رد: ازاى اعمل امريكانى بالعربيه؟؟
 

العربية فيها ESP يعنى مش هينفع تلعب
لازم تلغى الESP وده ممكن لو فى حالة طارءة تضيع الدنيا
نصيحة بلاش الكلام ده تضييع فلوس ووقت وبهدلة للعربية وقلة قيمة لمؤاخزة لو اتسبب الموضوع ده فى اى أذى للعربية

نادى السيارات بيعلموا القيادة الرياضية بس بقى محتاج فلوس كتير

رد: ازاى اعمل امريكانى بالعربيه؟؟
 

تسلم يا باشا , فعلا بلاش , انا طريقي فيه طلعه محترمه بعد مطب , كنت للاسف متعلم الطلعه الامريكاني العنيفه من بعد المطب بالدبابه بتاعه اخويا و كنت للاسف بافرك بيها اخليها تاكل في الارض و هي طالعه المطلع و علي الغيار التاني كمان و للاسف طرقنا عليها رمله , و اهي عايزه طقم كاوتش بالشيء الفلاني و الدنيا اصلا مزنقه و ماسكه ...
نصيحه بلاش , و مفيش احسن من السواقه الناعمه و الهاديه ...

رد: ازاى اعمل امريكانى بالعربيه؟؟
 

رد: ازاى اعمل امريكانى بالعربيه؟؟
 

شكرا على اللينكات اللى حضرتك منزلها مفيده جدا. انا بصراحه مكنتش اعرف الفرق بين ABS و ESP و الجديد بقى CBC ده جديد خالص عليا. معلش الجهل نور.
طيب علشانESP يبقى Functioning لازم الspeed sensors 4 سينسورز بتاعه الكاوتش تكون شغاله. السؤال بقى هل ده نفس السينسور اللى على الكاوتش و اللى بيقيس ضغط الهوا. بمعنى تانى هل كل كاوتش عليه سنسور خاص بيه بيتحكم فى الحاجات كلها و لا كل وظيفه ليها سنسور لوحده. لأنى عندى سنسور فاصل بتاع الكاوتش الخلفى يمين. هل معنى كده ان ESP حيتأثر ؟؟ و خصوصا انه لمبه ESP دايما تنور لما باخد ملف على مطلع و بعدين يطفى تانى. و هل لو فيه عطل فى الحساسات اللى بتتحكم فى ESP حيظهر تحذير فى التابلوه و لا مش حيبان الا لما اعمل سكان على الحساسات. العربيه شيروكى 2008 و اسفه على اسئلتى الكتير.

رد: ازاى اعمل امريكانى بالعربيه؟؟
 

هو فعلاً موضوع الأمريكانى و الفرك و التخميس و الكلام اللى بيجيب أجل أجدعها عربية ده مش حلو
و النصايح دايماً بتقول بلاش منه خالص
بس فيه مواقف بتضطر الواحد لو بيعرف يخلى العربية ترفّس هيخليها, زى موقف أتعرضت له من حوالى سنتين, و 2 شمامين طبيت عليهم و هما بيفكو كالون الشنطة علشان يسرقو الإستبن, و نطيت فى العربية و طرت و طلعو يجروا ورايا, سبحان من نجانا منهم. ساعتها لو كنت أطول أخبط واحد أجيب أجله, و لا هأحس بأى تأنيب ضمير, بالعكس هأحس إنى ساهمت فى أمن الناس كلها من الأشكال الضالة دى.

ربنا يحفظنا و يسلم طريقنا جميعاً

رد: ازاى اعمل امريكانى بالعربيه؟؟
 

رد: ازاى اعمل امريكانى بالعربيه؟؟
 

ممكن تتعلمى الاسبيد شيفت - الزحف فى الرملة - الدراج لكن الحركات التانية دية بلاش منها