رد: دخنه سمرة خفيفه اكسنت 1300 مدويل 2005
 

لا طبعا ما تغيرش بوجيهات لانك لو جبت طقم جديد هايهبب زى اللى راكب
لازم نتغلب على العيب الاول

رد: دخنه سمرة خفيفه اكسنت 1300 مدويل 2005
 

@mr_astra معلشى ممكن سؤال كمان اشمعنى بتحصل الحركه دى والعربيه بارده بس ولما ادوس بنزين جامد والعربيه واقفه
والمفروض النسبه بتاع الهوا للبنزين تبقى حوالى كام ل كام فى كل الاوضاع بارده سلانسيه او سخنه سلانسيه او متحرك ؟
وسؤال كمان وظيفه الفايكوم ده ايه وهل هو مسمار ولا خراطيم ولا ايه بظبط ؟ وعلاقته بتكييف بس ولا حاجه كمان ؟


علشان انا ملاحظ صوت العربيه بيعلى اوى وجدا اول ما بشغل التكيف وده حصل بعد ما الميكانيكى قالى لروح للكهربائى خليه يبص على الفايكوم علشان العربيه مش بتعلى مع التكيف

رد: دخنه سمرة خفيفه اكسنت 1300 مدويل 2005
 

اسمحولى أتدخل...
الموضوع كله كربراتير
و إللى هيأكد الكلام ده ريحة البنزين لم تقرص عالإكسراتير مع الدخنه السوده
و الهباب على (سن) البوجية, السن من الجسم الخارجى
اللى فى الصورة ده ممكن سخونه زيادة Overheat أو نوعية بوجيهات مغشوشة فالخذف بتاعها مش مستحمل. المهم هو سن البوجية,’ المفروض يكون لونه بيج (بنى فاتح), لو بنى غامق إلى أسود (مهبب) يبقى بنزين زياده على طول.

الكربراتير ضبطه مش سهل, و مش أى حد بيفهم فيه, و معظم إللى بيصلحوه مش بيعرفوا يضبطوه
ممكن عندك أكس و باب أو فونيات (بيكات) محتاجه تغيير, الكلام ده إللى يحدده واحد متخصص
معلش هتتعب شوية بس ربنا يرضيك و تتحل المشكله
إتأكد من ضبط الكهربا بحيث لا تكون مقدمة و لا مأخرة
و تكشف عالبوجيهات , لو سن البوجية مهبب (لونه مش بيج)
تتوكل على الله و توصل دار السلام عند معتز المصرى, هيجيب لك من الآخر, و شغال فى الكربراتير تمام, كان زميلنا الأستاذ سيد عمل له كذا تقرير و أنا بنفسى جربته بعد مجربت 2 من شبرا مشهورين و طلع شغلهم زفت و نصابين.
العربية و هيا بارده بتستهلك بنزين أعلى, ده الطبيعى, لإن المكنه لسه موصلتش لحرارة التشغيل الطبيعية بتاعتها
و فى بعض العربيات فى شفاط أتوماتيك بيسحب بنزين زيادة فى بداية التدوير و هيا العربية بارده

أعانك الله

رد: دخنه سمرة خفيفه اكسنت 1300 مدويل 2005
 

رد: دخنه سمرة خفيفه اكسنت 1300 مدويل 2005
 

@zing0 طب الورشه دى لازم اروح والعربيه بارده ولا والعربيه سخنه وهما عندهم اجهزة قياس العادم والحاجات دى ..
وحاجه تانيه صديق ليا بيقول احتمال يكون المشكله فى البوابه اللى جوة الكربراتير قالى بص عليها الصبح شوف وضعها ازاى انا صورتهاوهى بارده جايز تفيد .

سؤال كمان تنصحنى اغير البوجيهات الاول ولا اروح لبتاع الكربراتير ده الاول بس عارفنى لازم اروح كده والعربيه بارده "اسبها فى بايته عنده ياعنى" ولا مش فارقه

رد: دخنه سمرة خفيفه اكسنت 1300 مدويل 2005
 

آسف على تأخر الرد
لازم العربية تكون بارده طبعاً, بس مش لازم تبات طبعاً
لو حضرتك فاضى يوم الجمعة مثلاً, إطلع بيها قبل صلاة الجمعة (علشان دار السلام زحمة و ده توقيت هتلاقى الشارع شبه فاضى) و إركنها أمام المحل و روح صلى الجمعة (الجامع بعده بمحلين) و إطلع هتلاقى العربية بارده ان شاء الله
أى عربية بتاخد من 3-4 ساعات و تلاقى المكنه مثلجه برة و جوه, هو محتاج المنافول بس يكون بارد علشان يفك منه الكربراتير و ده ساعتين بالكتير و هتلاقية بارد خاصة لو فاتح الكبوت
و هو مش هيفك الكربراتير لو لسه المكنه سخنه متخافش
هينضفلك البوجيهات على فرشة سلك ناعمة على موتوركهربا عنده, و هيضبطلك كهرباء الإسبراتير لحد ما الشاكمان يطلع رذاذ مياه (لو المكنه مش خفيفه) و يشوف الكربراتير محتاج أيه و يعمله و يغسله غسله تمام.
هيضبطلك الحوار كله إن شاء الله

لو عاوز مركز فيه أجهزة تحليل العادم يبقى مركز الصفا إللى فى جسر السويس, بس غالى جداً, لو فك مسمار يقولك 10 جنية و 5 جنية ضريبة و 5 جنية خدمه, بس شغلهم ناس كتير شكرت فيه

أعانك الله

رد: دخنه سمرة خفيفه اكسنت 1300 مدويل 2005
 

اشكر كل الاعضاء المحترمين . للاسف لضيق الوقت معرفتش اروح عند حد من بتوع الكربراتير اللى اعضاء الصفحه بتشكر فيهم
المهم سالت على حد يكون قريب منى فى الهرم قالو فى ورشه اسمها كربراتير شبرا فى المطبعه تبع الاسطى جمال وحسن
المهم روحتلهم وحكيت المشكله كلها . قالو سيب العربيه بايته وندور سوا لازم نشوف فى ايه الصبح . سبت العربيه فعلا بليل يوم التلات قدام الورشه وروحتلو يوم الاربع الساعه 6 مساء بعد الشغل
ودور العربيه وشاف الدخنه وبعدها فتح غطا الكربراتير لقى البوابه اللى جوه قافله "اللى لونها دهبى الصورة فوق" عرض عاليا ان يسيبه مفتوح على طول بس انا معرفش ايه الاضرار من انا الشفاط يبقى مفتوح على طول و قولتول خلينا زى مالخواجه شغال بص كده لقى سوسته معلقه جنب الكربراتير ظبها بمفك وبعدها عالطول الدخنه راحت الحمد الله
وجربت النهارده الصبح الحمد الله مافيش دخنه
بس عندى استفسار على حاجتين :
الاول لو كان ساب البوابه ده مفتوحه هو بيقول السخان او الشفاط "البوبه الدهبى اللى فى صورة الكربراتير" ايه اللى يحصل ؟

تانى حاجه عندى نسبه شك بسيطه انا بتاكل بنزين وملاحظ ان لما ادى العربيه غيار الاول او تانى واشيل رجلى من على البنزين العربيه بتمشى لوحدها على الهادى ده بردو معناه ايه ؟