيتز بينزل المياه
موضوع مياه التبريد مهم جدا ... و يجب ملاحظته باستمرار .. مع ملاحظة حالة الردياتير ... و خاصة فى العربيات الحديثة
امبارح ... علبة الردياتير العلوية اتكسرت .. و ربنا كرمنى و وصلت بيها لغاية عم حمدى الميكانيكى الظريف فى الموضوع انى انا كنت فى طريقى اليه بالفعل علشان اغير بلى العجل الامامى |
رد: الحقونى يا جماعة ردياتير الجيتز بينزل المياه
اقتباس:
ياريت حضرتك تتأكدى من موضوع لمبة الحرارة دى ربنا يباركلك فى عربية حضرتك |
رد: الحقونى يا جماعة ردياتير الجيتز بينزل المياه
السؤال المهم هو ليه العربيات مش فيها مؤشر للحرارة وبعدين انا كنت العربية بتفضل معايا زيرو لمدة 3 سنوات زى الفل ولا بحط فيها نقطة مياه واحده بتفضل بالمياه الطبيعيه لها ولا بشوف ردياتير ولا حاجة لغاية ما كنت ابيعها نظيفة زى الفل بعد 3 سنوات واجيب زيرو راحة بس بصراحة المرة دى 4 سنوات معايا بس بحب الجيتز ومش عاوزه أغيرها محترمة جدا العربيه دى وتناسب زوقى ومتطلباتى ومافيش منها زيرو دلوقتى طيب لو حبيت أغيرها بزيرو علشان راحة دماغى اجيب ايه بدل الجيتز تقترحوا ايه بدل الجيتز يا جماعه |
| الساعة الآن 04:35 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017