مصر موتورز مجتمع السيارات - فيه حد لسا بيدفه 1 جنيه لعامل البنزين

مصر موتورز مجتمع السيارات (https://www.masrmotors.com/vb/index.php)

- القيادة فن و ذوق (https://www.masrmotors.com/vb/forumdisplay.php?f=180)

- - فيه حد لسا بيدفه 1 جنيه لعامل البنزين (https://www.masrmotors.com/vb/showthread.php?t=131918)

رد: فيه حد لسا بيدفه 1 جنيه لعامل البنزين

اقتباس:

المشاركة الأصلية كتبت بواسطة Hisham.Elgazzar (المشاركة 978707)

اما السايس المفروض انه بياخود باله من العربية عشان النهردا البطاريه ب 500 جنيه وفانوس ولا رفرف برقم عالى برضو فى بعض الأحيان المفروض انه بيحافظ على عربيتك فلازم تراضيه لأنه واقف على حيلة ورايح جاى يجرى ع العربيات اللى فى المكان بتاعه فى عز الحر والشمس وفعز البرد وده مصدر أكل عيشه الوحيد وكل مهنة وليها مميزاتها وعيوبها وزى ما فى وزير كويس ووزير عاوز الحرق كزالك السايس وحارس الأمن برضووو
تقبل مرورى

كثير جدا يا استاذ هشام لا بيخلو بالهم من العربية ولا حاجة انا كنت بركن عند موقف احمد حلمى يجيلي واحد واقف بره خالص فى ساحة تانية وعايز فلوس
وعند مكان عملي فى طلعت حرب فية واحد واخد الموضوع عافية ومن الاخر لازم تدفع الخمسه جنية
احنا ليس ضد السايس انما لابد من جعل مؤسسه فى الدوله هى اللى توزعهم ويبقى معروفين بكارنيهات ويكون المبلغ جنية مثلا لاول ساعة مش 5 و 10 وتلاقى واحد شكله سوابق

رد: فيه حد لسا بيدفه 1 جنيه لعامل البنزين

كلام سليم انا مع حضرتك فيه
انا مستعد ادفع لما احس انه هيحمى العربية مش انه هيبوزها لو مدفعتش

رد: فيه حد لسا بيدفه 1 جنيه لعامل البنزين

والنهاردة يا جماعة مونت والعداد قفل 49 جنيه قولتلوه قفلها 50 فقفلها زى منا عايز فديتلوه الخمسين وقالى فين الجنيه بكل بجاحة قولتلوا معلش معيش فكة المرة الجاية فبرطم فى الكلام وقال مكونتش خلتنى اقفل الخميس واخد انا الجنيه ده قولتلو معلش انا بمون علطول عندوكوا قالى وهو متكدر ولا يهمك يابشمهندس البنزينة بنزينتك وفى اى وقتMAD

رد: فيه حد لسا بيدفه 1 جنيه لعامل البنزين

يا جماعة أنا ف مرة فولت العربية و كان فاضل 2 جنى و عمو بتاع البنزين اخدهم منى وش :(

رد: فيه حد لسا بيدفه 1 جنيه لعامل البنزين

اقتباس:

المشاركة الأصلية كتبت بواسطة Ahmed_Esmail (المشاركة 979192)

طب وايه الفكره انك تستخسر فيه الجنيه وتقله كمل ال 50
تفتكر الجنيه قيمته اد ايه بنزين محصلش نص لتر وتفتكر هيمشييك كام كيلو

بس الجنيه ممكن يفرق معاه
ومن ستر مسلم في الدنيا ستره الله في الاخره

رد: فيه حد لسا بيدفه 1 جنيه لعامل البنزين

انا فعلا بكون مش مبسوط لو مش معايا فكة لعامل البنزينة
وساعات كتير بفول العربية بالفلوس مش بلتر
يعني اخلية يسيب جنية او اتنين
يعني مثلا افول ب49ج
لان فعلا مرتباتهم من التبس

رد: فيه حد لسا بيدفه 1 جنيه لعامل البنزين

فعلا يا جماعة اللى يعيش يتعلم
وانا اسفلكوا قوى على الحركة الزبالة اللى انا عملتها
بس والله ماكنش قدى اقوله كملها 50 جنيه واطنش على الجنيه التيبس بتاعه
واخيرا اسف مرة اخرى