|
رد: شرخ فى الرفرف اليمين لل 128بالصور
للاسف
اعتقد ان الشرخ دة شاسية مفتوح لان فى الـ 128 لما الشاسية بيفتح بيعمل شروخات فى الرفرف مش هاتخسر حاجة قيس بالمتر من مسمار المساعد الى مسمار المساعد التانى وشد المتر للاخر وقلنا المقاس كام؟ومن هانعرف حالة الشاسية |
رد: شرخ فى الرفرف اليمين لل 128بالصور
اقتباس:
جزاك الله خيرا على الإهتمام وبأذن الله لو إستطعت اقيش مابين المسمارين غدا سافعل وانقل لكم المقاس |
رد: شرخ فى الرفرف اليمين لل 128بالصور
اقتباس:
انا متابع اعرف اكتر عن موضوع الشاسيه الى بيفتح ده |
رد: شرخ فى الرفرف اليمين لل 128بالصور
اقتباس:
ولقد قرات مشكلة اخونا الكريم مؤمن من اول ما حط الموضوع .....لكن للاسف الاستاذ مؤمن بيزعل لما بقولة العربية فيها مشكلة كان من فترة لة مشاركة بيشكو من عيب معين فى العربية .... وبحسن نية منى قلتلة ان معظم الـ 128 كدة تملى بتمر بمشاكل وانا والله كنت حسن النية ومقصدش اى حاجة لكن حسيت انة زعل منى وانا والله اتمنى انى اكون غلطان فى تشخيصى للمشكلة لكن قلت ادخل اقول راى ورزقى على الله اقتباس:
وتملى تلاقى شرخ فى اعلى الرفرف وشرخ اسفل برابريز الامامى وشروخات كتير عند مكان تثبيت المقص فى الشاسية مفروض المقاس الطبيعى بين مسمارين المساعدين 99.5 سم اكبر من كدة يبقى الشاسية دة مفتوح من فوق وبالتالى بيدى مقاس اكبر واقل من كدة يبقى الشاسية مفتوح من تحت ولامم من فوق وبالتالى بيدى مقاس اقل وتملك تلاقى الابواب مش بتقفل طبيعى نتيجة الشروخات اللى فى القوايم اللى متثبت فيها مفصلات الباب لو فتحت باب السائق تحديدا وحركة لفوق هتلاقى الربع الامامى للعربية بالكامل بيتحرك مع شد الباب لفوق والرخامة بقى انك عشان تعمل شروخات اللى تحت البرابريز لازم تفك الطابلوة بالكامل ....وتيجى تركبة تلاقى كل المسامير مقطمة ومش نافعة يا راجل دة انت لو دوست فرامل وبصيت على الحوض هتلاقى ماستر الفرامل بيحرك الشاسية بالكامل لبرة فعلا عربية ضعيفة اوى ومش عاوزك تزعل انا اشترتها 5 مرات فى حياتى طب لو حبينا نعالج الشاسية فى كذا طريقة وانا من وجهه نظرى ان كلهم فاشلين لو عملنا شداد بالعرض بين البطختين طبعا بيكون خامة الشداد من الحديد القوى واللى اقوى بكتير من الكرتيرة وبالتالى مع المطبات رد فعل المطب كولة بيروح للنقطة الضعيفة اللى هى الكرتيرة وتلاقيها بتشرخ اكتر من عدم وجود الشداد تقدر تقول ان الكرتيرة بتعمل سوستة مع المطبات انما لو عملنا شداد !!!!!! كول الخبط على الكرتيرة وناس بقى تحط رصاص وكلام انا شايفة مش مؤثر ولا بينفع |
رد: شرخ فى الرفرف اليمين لل 128بالصور
ربنا يبارك فيكم جميعا
ويا مستر استرا انا عمرى ما ازعل منك انت اخى هل يوجد اخ يزعل لما اخوة ينصحة بارك الله فيك انا اليوم جبت المقاس ما بين المسمارين وكانت النتيجة 97 سم فماذا يعنى ذلك |
رد: شرخ فى الرفرف اليمين لل 128بالصور
والله يا اخ مؤمن
انا مرتبط وجدانياً باشخاص معينة فى المنتدى حضرتك منهم المقاس دة مش وحش على فكرة ....او تقدر تقول فى رانج الامان حضرتك يا اخ مؤمن حاطط ورد تخينة بين الكبالن الخارجية وبين السورة؟ اعتقد انك حاطط وردة فى كل كوبلن لان كدة الشاسية مفتوح من تحت سنة بسيطة لكن زى ما قلنا فى رنج الامان وانا لو منك مش هاعمل حاجة |
رد: شرخ فى الرفرف اليمين لل 128بالصور
اقتباس:
ربنا يبارك فيك مستر استرا وجزاك الله خيرا على حُسن الظن بي واشهد الله إنى بحبك فى الله وبخصوص الوردة انا مش عارف حضرتك بتتكلم على اى مكان فى العربية يعنى اية الكبالن الخارجية والسورة يعنى تنصحنى انى اسيب العربية كدة ما اعملش فيها شىء |
| الساعة الآن 12:21 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017