|
رد: ايهما افضل رينو كليو ام ستروين اكسارا؟
اقتباس:
انا ماقولتش الكورى وحش انا بقول ان الاوربى افضل من الكورى بس ميزه الكورى فى مصر هنا وفرة قطع غياره اللى مغرقه الدنيا ورخيصه وكل الصنايعيه بيعرفوا يشتغلوا فيه وسهل البيع وربنا يباركلك فى عربيتك ويديك خيرها ويمنع عنك شرها بس برضه الاوربى افضل :P |
رد: ايهما افضل رينو كليو ام ستروين اكسارا؟
عذرا ....
حضرتك ستجد ثقافة الكورى موجودة فى كل مكان فى العالم .... مش فى مصر فقط ... بس احنا عندنا زيادة شوية ... انا سمعت كتير عن جودة و اداء الستروين و الرينو ... بس لم يسعدنى الحظ بالتعرف عن قرب على هاتين الماركتين بس فيه مشكلة صغيرة ... ممكن تأرق حياتك و تتعبك جدا ... و هى قطع الغيار توافر قطع الغيار من عدمه .. ممكن يوقفلك عربيتك و متعرفش تحركها تانى ياريت حضرتك تسأل كويس على قطع الغيار علشان تكون على دراية كويسة قبل ما تشترى عجبنى جدا رأى الاستاذ وائل ابو السعود ( كارز ادماير ) عن قطع الغيار و ازاى كان زمان بيعدل و بيصنع قطع الغيار فى عربياته غير المنتشرة استخير ربنا و اتكل على الله ... و ربنا يوفقك |
رد: ايهما افضل رينو كليو ام ستروين اكسارا؟
اقتباس:
ربنا يبارك فى حضرتك يارب وطبعا كلام حضرتك صحيح 100% بخصوص موضوع قطع الغيار بس برضه كلام الناس مش مضمون انا اول عربيه فكرت اجيبها كانت ستروين ax والناس كرهتنى فيها برضه بسبب قطع الغيار والصنايعيه والكلام ده كله وللأسف مشيت ورا كلامهم وبدأت الرحله الصعبه بتاعه كل المصريين على مدار سنوات عديده بداية من ال 127 مرورا بال 132 ... الخ وبصراحه العربيات دى كلها علمتنى الادب وكرهتنى فى العربيات كلها وبعد اخر عربيه ليا (كانت فيات 127) قررت انى اضرب بكلام الناس عرض الحائط واشترى ستروين ax ونزلت سألت على قطع غيارها بنفسى ووالله لقيت قطع غيارها مرطرطه وفرنساوى اصلى وفى اكتر من محل عندهم قطع غيارها من الاكسدام للاكسدام ومعظم محلات الاستيراد فيها صنايعيه بيشتغلوا فى العربيه دى وحافظينها فحمدت ربنا على اختياره لى وكان اختيار ممتاز والعربيه ما شاء الله عليها ربنا يحفظها عمرها مازعلتنى فى حاجه خلال الفتره اللى قعدت معايا فيها الى الان ولا يعيبها الا صغر حجمها الشديد وعدم وجود تكييف وكان ممكن اجيب غيرها بعد سنه لما الفلوس اتوفرت معايا بس انا ماكنتش متضايق منها فى حاجه واللى خلانى افكر اغير دلوقتى مشوار مرسى مطروح اللى روحته اول الشهر لانى فعلا مكنتش لاقى مكان فى العربيه احط فى الشنط والحاجات بتاعتنا خصوصا ان انا عندى 3 اطفال وموضوع التكييف ده برضه كان تانى عامل خلانى اخدت القرار ده فإن شاء الله انزل اسأل على قطع غيار العربيتين بالتفصيل واستخير واللى فيه الخير ربنا يقدمه ان شاء الله معلش انا اسف انى طولت كده وصدعتك :) |
رد: ايهما افضل رينو كليو ام ستروين اكسارا؟
و يباركلك انت كمان :)
فيه مثل معروف ... يفوز بالحسناء كل مغامر ... انا كمان متفق مع حضرتك فى الى ذكرته ... انا من مشجعى تجربة حاجات جديدة .. . بس المهم انك تكون عندك استعداد لكدة ... على سبيل المثال ... تنزل تدور و تلف على قطع الغيار و الصنايعية مفيش تطويل و لا حاجة ... و ربنا يكرمك و يوفقك فى عربية كويسة تقبل مرورى |
رد: ايهما افضل رينو كليو ام ستروين اكسارا؟
اقتباس:
وسعيد جدا بمعرفة حضرتك وبالمناقشه الظريفه دى :) |
رد: ايهما افضل رينو كليو ام ستروين اكسارا؟
النهارده حصل موقف غريب وصدفة صعب حدوثها :)
كنت فى جسر السويس وبعد ما خلصت شغلى كلمت صديق ليا علشان اسلم عليه واقعد معاه شويه قاللى انه عند الميكانيكى بيعمل حاجه فى عربيته روحتله لقيت عربيته (ميجان1) واقفه قدام الميكانيكى ووراها راكنه عربيه كليو وورا الكليو ستروين اكسارا :) وطبعا وقوف العربيتين جنب ورا بعض ادانى فرصه ممتازة انى اقارن بينتهم فى الشكل والحجم وانا واقف بتفرج عليهم لقيت صاحب الاكسارا ولقيته عارضها للبيع واتفرجت عليها مده كويسه وفرجت صاحبى عليها هى موديل 2001 اكسارا 1 وكان طالب فيها 35 الف ملاحظاتى: 1- لازالت الكليو فى نظرى احلى بكتير من الاكسارا 2- شنطه الاكسارا صغيره جدا سواء من بره (موحشه شكل العربيه) او من جوه وخصوصا من جوه اكبر من شنطه عربيتى بحاجات بسيطه ولا تقارن طبعا بحجم شنطة الكليو 3- الكنبه اللى ورا فعلا فى الكليو ضيقه جدا يعنى لو اللى بيسوق رجع الكرسى سنه صغيره محدش هايعرف يقعد وراه 4- لما قعدت على كرسى السواق حاسس ان الكرسى واطى قوى يا اما التابلوه هو اللى عالى مش عارف ورغم ان انا طويل (190 سم) ماكنتش شايف الكبوت خالص ودى حاجه ماريحتنيش بالمره خصوصا ان العربيه كبوتها طويل جدا الموضوع كده شكله هايطول معايا شويتين :) |
رد: ايهما افضل رينو كليو ام ستروين اكسارا؟
انا كمان سعيد بمعرفة حضرتك بالحديث معاك :) ...
و سعيد كمان انى بعرف و بتعلم حاجات جديدة .... خد وقتك ... دور كتير و اتفرج كتير ... انا فضلت سنة اتفرج على عربيات لغاية لما جبت عربيتى ( و سبحان الله جات معايا كدة ) الميكانيكى الى كنت عنده النهاردة كنز معلومات ... و لو حضرتك وجدت عربية ممكن تتكلم مع مالكها ... لا تتردد .. اتكلم معاه ببساطة و اسئله عن كل حاجة و اتعلم منه كل حاجة انا جربت الكليو مرات قليلة ... و معجبنيش الضيق الواضح للصالون بس للأسف مجربتش الاكسارا ... لو عملت موضوع فى قسم الرينو او الاوربى ... ان شاء الله حتجد ناس اكتر عندها خبرة :) |
| الساعة الآن 09:52 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017