|
رد: موضوع متكامل عن اللادا 2107
انامتفق مع الاخوه المعترضين على اللادا كعربيه عيوبها كتير بس حد يفسرلى عدد العربيات الموجوده منها فى مصر يتعدى 200 الف ليه ولسه بتبيع زيرو حتى الان وليه رغم وجود اشكال حديثه من اللادازى2110 الادا 2107 لسه بتبيع
|
رد: موضوع متكامل عن اللادا 2107
بصراحة ربنا هى العربية العملية الوحيدة ف مصر
لانى ركبتها سنتين وما لقيتش منها اى مشاكل .... موفرة ف البنزين ... قطع غيار متوفرة ... قوية وبتتحمل تقدر تقولى بالرغم من عدم اضافة المصنع الرئيسى للكماليات ليها ليه .......... لان المنتج عارف مدى شعبيتها .... ومدى قوتها وجودة موتورها .... وركب ليها انت اى كماليات عايزها تقبل انه يتحول الدركسيون لباور .... تقبل تكييف ..... والله ندمانه على اللادا اللى كانت معاى وبعتها بسبب ثقل الدركسيون .... بس والله ما كنتش اعرف انه ممكن يتحول لباور والسيارة الشياكة الباور اللى اشتريتها مبهدلانى ف الاعطال والمصاريف داليدا |
رد: موضوع متكامل عن اللادا 2107
بحب اوي الاعلان بتاع اسبريت اللادا الروسي عضلات مجانس وترابيس وماله الصيني يا ابني اروي عطشك اشرب اللادا |
رد: موضوع متكامل عن اللادا 2107
انا عاوزه اغير من لادا إلى إلنترا إيه رأيكم
|
رد: موضوع متكامل عن اللادا 2107
يا جماعة فى ناس كتير عايشة فى وهم كبير ان اللادا اصلب حديد فى مصر اقوى عربية دبابة والكلام الفارغ دة كله لكن الحقيقة مع احترامى للكل ان معظم الناس دى ما ركبتش غير لادا والنظرة ووجهة النظر غير عملية وغير منطقية ازاى عربية بلتسخن وتقيله وديما والله العظيم شفت الموقف دة كتير اكتر من مرة العجله الامامية بالعفشة بكل حاجة مكسورة ديما بتحصل عند اشارات المرور حاجة مش واردة تحصل فى اى عربية نص كم دى فضيحة دى ممكن تموت وتؤدى الى مصايب فى سرعة متوسطة محل بقى لو ماشى 100 كلم / ساعة والله كمان اكتر من مرة شفت حوادث معاها تلاقى العربية اتعوجت كلها من حتة تانية درجة امتصاص السيارة للصدمة غير متناسقة ومخيفة ومناطق الانبعاج والتشوة التى من المفروض ان تصمم اثناء تصميم السيارة كمقدمة السيارة وخلفيتها ممتدة لمناطق المفروض انها قفص الامان والله انا شفن اكتر من حادث خفيف صدمة عادية القى سقف معوج او خلف السيارة منبعج مع ان الصدمة فى منطقة تانية ودة تفسيرة ان السيارة بتنقل تاثير قوة الصدمة لمناطق المفروض انها قفص امان وبالتالى دة معناه ان تأثير وتردد قوة الصدة ينتقل على الفور لاجساد ركاب المركبة ملعون ابوها دى عربية ولكم منى فائق الشكر والاحترام ودمتم بود
كن يقظا ....... تصل سالما ان شاء الله تعالى |
رد: موضوع متكامل عن اللادا 2107
يعنى من اللادا للشاهين يا قلبى لا تحزن
|
رد: موضوع متكامل عن اللادا 2107
اللادا نعمة والى يكرهها يشوف . السيارة دى قدمت كتير للشعب والى الان بتقدم وبعدين لما تنزل منها بتكون تعبان !!! أهى رياضة بدل ماتروح الجم وتضيع فى وقتك يعنى استثمار مالى بدنى جميل وكل واحد على قد فلوسة وبلاش تعقيد فى الناس. |
| الساعة الآن 04:42 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017