رد: مساعدة فى شد سيارة لادا 2017
 

مع العلم السيارة ٢١٠٧ موديل ٩٥

رد: مساعدة فى شد سيارة لادا 2017
 

طيب مبدئياً مش العربية ماشية و لا مركونه, و إيه اللى ناقص فى المكنه؟ (كربراتير و اسبراتير و موبينه و مارش و كده ....) و لا حاجه تانية؟
عاوز أقولك حاجه: سيبك من الميكانيكى ده, مفيش حاجه إسمها نغير موتور اللادا علشان أتعمر قبل كده, الإخوة سواقين التاكسى بيعملوا عمرة كل سنه (أو أقل) و المكنه بتتفتح مليون مرة و يخرط و يضبط و يقفل و يشغل تانى و ....

تانى حاجه, و دى مش أى حد عارفها, كل مكنه فى اللادا (1200-1300-1500-1600) ليها كارونه مخصصة (ليها أرقام), و لو بدلت مكنه أعلى على كرونه أبطأ معناها إنك هتحرق الكارونه و الفتيس قريب.

الفتيس الـ4 غيار زى الـ 5 غيار بالضبط فى السرعات الأولى, الفرق أن الـ 5 غيار بيريح المكنه عالطوالى (فى السرعات العالية).

بالنسبة للتابلوة, بيتلزق و يتشد عليه جلد جديد غير المشقق اللى فيه و ده محتاج سروجى محترم زى مقولتلك, و الهوايات فى التوفيقية (جديد و مستعمل) مش حوار يعنى.
لو العدادات مش شغاله, أى واحد بتاع عدادات كويس يعملهم.

برضو نصيحتى: إتصل بمحمد طلبه و إسأله و شوف هيقولك إيه, مش هتخسر غير ثمن المكالمة بس هتفهم الدنيا عاملة إزاى بدل متفتح منك.
و ربنا يعينك

رد: مساعدة فى شد سيارة لادا 2017
 

...ّ.................
الف الف شكر على الرد والمتابعة
العربية جايبها على كساحة مش ماشية الفكرة بس فى تكلفة التعمير و الحاجة الى ناقصة من الموتور هيبقى فرق بسيط مابينة وبين موتور استيراد وعموما هكلم م.محمد طلبة

رد: مساعدة فى شد سيارة لادا 2017
 

كده ممكن موتور إستيراد بفتيسه
بس تتأكد من أرقام الكرونه علشان تشوف مكنتها الأصلية أيه و تجيب زيها.
مش هأوصيك مواتير اللادا مش أى حد بيفهم فيها, الموتور بيتباع على إنه 1600 و يطلع 1200 و العربية تقف مكانها و محدش يبقى عارف السبب, عليه أرقام معينه لازم يكون واحد فاهمها قبل الشراء علشان يعرف السعه اللتريه ليه و هو لسه عند التاجر.
و فيه مكن بيوفقولوه حاجات من بره و يتباع على بعضه بس مش أستيراد, بيكون طالع عين أهله و متعمر مليون مرة.
أعانك الله

رد: مساعدة فى شد سيارة لادا 2017
 

شكرا للنصيحة والاهتمام :CONGRA~238:
انا كلمت م.محمد طلبة والراجل طلع فى قمة الاحترام ودلنى على الصح