رد: افضل واسواء بنك فى مصر
 

اللى يميز بنك عن بنك يا د/محمد هو فى الأول المعاملة والجشع وديه أول حاجة بنك سيتى مفتقدها -وديه حاجة حتى تلأحظها جدا من أول لحظة لما بيردواعليك بالتليفون فى خدمة العملأء وكمان الملل فى الأ نتظار على الويتنج على الخط المميز بتاعهم واللى مفيش غيره وطبعا العداد بيعد عليك ولو الرصيد خلص أو الخط فصل فلأزم ترجع تعيده من تانى عشان مفيش حد هايكلمك ...
الوقوف بجانب العميل ومساندته فى حل مشاكله وديه أنا لمستها بشدة فى البنك العربى الأفريقى ولو أتاخرت عن الموعد المحدد للسدادفى القسط فلك فترة سماح أسبوع أخر وبعدين يبدا توقيع غرامة التاخير وهى حوالى 25 جنيه -أما ولأد الحررررررررررر....التانين دول فلو معاك أى مشكلة وطلبت منهم يساعدوك ولأ هايسالوا فيك ومايعرفوش غير كلمة واحد وهى البنك ماينفعش يوقف القسط وعليك التوجه لشركة التأمين بعكس البنوك التانية خالص .جرب كده تتاخر عليهم يوم فى القسط هايفرحوا وعالطول هايوقعوا عليك غرامة تاخير 100 جنيه .
نصابين وحرامية...
كتير كنت بدفع القسط واقسم بالله بيلخبطوا فى الحساب ودى طبعا حاجة غريبة ويقولك القسط مادفعش..بس لما بتثبت لهم اليوم اللى تم فيه الدفع فيرجع ويقولك معلش يا فندم أحنا اسفين ..أحذروا هذا البنك ودى نصيحة لوجه الله ..والسلأم ختام

رد: افضل واسواء بنك فى مصر
 

انا مش هدافع عن اى بنك ومش هقول دة بنك كويس ودة بنك وحش انما هوضح نقطة تانية خالص علشات تعرفوا تقيموا وتقول رايكم كويس فى اى بنك
حد يعرف لية سيتى بنك بعمل كل الشاكل دة حد يعرف ستى بنك عندة كام ميل سيتى بنك من اول البنوك ال اشتغلت فى نظام التقسيط للسيارت والقروض وكان فاتح العملية على البحرى اى حد ياخد عربية اى حد ياخد فيزا اى حد ياخد قرض ودة من سنين كان سعتها اى نك يقبل ناس بسيطة جدة سيتى مكانش ملاحق حجم عملائة كبير وال نصب علية اكبر
علشان كدة هو الان بيحاول يلم فلوسة من السوق
فى الوقت دة بنوك تانية ظهرت ومع حدوث ازمة البنوك فى العالم كلة حصل هزمة مع الجميع
بكرة البنوك ترجع تشتغل تانى
على فكرة بنوك كثيرة بتغلط زى سيتى ونفس النظام بتاع ستى هو نفس النظام فى اغلب البنوك بص كلة بطريقة مختلف

ودنك منين يا جحا

رد: افضل واسواء بنك فى مصر
 

و الله اللى انا متأكده منو منقدرش نعمم و نقول و نجتمع على راى سلبى او ايجابى تجاه بنك معين و نقول انو اسوأ او احسن بنك, ممكن الواحد يكون حصل معاه موقف خلال المعاملة مع الموظف او فيه تعثر هو شافو تعنت او يكون فيه حالات انا بعتبرها فرديه و نقول عشان كده ده اسوأ بنك فى مصر, بس فيه معايير تقييميه الواحد المفروض يتبعها, خاصة بالفايدة, فى التسهيلات, فى الضمانات, فى المدة المستغرقة لانهاءك المعاملة.
و لكن شخصياً انا مرتاحة مع بنك ناصر الاجتماعى, اقل سعر فايدة,6,5% و بأقل الضمانات اللى انا شفتها فى التعاملات مع البنوك التانية, مقارنة بفوايد البنوك الثانية, لا يقارن مؤكد بالعكس انت لو حطيت ضمانك وديعه بيبقى ليك من 8% الى 10% فوايد سنوية " اكيد عشان مرابحة اسلاميه مش مراباه" بكده انت اخدت العربية كمان اقل من تمنها بفارق لا يقل عن 2%, بس خلاص ده راى

رد: افضل واسواء بنك فى مصر
 

السلام عليكم ورحمة الله وبركاته

انا شخصيا افضل البنوك الاسلامية عشان ربنا يبارك في العربية لانها بتتعامل بالمرابحات الاسلامية مش بالقروض وفي انظمة تمويل السيارة البنك بيشتري العربية اللي انت بتطلبها لنفسة وبعدين يبيعهالك بسعر اغلي مقابل التقسيط بعيدا عن اعطاؤك اي قروض ربوية

لكن للاسف مفيش في مصر بنوك اسلامية غير بنك فيصل وهو مزدحم غالبا ويعاني من تكدس الاموال لديه (نسبة الربح في الودائع اول مافتح كانت 10% متغير انهاردة وصلت ل سته وسبعة في الميه )او فروع المعاملات الاسلامية للبنوك الربويه اللي العلماء شككوا في راس مالها.

لكن لو بصينا بنظرة غير اسلامية طبعا البنك الاهلي كاكبر بنك واكثرهم خبرة

رد: افضل واسواء بنك فى مصر
 

احذروا هذا البنك..........
بنك مص******* مش حكمل اسمه انتوا عارفينه
هذا البنك هو أسوأ بنك في مصر بالنسبة لجميع المعاملات البنكية

ولو مش مصدقين.... إسألوا الشباب وأكرر الشباب الجداد اللي اتعينوافيه خلال السنتين تلاتة اللي فاتوا !!

فلو كان الحال هكذا بالنسبة للي بيشتغلوا فيه... فماذا يكون حال العملاء !!!


أفضل البنوك هما
HSBC
BNP
CIB
NSGB

رد: افضل واسواء بنك فى مصر
 

أكيد اى واحد فينا منتبه كويس جدا بخصوص قرض السيارة ده مرابحة اسلامية او قرض ربا, و لكن بخصوص ان مفيش فى مصر بنك اسلامى غير فيصل, ممكن نقول عودة, و لكن فيه فروع اسلامية ملحقة بالبنوك التانية, و غير كده اللى يهمنا الحزئية اللى انت قولتها امتى نقول على القرض حلال
لما البنك يتملك السيارة الاول و بعد هيك يبيعهالك و ده مفهوش شىء بالعكس ده يجوز, لكن اللى ميجزش ان البيع ما لا يملك, او باعطاءك شيك " القرض" من خلالو انت بتشترى السيارة, و بردو ارجع و اقول مش لازم يكون بنك اسلامى عشان يبقى المعاملة فيه حلال, ممكن يكون بنك مش اسلامى و تكون العاملة حلال, امثلة
بنك ناصر " بيتملك السيارة و يبيعهالك " بينزل قيمة نص بالمية من تمنها من التاجر و طبعا بتبقى عليك انت"
و الله اعلم, انا قولت اللى عارفاه

رد: افضل واسواء بنك فى مصر
 

والله يا جماعة انا رايى الشخصى ان cib من البنوك المحترمة حيث انى عميل لديه,ايضا لى من الاصدقاء الذين يشيدون باداء hsbc.