رد: فكرة تكييف قد تتطور...شارك برأيك
 

والله العظيم أنتوا ناس عسل وافكاركم زي الفل

ياريت تتابعونا بالجديد

رمضان كريم على الجميع

رد: فكرة تكييف قد تتطور...شارك برأيك
 

بإختصار و بعد فترة كبيرة من البحث (لواحدى)
وصلت للآتى:
--------------
1- أفضل مكان تركب فيه التكييف على الشباك بتاع العربية و تقفل الزجاج عليه) نصه البارد جوة و نصه الساخن بره فى الهواء) لإنك لو سيبته جوة العربية الهوا الساخن من الجانب الساخن + الجو الحار بطبيعته هيكون أكتر من هواء الجانب البارد و بالتالى مفيش أى لازمة, لازم تتخلص من السخونه خارج العربية
http://im72.gulfup.com/8nYkbf.jpg
<1- سقف العربية 2- المروحة 3-مشع الألومنيوم (زى إللى على بروسيسور الكمبيوتر) 4- قطعة بلتيير 5-قطعة كاوتش رقيقة للتثبيت و العزل 6-مشع ألومنيوم (ريش واقف علشان تجمع الهوا من خارج العربية أثناء السير للتبريد و ممكن يركب عليها مروحة تانية) 7-زجاج الشباك الخلفى أو الأمامى 8- صورة لمقطع رأسة للريش الخارجية و شكلها لتجميع الهواء للتبريد أثناء سير العربية>
- فكرت برضو أحطه فى شنطة العربية بس معنديش تصور هأدخل الهوا البارد بخراطيم منين بالضبط لحد الصالون.

2- كل ما هتبرد الجزء الساخن أفضل, هتلاقى الجانب البارد بقى فريزر
علشان كده لاقيت ناس بيحطو ريداتير و طلمبة مياة بجانب المروحه (يعنى زى تبريد العربية بس طبعاً ده موال لواحدة)

3- محتاج واحد يكون إتعامل مع القطع دى يفتينا, لإنى عرفت إنها ليها أرقام و كل رقم بيحتاج جهد كهربى و تيار معين علشان تشتغل بكفاءة و إلا القطعة (هتتشوى), أنا كنت بأحسب تركب عالبطارية على طول طلع الموضوع مش بالبساطة دى.

4- فيه عربيات حديثة من شركة أودى بتشتغل بالكهرباء بتستعمل نفس الطريقة دى علشان تعمل تكييف و ثلاجة صغيرة (فى المخدع الجانبى للسائق), يعنى الفكرة ناحجة بس طبعاً دى (أودى) - إمكانيات يعنى.

أحب أسمع أراؤكم, لإن ده آخر ما توصلت إليه و بالنسبالى المشروع وقف لحد كده
كان فيه أحد الإخوه بيتكلم عالفيس مع الأستاذ هشام الجزار على نفس الموضوع و كلنا طلبنا منه شرح طريقتها بس لسه مردش, مش فاكر مين هو كنت حاولت أتصل بيه.

رد: فكرة تكييف قد تتطور...شارك برأيك
 

فكره حلوه ما شاء الله بس المشكله التركيب مش سهل بس دى مقدور عليها والفكره ممكن يتعمل بيها حجات تانيه بس برضه فكره حلوه ومنتظرين افكار تانيه جديده:THUMB_~112:

رد: فكرة تكييف قد تتطور...شارك برأيك
 

هو تكييف محمول للسيارة بيتباع جاهز وسعره من الصين أقل من 154 جنيه
الثيرمو كوولر بيشتغلوا بيه فى حجات تانية مقدرش افتى فى الحجات دى
خسااااارة تدفع فلوس فى حاجة مش متاكدين منها

ماحدش كلمنى على اى حاجة او ما افتكرش اى حد فتح موضوع معايا ع الفيس قبل كدا
آخر حاجة كان تركيب تكييف لعربية 131 و قبلها 132 بتوع ناس صحابى

لو عاوز تركب تكييف عندك هيتكلف 2000 جنيه

رد: فكرة تكييف قد تتطور...شارك برأيك
 

علشان كده الموضوع وقف
بس إيه حكاية التكييف المحمول الصينى ده؟ و شغال كويس يعنى و لا (منظر)؟ و إزاى نوصل له؟

قد تكون الذاكرة خانتنى, بس أنا فى بالى أنه كان تعليق لحضرتك على فيديو بيشرح التكييف المحمول أبو ثلج (أول فكرة فى بداية الموضوع ده) و حد من المهندسين قال ممكن نعمله من غير ثلج بس مشرحش الطريقة إزاى. عالعموم الدنيا صيام و التركيز ضايع.

ده جديد و لا مستعمل, لأن البشمهندس أحمد إللى فى المعادى (إللى رشحهولنا الأستاذ سيد عصام) كان عارض يركبه بـأكثر من 3 الآف, غير العزل, يعنى الليله ممكن تقفل 4 بواكى على عربية قديمة يبقى الموضوع مالوش لازمه.

كنت عاوز أعرف شوية معلومات عن التكييف الصينى المحمول ده لو تكرمت
جزاك الله خيراً و رمضان كريم

رد: فكرة تكييف قد تتطور...شارك برأيك
 

الراجل ده جاب من الآخر

http://lh6.googleusercontent.com/-VT...o/s720/l31.jpg

و طظ فى المراية على إللى عاوز يبص فيها لامؤاخذة

رد: فكرة تكييف قد تتطور...شارك برأيك
 

http://i.dailymail.co.uk/i/pix/2012/...49_634x460.jpg

و ده مبيستحملش الحر, جاب جردل كامل مليان ثلج علشان المشوار طويل