رد: سؤال لعشاق ال 128
 

أنا معايا الـ 128 ليها دلوقتى عشر سنين وكانت مع اللى قبلي 13 سنة ..
والعربية زى الفل وحمالة أسية ..
وياما سافرت وياما سترت معايا
وبتقعد بالشهور من غير حتى ما الكبوت يتفتح ولا تعدى على سكة ميكانيكى
والعربية ناعمة ومريحة وسواقتها ممتعة

وحالياً باشترى زيرو ، وبرضه مش هاقدر استغنى عن الـ 128

وبالنسبةلصاحبك فقول له ان مافيش موديل سنة مين متميز ..
بس هو يشترى عربية موديل حديث بقدر الامكان عشان ماتكونش متهانة
والأهم سمكرى أمين يطمنه على أساسيات العربية ..

رد: سؤال لعشاق ال 128
 

بجد حضرتك جبت المفيد و تسلم ايدك بجد علي الرد الهايل ده

رد: سؤال لعشاق ال 128
 

افضل 128 ممكن يجيبها
ال 128 الابارث و بتبقي موديل 77 او 78 بس دي صعب يلاقيها
و لو عاوز موديل اعلي يبقي ال128 GLS موديل 88 الي 91
بعد كده موديلات 95 صاجها تعبان جدا و اسعارها تعادل ال 91 بس ال91 امتن
بالنسبه للجديد فبصراحه غاليه اوي ليه ادفع 42 الف في عربيه 128
باسنت
لو قريبك بيتقطع منه سلك الدبرياج كتير خليه يروح لكهربائي مش ميكانيكي!!!
ايوه كهربائي ما تستغربيش لان ممكن يكون الارضي بتاع العربيه ضعيف(الارضي اللي هو السالب)
و الارضي دا بيبقي عباره عن كابل السالب خارج من البطاريه و متوصل في جسم العربيه
لو كابل الارضي ضعيف العربيه بتدور علي اي مكان تاخد منه ارضي
و سلك الدبرياج في ال 128 بيبقي واصل في جسمها و دا خطأ في تصميمها
يوم ما الارضي بيضعف العربيه بتاخد ارضي من سلك الدبرياج
يقوم السلك يسخن جدا و مش يتحمل و يتقطع
دي حاجه فنيه كده و مش كل الميكانيكيه يعرفوها الا لو واحد فاهم اوي;)

رد: سؤال لعشاق ال 128
 

رد: سؤال لعشاق ال 128
 

العربية ممتازه بس خلاص يعني راحت عليها

انا سمعت انو نزلت منها 2006 زيرو

رد: سؤال لعشاق ال 128
 

بص حتشتري أي عربية مستعملة بالذات القديم لازم تحط في حسبانك إنك بعد ما تشتريها لازم تدفع حوالي ألف أو خمسمائة جنيه على أقد تقدير لتجديد الحاجات الأساسية في العربية .
ده إذا كنت شاري العربية متسمكرة ومدهونة ومش محتاجة فرش من جوه ، في الحالة ديه حتغير طقم كهربا وتغير البطارية وتغير الموبينة والكربراتير حيكون عاوز ظبط والمارش حيكون معرفش فيه إيه وممكن سير الكاتينا عاوز هوه كمان يتغير أبل ماينقطع منك في الطريق .
وممكن يكون الفتيس مش عارف فيه إيه وياسلام لو العربية عاوزة إسطوانة جير وديسك وبلية آدي حوالي خمسمائة جنيه كمان ، وكل الكلام ده بعيد عن العفشة.
أنا طبعاً مابحاولش أيئسك أو أحبطك ، أنا لسه شاري 128 قبل العيد الصغير إللي فات ومش عاوزك تتعك زي ما أنا إتعكيت ,
خد ميكانيكي كويس يشوفلك الحجات إللي أولت عليها ديه علشان لو محتاجة تتعمل فيها يبقى تعلمها أول ماتشتريها ماتعملش زيي ماعملتش حاجة وكل ماخرج مشوار أتعك في الطريق وأقرف ويطلع عيني وأسيب العربية في الشارع وأرجع البيت مواصلات لغاية ماغيرة إللي أولتلك عليه وإنشاء الله متصادفنيش حاجة جديدة.
وبعد متوديها للميكانيكي وديها للسمكري يرفعها ويشوف فيها حاجة ولا لأ، كل العيوب إللي أنا أولتها ممكن تداوى إلا عيوب الحوض والبرومة هيه ديه إللي بتعيب الـ128 بالذات وفقك الله ورزقك من فضله.......

رد: سؤال لعشاق ال 128
 

ميرسي يا باشا علي الرد باستفاضه
بس العربيه لواحد صاحبي
و انا كنت عامل الموضوع في نص شهر تسعه تقريبا
طبعا صاحبي ده راح الجيش دلوقتي
و هيجيب العربيه بس ما يرجع من الجيش ان شاء الله
و ميرسي مره تانيه علي الرد