رد: سيارتى اتحرقت ومش عارف اصرف التعويض
 

رد: سيارتى اتحرقت ومش عارف اصرف التعويض
 

أ.facetok ربنا يعوضك عنها خير
أنا في ناس صحابي لهم تجارب مع شركات التأمين فخد مني الخلاصة
أولا :التزم بطلبات شركة التأمين وجيبلهم المحضر بتاع الشرطة ودي حاجة سهلة جدا جدا اذا ما لقيتوش في قسم الشرطة اللي اتكتب فيه خد رقمه واطلع علي النيابة وهتجيبه وقتي وانت واقف .... لو الموضوع اتأزم شوفلك أي وكيل نيابة ولا ظابط أو أي معرفة وان شاء الله تجيبه..
ثانيا : بفرض ان شركة التأمين ما التزمتش معاك ايه العمل....؟؟؟؟ في حاجة دلوقتي اسمها الهيئة المصرية للرقابة علي شركات التأمين كانت حتي اعلاناتها بتيجي علي التلفزيون هتاخد صورة من وثيقة التأمين وصورة من المحضر وتروح لهم وان شاء الله يجيبولك حقك مع عين شركة التأمين اللي بتتعامل معاها ..

الحاجة الأخيرة "قل لن يصيبنا الا ما كتب الله لنا " --"قدر الله وما شاء فعل" وعوض ربنا أحسن بألف مرة من عوض شركات التأمين... الفكرة احمد ربنا ان مش حصلك حاجة انت أو حد من أهلك أو صحابك في العربية وانها جت علي أد خسارة حديد

كل عام وانت بخير يا عم فيس توك

رد: سيارتى اتحرقت ومش عارف اصرف التعويض
 

مافيش حق وراه مطالب بيضيع
الله يعوض عليك و تابع مع الشركة
وكان الله فى عونك
والله لو فى مصر للتأمين كنت ممكن اساعدك لكن كل ما اقدر ان اقدمه لك
هو الدعاء لك و انصحك بالمتابعه مع الشركة

رد: سيارتى اتحرقت ومش عارف اصرف التعويض
 

لاجل تحديث معلوماتكم، بعد أن أًصبح واجب يومى عندى المرور على النيابه والقسم على مدار الايام الماضيه من 7/9 حتى تاريخه بفضل الله أمكن الحصول على الصوره الرسميه للمحضربالامس .
وعلى الرغم من الحقيقه المفزعه بأن عدد لا بأس به من الموظفين المنوط بهم انجاز مصالح الناس فى أماكن كثيره أصبحوا مرتشين ولا يهشون فى وجه الملهوف على انجاز مصلحته الا بلغة اللحلوح وربما يذهبوا الى اكثر من مجرد التكاسل والاهمال لاستخراج كل مايمكنهم من اللحاليح (يعنى تعمد التعطيل ولا حول ولا قوة الا بالله واللهم اصلح احوال المسلمين)...
الا انه فى نهاية المطاف تجد مازال هناك ناس محترمين يبعثوا فى نفسك الامل ويغيثوك لا بصلة قرابه ولا بواسطه ولكن بوازع من الضمير والانسانيه وقد شرفت بمقابلة احدهم وهو أحد وكلاء النيابه فى العاشر من رمضان لا أعلم اسمه والذى اصر على وضع نهاية فوريه لرحلة القرف التى مررت بها فور ان علم بها منى من دون واسطه ولا دياولووبالفعل أخدت صورة المحضر فى يدى بالأمس ...
تعظيم سلام لكل المحترمين وأقول لهم: جزائكم الاكبر عند خالق الخلق عندما ينفض هذا المولد الذى نحن تائهون فيه

رد: سيارتى اتحرقت ومش عارف اصرف التعويض
 

الحمد لله وعقبال ما الغمة كلها تنزاح عنك ان شاء الله

وشكراً كل الشكر والتقدير والاحترام لكل من يؤدى واجبه بضمير

رد: سيارتى اتحرقت ومش عارف اصرف التعويض
 

هذه المقايسه تكلف اعدادها لدى الوكيل مبلغ 1650 جنيه
اضعها هنا للاخوه للفائده ، حيث أنها تشتمل على أسعار قطع غيار كثيره جدا (أصليه) ومصنعيات

رد: سيارتى اتحرقت ومش عارف اصرف التعويض
 

مش عارف لية شركات التامين في مصر بتتعامل مع عملاءها كما لو كانو نصابين
دا انا مرة واحد صاحبي معاة الجنسية الانجليزية ومقيم في لندن العربية انسرقت من تحت بيتة
كل اللي عملة بعد ما بلغ الشرطة اتصل بشركة التامين وبعدها بيومين بعتولة علي البريد شيك بقيمة العربية
بدو طلب محضر ولا اي شىء اخر