رد: مشكلة فى فيات 132 ( مش عايزة تدور بعد العمرة )
 

الف شكر يا استاذ ابو نور على ردك عاليا انا دلوقتى شوفت ان البلوفة ممكن تكون مفتوحة او فى تسريب كبس فى وش السلندر
وانشاء الله اول ما اشوف المشكلة واحلها ها اعرضها هنا

رد: مشكلة فى فيات 132 ( مش عايزة تدور بعد العمرة )
 

استنتاج منطقى يا استاذ هشام
كدا الصمامات هى اللى بتهرب

رد: مشكلة فى فيات 132 ( مش عايزة تدور بعد العمرة )
 

حضرتك اتأكدت من احكام الصبابات الجديدة ؟ عملتها روديه ؟
بالمرة ... سير الكاتينة اخباره ايه ؟

رد: مشكلة فى فيات 132 ( مش عايزة تدور بعد العمرة )
 

السلام عليكم
هو انا مش فاهم اوى العمرة اتعملت عند ميكانيكى ولا حضرتك اللى اشتغلت بايدك
عموما كبس طالع من الكربراتير او تفتفة من الشكمان يبقى فى تهريب للكبس
تهريب للكبس لازم نفكر على طول فى الصبابات وعشان كدة بسال اية الشغل اللى اتعمل فى الوش ......... طالما صبابات جديدة يبقى لازم قواعد جديدة وتتعمل فريزة وبعدها رودية وطبعا نتاكد من ان الدلايل كلها سليمة واكيد بنظبط تاكيهات

ببرضة بسال نفس السؤال لحسن يكون شنابر البساتم ركبة ملفوفة او فوق بعض مش على شكل نجمة او مقلوبة اتجاه ضغط الشنبر لتحت مش لفوق او ان البستم مش حاكم فى الشميز

حاجة كمان لازم دماغنا تروح لها خصوصا مع كبس المكنة فى الكربراتير وهى تقسيمة الكامة وانا اشك بشدة انها مش مظبوطة

رد: مشكلة فى فيات 132 ( مش عايزة تدور بعد العمرة )
 

شوف التقسيمة وهل سير الكاتينة راكب صح ولا لأ طالما مافيش كبس والبنزين بيطلع من الكربراتير يبقى فه حاجة غلط في التقسيمة

رد: مشكلة فى فيات 132 ( مش عايزة تدور بعد العمرة )
 

الف شكر والله على الاعضاء الكرام

وهم محمد فيصل
- AbOnOrA - ahmed_eng2001 - mr_astra - mismail_2000
الحمد الله المشكلة اتحلت وفعلا كان المشكلة فى الكامات فعلا وكانت كامة الهواء مفتوحة لدرجة انها كان فى شوط الاشعال كانت كامة الهواء مهربة معا كامة العادم
والحمد الله ظبط كامة الهواء وكامة العادم معا توقيت الحريق بظبط الماتور دار من اول لفة
الحمد الله

وبخصوص سؤال الاستاذ mr_astra
اة انا اللى قفلت العمرة با ايدى والشنابر انا عملتها على شكل نجمة علشان الكبس ميهربش

وفعلا يا استاذ mr_astra شكك فى محلة فعلا تقسيمة الكامة فعلا مش مظبوطة وخصوصا كامة الهواء

انا بشكر كل اللى ساهم فى الرد وبردة عرفت العيب فين شكرا ليكم
وعيد سعيد

رد: مشكلة فى فيات 132 ( مش عايزة تدور بعد العمرة )
 

الحمدلله على وصولك للعيب
بارك الله لك فى سيارتك وحفظك من شرور الطريق