|
رد: وحدة مرور السلام بالقاهرة (أسوأ وحدة مرورية في العالم) حيث لا سلام ولا نظام ولا آدمية ولا إحترام
يا جماعة لاحظو ان الحكومة لو عايزة تريح الناس ممكن تحل مشكلة التراخيص مثلا في اربعة وعشرين ساعة
مش هنقول وحدات نموذجية وكلام كبير لا ببساطة كدة تزود الموظفين وتعمل اربع او خمس شبابيك خزن بدل من شباك واحد ودة كلة مش هيكلفهم حاجة ويزودو علي الطلب مبلغ بسيط ندفعة بس هما بيعملو كدة علشان الناس اللي بتمص دمنا هناك من اكراميات وخلافة ربنا يهدي السبيل |
رد: وحدة مرور السلام بالقاهرة (أسوأ وحدة مرورية في العالم) حيث لا سلام ولا نظام ولا آدمية ولا إحترام
حسبي الله ونعم الوكيل
المرور ده بروحه كل شهرين تلاته وكل مره اخلص بعديها باسبوع انا لفيت جميع الوحدات المروريه الي في القاهره والجيزه بس مشفتش زي السلام مهما تجييب في وصايت لازم تدفع يعني لازم تدفع اخر مره شفت راجل معدي السبعيين سنه دخل علي الموظف فقاله في شباك لكبار السن انا فرحت اوي ان الناس بدات تحس بس بعديها بخمس دقايق الراجل رجع وقاله مفيش حد في الشباك الموظف قاله انا مليش دعوه ومش هخلص الورق غير لما تخش لصحب الفرن ..... قصدي رئيس الوحده ويبقي الوضع كما هو عليه واعتقد ان مفيش حل او مفيش فايده علي فكره لو دخلت وحده الكمبيوتر هتلاقي مكتوب عليها كومبيتر والمره الي جايه ممكن اصورها |
رد: وحدة مرور السلام بالقاهرة (أسوأ وحدة مرورية في العالم) حيث لا سلام ولا نظام ولا آدمية ولا إحترام
شكرا ياباش مهندس أحمد على الموضوع ..طب ليه مافكرتش ترسل الموضوع ده بالأميل على موقع بوابة الحكومه المصرية
http://www.egypt.gov.eg/arabic/default.aspx يمكن يحطوه فى الخطة اللى جاية بعد متين سنة ( أنا مش بتاريق بس أنا فعلأمتغاظ ptmnlo123per111) يا باشا صدقنىمفيش حاجة هاتتغير والحل حاجة من الأتنين يا أما حضرتك تغير محل سكنك وتشترى راحت بالك وديه سهلة مش صعبة باى عقد أيجار وهمى على أى شقة بأيجار لمدة سنة فى أى منطقة أخرى بعيدة عن الجحيم ده ..يا أما بقى ندعى ربنا تقوم حرب عالمية زى الحرب اللى نسفت المانيا وتولع لنا فى المرور ده من ساسه لراسه ...يا باشا مأأحنا كلنا واكلين من طبق الفول المدمس مع بعض وعارفين اللى فيها ( أتعب الناس عشان الناس تريحك...ولأأيه........... !!!!!!!!!!!!!!!!!!!!! ) |
رد: وحدة مرور السلام بالقاهرة (أسوأ وحدة مرورية في العالم) حيث لا سلام ولا نظام ولا آدمية ولا إحترام
اقتباس:
ولم يرد أحد رغم أنهم ردوا علي في مشاكل أخرى أرسلتها إليهم لكن يبدو أن هناك أوامر عليا بأن يظل هذا المرور أسوأ مرور كعقاب للمتعاملين معه على أنهم محتفظين بجنسيتهم المصرية الشرق قاهرية |
رد: وحدة مرور السلام بالقاهرة (أسوأ وحدة مرورية في العالم) حيث لا سلام ولا نظام ولا آدمية ولا إحترام
اولا الصور ديه اكيد متاخدة يوم الجمعه ساعة الصلاه يا عم ده لو الصورة ديه فعلا في مرور السلام انا مستعد ارجعله تاني
ده ايام ما كنت بخلص ال 128 اللي يسمحها بقا كان الطابور بيوصل للبوابة بتاعت المرور ثانيا حل المرور ده انه يتهد والناس ترتاح بجد والله اصل حرام اللي بيحصل ده اولا المرور ده شايل تقريبا يجي نص مصر لوحده موظفين معندهمش ريحة الضمير وكله بالفلوس بيخلص رومل الله يحرقه مدير المرور ده لوحده عايز واحد صعيدي يمسك ار بي جي ويفجره بيه بجد انا بعزر اي حد بيتعامل مع المرور ده وشوية الجبابرة اللي جوه دول |
رد: وحدة مرور السلام بالقاهرة (أسوأ وحدة مرورية في العالم) حيث لا سلام ولا نظام ولا آدمية ولا إحترام
مش قلتلكو لازم تغيرو محل السكن احسن و الي ان يتم المراد من رب العباد اقترح ان نفتح باب مخصوص فى المنتدي ليكون بأسم يوميات مواطن مطحون معع هذا المرور الملعون لاني شايف سكان شرق القاهرة و المتعاملين مع مرور السلام فى المنتدي كتير و ربنا يرحمنا
|
رد: وحدة مرور السلام بالقاهرة (أسوأ وحدة مرورية في العالم) حيث لا سلام ولا نظام ولا آدمية ولا إحترام
حسبي الله ونعم الوكيل في مرور السلام
1- موظفين مرتشين بالكامل 2- عدم نظام وهمجيه فوق الوصف 3- عدم احترام ادميه الناس 4- تلفظ الموظفين بالفاظ خارجه 5- تعطيل مصالح الناس واللي مدخلش مرور السلام يبقي امه دعياله |
| الساعة الآن 05:42 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017