|
رد: نداء للاخوه الاعضاء لحل مشكلتى باسرع وقت
العربية دى كده لازم حد يشربها, يا هما يا أنت يا حد تانى
و هما مستحيل يشربو ثمنها أعمل محضر و أثبت حقك و ميكروباص فيه 3 عرباويه بالسلاح يدخلو معاك المعرض و تأخد فلوسك و أنت واقف فى دقيقتين هيا طريقة غلط بس أفضل و أسرع طريقة هتجيبلك حقك كاملاً و أنت مأمن نفسك بالمحضر و الحكومه للأسف ملهاش عيش مع العربان, لا تقولى بلطجية و لا مسجلين خطر دى عالم ملهاش بطايق و كلامهم مصحف و سلاح و بينهم كلمة راجل |
رد: نداء للاخوه الاعضاء لحل مشكلتى باسرع وقت
انا لو مكانك ادفع فلوس المارش للمعرض و استلم العربية استمتع بيها و صدقنى التوكيل و لا حيعرف حاجة عن المارش و الضمان معاك زيى الفل
|
رد: نداء للاخوه الاعضاء لحل مشكلتى باسرع وقت
السلام عليكم
من واقع كل الكلام السابق انت امامك حلين الاول . انك تستلم العربية بعد ما تشوفها كويس وتطمن ان المشكلة اتحلت بس (وماعتقدش ان المشكلة هتتحل وممكن تكون فية مشكلة تانية هتظهر بالعربية بس بعدين )بس مش تدفع فلوس // او تدفع فلوس وتكبر دماغك وعوضك على الله بس برضو ممكن تكون العربية دى المعرض ادبس فيهاوالمعرض عاوز يلبسها لك ومش ممكن هيرضى يرجعها تانى والحل التانى .انك تتمسك بحقك وما ضاع حق وراءة مطالب وامش فى كل الاتجاهات من محضر واتنين وجهاز حماية المستهلك ومقابلة مديرهم ولو بالعافية لتحريك الموضوع ولو مش عاوزين يتحركو اعملهم محضر واطلع على رئاسة الوزراء ( بص انا اسف على اللفظ اعملهم مجنون )بلغ جريدة الجمهورية بلغ رئاسة الجمهورية روح التليفزيون برنامج احمد موسى روح وزارة الصناعة ووزارة التجارة كل من لة صلة بتجارة واستيراد السيارات وسيبك من انك تاخد بلطجية وسلاح الكلام دة هيضرك مش هينفعك ابدا اسمع كلامى اليومين دول لا ينفع الكلام دة وان شاء اللة لو مشيت فى الموضوع التانى ماتنساش تعملهم محضر انك سلمتهم العربية تانى يوم ما استلمتها والموضوع هياخد وقت شوية بس ممكن بنسبة كبيرة هترجع فلوسك او هيسلموك عربية تانية بعد ما تتدخل حماية المستهلك والمحاضر تروح للنيابة وتبقى شوشرة للمعرض وتهددهم بغلق المعرض وتطلب بكدة فى المحاضر اللى هتعملها ان المعرض بينصب على الناس دة الواحد لو بيشترى بسكلتة مش هيحصلها حاجة الا بعد 3سنين مش عربية زيرو تعطل تانى يوم دة كلام فارغ ربنا معاك وشوف هتتصرف ازاى بس اطمن حقك هيرجع هيرجع تحياتى |
رد: نداء للاخوه الاعضاء لحل مشكلتى باسرع وقت
السلام عليكم الأخ الفاضل :بموجب الأوراق التى معك وليكن ايصال استلام السيارة تذهب حضرتك للنيابة التابع لها المعرض وتقدم شكوى تشرح فيها ملابسات الواقعة وتقدم مالديك من مستندات تفيد بأنك قمت باالشراء من هذا المعرض السيارة موضوع الشكوى وبأنك تعرضت لجريمة نصب من قٌبل هذا المعرض ثم تطلب صورة طبق الأصل من الشكوى المقدمة للنيابة وتتقدم بها مباشرتاً لجهاز حماية المستهلك وتشفعها بماسوف تقدمه من شكوى هناك (برجاء ماهى المستندات التى تفيد صلتك باالسيارة الأن) ولاتترك الموضع يذهب فى مهب الريح حسب اهواء صاحب المعرض يجب ان يعرف بأنك لن تترك حقك وبأنك ايضاً سوف تفضحه كلما كان هناك فرضة لذلك حتى يعلم القاصى والدانى من هو هذا المعرض وكيف يتعامل مه زبائنه --وبعدين واضح إن حضرتك محام يعنى هما هيبقوا شغلنتك وتفضلهم وعموماً كلنا هنا تحت امرك
|
رد: نداء للاخوه الاعضاء لحل مشكلتى باسرع وقت
من أجل ذلك انبه كل الأخوة بأنهم عند شراء سيارة زيرو من اى معرض يجب ان يستعلم لدى الوكيل عما إذا كان المعرض الذى يبيع هذه السيارة معتمد لدى وكيل الماركة المسجلة للسيارة من عدمه
|
رد: نداء للاخوه الاعضاء لحل مشكلتى باسرع وقت
يا جماعه انا مش عارف اشكركم ازاى ربنا يبارك فيكم ويبعد عنكم الشر وبجد كلامكم شجعنى ان استمر فى طريقى واشتكى الناس وافضاحهم لانى كنت وصلت لمرحله يائس من كلمه ( يا عم كبر دماغك واستلم العربيه )
بجد شكرا ليكم جميعا |
رد: نداء للاخوه الاعضاء لحل مشكلتى باسرع وقت
اقتباس:
ايصال الونش اللى سحب العربيه انا بكره رايح نيابه مدينه نصر اقدم الشكوى وبعدها هطلع على جهاز حماية المستهلك لاستعلم عن الشكوى واحاول احركها ويوم الاثنبن هاروح المحكمه الاقتصاديه اقدم شكوى للنيابه وربنا يكرم ان شاء الله |
| الساعة الآن 06:14 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017