رد: الشورت بلوك للسياره النوبيرا
 

عربية حضرتك البوابة كهرباء
يبقى خليك فى المواتير الـ 1500 عشان متغيرش حاجة تانية غير الشورت بلوك فقط
انما لو جبت 1600 بوابة واير هاتضر تغير المنفولد واعتقد ان الكنترول مش هايشتغل كويس عليها
كنت جبتة من حوالى سنتين بـ 2750 من الحرفيين وفك وتركيب 350 جنية
حاول تاخد ميكانيكى معاك ينقى الموتور وتتفق مع التارجر ان لو فى حاجة فى خلال اسبوع الموتور يرجعلة ويتحمل نص ثمن الفك والتركيب

رد: الشورت بلوك للسياره النوبيرا
 

يعنى كده احنا بنتكلم فى شورت بلوك كهربا نفس مقاس الموتور اللى راكب(1500)
طيب انا عندى مشاكل تانية زى عضة وصوت فى الفتيس وهو بياخد الاول والعربية بتبقى ماشية لكن لو واقفة مفيش عضة ولا صوت.
وتانى حاجة الدبرياج عندى بيتقل بعد ما بمشى بالعربية شوية ولو الطريق وقف واضطريت امشى على الاول ورجلى على الدبرياج كتير بيروح ساقط
فالميكانيكى قالى هانغير طقم دبرياج وواحد قالى هانغير الفتيس لان العضة دى ملهاش حل
فاريكم ايه ولو هاجيب الحاجات دى اجبهم استيراد والا جديد
وانا شاكر تعاونكم معايا

رد: الشورت بلوك للسياره النوبيرا
 

بص يا باشا انا كان عندى العضة ديى و خفيتها تماما
اولا حتتأكد من عقربة الفتيس مفيهاش اى بوش زائد عن الطبيعى ( لان طبيعى فى بوش ) و لو فيها بوش فى اى مكان يا يتعالج يا يتغير الجزء المسبب للبوش
و بعدين حتظبط الرجلاش
و بعدين حتغير الزيت بالزيت دا
venol 75w-90 gl-4 semi synthetic ( نصف تخليقى او شبه تخليقى )
من توكيل لكوى مولى الزيت ألمانى الصنع و تقريبا العلبة اللتر كانت بحاجة و تمانين جنيه
بس عن تجربة موضوع العضة دا عندى بالرغم انى كنت ظبطت البوش و الرجلاش 100% بس برضه الصبح فى السقعة كانت بتعض لما غيرته فورا بمعنى كلمة فورا العضة راحت
و الصوت اللى فى الفتيس و هى بتاخد الأول طبيعى و هى فابريكا حتى كدا بس الصوت دا كمان قل جدا لما غيرت للزيت دا ( مرحش نهائى يعنى )
ملحوظة : ديى اقرب صورة لعبوة الزيت لان الصورة gl-5 و مش شبه تخليقى
http://rebelmg.com/wp-content/uploads/2014/05/10_b.jpg

رد: الشورت بلوك للسياره النوبيرا
 

الحمد لله غيرت الشورت بلوك واللى حصل انه غيرلى كمان الرشاشات والمارش والكباس من الموتور الجديد .. المهم حاسبنى على الشغل ده 2800 للماتور و600جنية مصتعية وغيرلى طقم الدبرياج لانى كنت يشتكى من ان دواسة الدبرياج بتتقل وتنزل لتحت مع الزحمة ومع كتر الضغط عليها والمشكلة دلوقتى انها لسه زى ما هى فقالى انه عايز ديسك واسطوانة اصلى لان الجديد اللى انا ركبته من نوع فاليو وده مش حلو ....المهم روحت لميكانيكى تانى قالى ان المشكله فى انى اعمل طقم اصلاح للماستر الامامى والخلفى ولو العيب لسه موجود اغير (الفورش) وهو دراع بينقل الحركة للماستر وده هايحتاج انى اسقط الفتيس... فبصراحة مش عارف اجيب ديسك واسطوانة جداد والا اعمل طقم اصلاح .... وجزاكم الله خيرا

رد: الشورت بلوك للسياره النوبيرا
 

يعنى ايه من المشاكل الاساسية لسه موجود ولا كل حاجة زى ما هى ؟؟؟
عموماً استهلاك البنزين فى النوبيرا مش حلو خلقة وبالكتير بتغير رشاشات مش كل اللى حضرتك عملتة ده
وبالنسبة لصعوبة النقل على الاولانى مش كارثة فى فتيس مانيوال بصراحة مش لاقى العيب الاساسى اللى يخليك تصرف كل المبلغ ده

رد: الشورت بلوك للسياره النوبيرا
 

انا الموتور عندى كان فيه مشكلة وانا كاتب من اول الموضوع لو حضراك خدت بالك انى عندى مشكلة اساسا فى الموتور بجانب مشكلة الفتيس ودواسة الدبرياج ... الموتور الحمد لله خلص بس الدبرياج لسه ... فانا مش عارف اعمل ايه اغير ديسك واسطوانة تانى والا اعمل طقم اصلاح للماستر

رد: الشورت بلوك للسياره النوبيرا
 

انا خدت بالى من اول مشاركة علشان كدة سالتك ايه من المشاكل الاساسية (استهلاك البنزين - وصوت الفتيس مع الغيار الاول ) لسه موجود
لكن لو كل ده تمام والمشكلة دلوقتى بس فى هبوط الدواسة مع الاستخدام فاحتمال الماستر وارد صحيح