رد: الحمد لله على كل حال... العربية أتسرقت لثانى مرة
 

استهدي بالله و المؤمن مبتلي , و يا بشمهندس قضي اخف من قضي , الحمد لله .
بس لازم تركب لها انذار او تتعب شويه و تعمل كمين للحرامي .

رد: الحمد لله على كل حال... العربية أتسرقت لثانى مرة
 

حسبى الله ونعم الوكيل
عوضك الله خيراً ان شاء الله
سرقت من 132 السابقة اكثر من مرة عدد وادوات عمل والحل كان فكرة 2 مسمار صلب محمل 19 من عضم الشبطة إلى الستارة الخلفية مع عمل دائرة حماية صوتية
اللهم قنا جميعاً شر السلب والنهب والسرقة والنصب

رد: الحمد لله على كل حال... العربية أتسرقت لثانى مرة
 

رد: الحمد لله على كل حال... العربية أتسرقت لثانى مرة
 

والريجاتا كمان نفس النظام ،،،،، السمكرى بقى بيخلى القفل بتاع الشنطة يقفل على حلقة مش صباع
ولو القفل بايظ غيره وياريت تصور القفل والصباع

اللهم قنا جميعاً شر السلب والنهب والسرقة والنصب

رد: الحمد لله على كل حال... العربية أتسرقت لثانى مرة
 

الباشا مصر يقلب العربية للمرة الثالثة ( و الثالثة ثابتة )
======================
مبدئياً أنا إستعوضت ربنا فى الحاجة اللى أتسرقت بس لما أحط أرانديت على كالون الشنطة و الباشا يفكه و يفتح الشنطة للمرة الثالثة يبقى لازم أعمل حاجة

إستعنت بالله و كنت بأفكر أعمل إنذار بس أدام البرنس مستقصدنى يبقى لازم نتعرف
كده أتأكدت تماماً إنه من المنطقة عندنا, و أكيد مدمن بنسبة 99999% بس الوضع مينفعش حد يسكت عليه... كدة زودها أوى
ربنا يكرمنا و يعيننا و ننصب له فخ و يقع بأمر الله فى شر أعماله
لسه بأفكر أعمل إيه بالضبط بس أكيد مش إنذار, ممكن أكهرب الكالون بتاع الشنطة و لا مينفعش؟
لو حد عنده أفكار ميبخلش علينا

دعواتكم بالله عليكم , محتاج دعائكم ربنا ينصرنى و يقوينى عليه و ينتقم منه

رد: الحمد لله على كل حال... العربية أتسرقت لثانى مرة
 

بص ياباشا ممكن توصل كلاكس على الكبوت والشنطه واول ما حد يحاول يفتحها هيعمل فرح
انا باذن الله هحاول انفذها قريب
ودة فيديو بيشرح طريقة التوصيل

https://www.facebook.com/video.php?v...type=2&theater

رد: الحمد لله على كل حال... العربية أتسرقت لثانى مرة
 

شاكر جداً لردك الطيب
بس اللينك مش شغال... ممكن يكون فيه مشكلة عندى فى الجهاز

عالعموم أنا مش هأعمل كلاكسات و لا إنذار لحد ما أعرف مين إبن ال*** اللى سايب مصر كلها و شغال عليا أنا بس بالشكل ده