|
رد: نصيحة عاجلة أجيب زيرو ولا مستعمل فى الحدود دى
شكرا لكم جميعا
بخصوص الإختيار أنا عايز اجيب حاجة موديلها قريب بحيث تكون جديدة نوعا ما يعنى من موديلات 2000 لأن التسعينات والثمانينات قدام جدا وطبعا هتكون الحالة مش قوى لأن بقالها سنين شغالة أنا عايز حاجة إستخادم عائلى يعنى حجم كويس وشنطة عشان الطلبات والجو دة وكمان تكون للمشاوير الداخلية وسفر كل فترة مش دايما يعنى فهل ترشحولى أية عربيات موديل 2000 فما فوق وحالة كويسة وباقى التفاصيل اللى حضراتكم تعرفوها طبعا يعنى مثلا معروض عليا كيا برايد موديل 2002 أوتوماتيك على 35؟ كويس السعر دة؟وهل أجبها مانيوال ولا أوتوماتيك أفضل؟ولو بقيت أوتوماتيك هتكون فى حدود كام؟ وياريت لو فى التفاصيل دى فى حاجات أفضل ترشحهولى بترتيب اولوية لو مش هضايقكم |
رد: نصيحة عاجلة أجيب زيرو ولا مستعمل فى الحدود دى
أنا حسدتكم ولا أية يا جماعة
|
رد: نصيحة عاجلة أجيب زيرو ولا مستعمل فى الحدود دى
؟؟؟؟؟؟؟؟؟؟
|
رد: نصيحة عاجلة أجيب زيرو ولا مستعمل فى الحدود دى
يا جماعة أنا عارف تاعبكم معايا بس ما باليد حيلة
عموما عشان أريحكم أنا بعد رحلة بحث طويلة لقيت أن مبلغ 30 ألف دول ما يجيبوش حاجة حالتها كويسة وشكلها حلو غير الأنواع دى كيا برايد سيدان كيا برايد العصفورة سكودا فيليشيا سكودا فيفورت فورد إسكورت رينو رينبو سوزوكى ماروتى من فضلكم تحليل لكل واحدة فيهم وتقييم للأفضل فيهم بالترتيب مع توضيح الرأى من خلال أفضل سنة لكل نوع وكمان تكاليف الصيانة وتوافر قطع الغيار والبنزين وسهولة التصليح عشان بتوكل على الله رجاء خاص يكون الرأى مفصل لأنى تايه جدا جدا جدا ومحتاج أبقى عارف أكبر قدر ممكن من التفاصيل عن كل نوع عشان مافيش حد معايا هيساعدنى فى الإختيار وعندة خبرة يعتمد عليها وفى من فضلكم نقطة نفسى أفهمها العربيات اللى بتكون موديلات التسعينات دى الواحد إزاى يثق فيها دى بقالها 14 سنة يعنى أكيد متبهدلة جدا خصوصا أن فى ناس بتقول دايما الواحد يكون حريص تكون العربية تكون بين 2000 و 2005 عشان تضمن الحالة شوية..هل دة صح ولا لأ عشان النقطة دى قلقانى وكمان مش لاقى حاجة فى السنين دى بالسعر دة |
رد: نصيحة عاجلة أجيب زيرو ولا مستعمل فى الحدود دى
???????????????
|
رد: نصيحة عاجلة أجيب زيرو ولا مستعمل فى الحدود دى
مافيش حد يفيدنا ولا أية؟
|
رد: نصيحة عاجلة أجيب زيرو ولا مستعمل فى الحدود دى
عموما أنا بإذن الله أستقريت على فليشيا كومبى أو فليشيا عادى أو برايد سيدان بالترتيب كدة
بس تنصحونى بقى أجيب من سوق السيارات ولا من معرض؟ لأن سوق السيارات عرفت أن فية نصب كتييييييييييييير وكمان عايز أعرف لما الواحد يجى يشترى ولقيت العربية كويسة مبدأيا حسب المقاييس العادية شكلها وحالتها العام والموديل وماتزيدش عن 100 ألف كيلو,,,أخدها بنزينة تترفع ويفحصوها ولا أخد معايا سمكرى وميكانيكى ولا أفحصها إزاى؟ ولو لقيت نتيجة الفحص تمام أخدها فى لحظتها وأخلص وأعلق مبلغ للتسجيل فى الشهر العقارى وشهادة البيانات ولا لا؟ لأن فى ناس قالولى بعد ما تترفع وتتفحص ماتسلمهاش للبائع لأنة ممكن يغير فيها حاجة وبعد كدة يقولك ما أنت فحصتها وكمان أنا خايف من موضوع تكون العربية ورقها مضروب أو مسروقة واللى قدامى دة مزور ورقها ولا حاجة هل بقى فى حاجة أو طريقة أو إجراءات أعرف بيها العربية دى مسروقة ولا لأ وأن اللى قدامى دة فعلا صاحبها يعنى مش بالورق وخلاص؟ |
| الساعة الآن 02:48 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017