رد: عايزه رايكم فيرنا اوتوماتيك؟؟؟؟؟؟؟؟؟؟؟
 

انا متشكره جداا على الترحيب وفعلا عندك حق طبعا النيو اكسنت افضل بس هى كانت اعلى من الرنج اللى كنت محدداه بس ربنا يسهل ان شاء الله
[quote=AHMEDCAR;80678]طعبا مش هاقول حاجه بعد كلام احمد بيك انور

لكن احب انوه ان غبور خلاص مبقاش بنزل الفيرنا الاتوماتيك او حتى الفول اوبشن علشان مش ناوى ينزل من الشكل ده تانى

بالتالى انا مع رائى استاذ حازم خضر بانك تفكرى فى النيو اكسنت اتوماتيك

لو فعلا مش موجوده هاجيب نيو اكسنت ان شاء الله بس ليه مش قولتولى رايكم فى شيفوروليه افيو وهل هى افضل من فيرنا ولا اصلا لا يصح المقارنه
شكرا جداا على الافاده



شكرا على ردك بس هى اعلى فى السعر
هو ده اللى قريته كتيير علشان كده مش عارفه اقرر خاصه انى جديده فى السواقه ربنا يستر ان شاء الله
شكرا على ردك
جزاكم اله خيرا :waving:

رد: عايزه رايكم فيرنا اوتوماتيك؟؟؟؟؟؟؟؟؟؟؟
 

انا معايا فيرنا اوتوماتيك عامله 53 الف لحد دلوقتي و ما شاء الله تمام و مفيش مشاكل و السحب جامد و مريحاني جدا
و بحس انه الشركه مهتميه بالاوتوماتيك اكثر من المانيوال عشان عددها اقل قصدي بحس ان صناعتها اتقن شويه ،معرفش ليه بس ده مجرد احساس

لكن انا معاكي لو عاوزه تشتري فيرنا اوتوماتيك مش حتفرق كتير عن الاوبترا او الافيو ، الفيرنا عربيه كويسه جدا

رد: عايزه رايكم فيرنا اوتوماتيك؟؟؟؟؟؟؟؟؟؟؟
 

انا بامانه معرفش اذا كانت الفيرنا مش هاتنزل تانى ولا لا
بس انا حبيت اقول ان معايه فيرنا اوتوماتيك بقالها سنتين
عربيه ممتازه جداا جداا

رد: عايزه رايكم فيرنا اوتوماتيك؟؟؟؟؟؟؟؟؟؟؟
 

ياه انا متشكره جدااا ليكم طمنتونى شويه ان شاء الله استخير وربنا يرشدنى للافضل باذن الله

بس طبعا لو مش هينزلوها تانى زى لما قال احمدكار هارجع للحيره تانى ربنا يسهل ان شاء الله
جزاكم الله خيرا

رد: عايزه رايكم فيرنا اوتوماتيك؟؟؟؟؟؟؟؟؟؟؟
 

الفيرنا تقارن باللانوس لانهم الاتنين تصميمهم قديم زي بعض
لكن النيو اكسنت تقارن بالافيو لانهم الجيل الاحدث للفيرنا و اللانوس علي التوالي
الفيرنا كسياره لا تمت لشيفروليه بصله لكنها عباره عن امتداد للدايو لانوس بعد ان اشترت جنرال موتورز شركه دايو
و اصبحت تحت اداره شيفروليه و لذلك بالافيو تتمتع بنفس موتور اللانوس و لا يوجد بينهم اختلافات جوهريه عدا الشكل الخارجي.
انما النيو اكسنت سياره جديده قلبا و قالبا
يعني لو قدامي الاربع عربيات دول النيو اكسنت و الافيوو و الفيرنا و اللانوس
حختار النيو اكنت بلا مجال للماقارنه
و لو حرتبهم من حيث الافضليه يبقي حرتبهم زي ما كاتبهم فوق كده بالضبط.
الفتيس الاتوماتيك الكوري ماعدش سئ للدرجه اللي حضرتك متصوراها
هو اينعم ما وصلش للياباني في نعومته لكن برضه مش وحش و معمر
بس مش زي الياباني و الفرق بينهم مش كبير للدرجه.
و لو حتجيبي العربيه زيرو و تغيري زيت الفتيس كل 40 الف كيلو يبقي انسي اي مشكله تحصل للفتيس الاتوماتيك
روح الفتيس الاتوماتيك في الزيت بتاعه و طالما فيه الزيت المطابق للمواصفات انسي الفتيس حتي لو صيني!!!
انما الياباني ممكن لو نسيتي الزيت او ما غيرتهوش يستحمل فتره معقوله بس مش معني كده انه مش حيبوظ
لاء حيبوظ بس بعد الكوري بشويه.
يا رب يكون كلامي مفهوم لاني مش مرتب كلامي خالص:)

رد: عايزه رايكم فيرنا اوتوماتيك؟؟؟؟؟؟؟؟؟؟؟
 

مافيش كلام بعد كلام حازم خضر

و عن تجربه سحب الاتوماتك الكورى ممتاز جدا جدا

رد: عايزه رايكم فيرنا اوتوماتيك؟؟؟؟؟؟؟؟؟؟؟
 

حازم خضر
جزاك الله خيرا بالعكس كلامك مرتب وبجد افدتنى جدااا
خلاص ان شاء الله استخير الله واجيب نيواكسنت ربنا يسهل ان شاء الله
شكرا ليك مره تانيه