رد: مجموعة فولكس فاجن تخطف الاضواء في معرض فرانكفورت (للقلوب الجامدة)
 

يا باشا اصل دى مش عربيات ... دى ممكن تبقى طيارات .. سفن فضاء :) حاجات من دى يعنى ..
و بتقول لسة دى حاجات فولكس بس و لسة فيه صواريخ لمبورجينى و غواصات استون مارتن وطيارت فيرارى النفاثة
و يخلق مالا تعلمون

خليلنا احنا يا باشا الكرولا و اللانسر فى مصر ... حلوين على الطريق الزراعى و وسط البلد و 100 100 : )

اما يا باشا عن الوصول بالعربيات الكهربائية الى مستويات عالية من الاداء فا ده امرمتوقع من زمان و كان محتاج شوية وقت بس علشان يشوف النور و التأثير علينا كشرق اوسط كدة كدة بيزيد و صدقنى مش علشان قيمة البترول هتقل لوجود مصادر طاقة بديلة .. لا علشان احنا العرب متخلفين و كسالى و مش عاوزين نحرك صباع رجلنا الصغير خطوة واحدة لقدام
.. لو احنا شغالين و عاوزين نتقدم والله ما هتفرق معانا اى حاجة .. احن اللى هنخلق الظروف الاقتصادية اللى على مزاجنا و احنا اللى هنأثر على الحادثة على رأى اللمبى :)

دول الخليج اللى هما الاغنى فى الشرق الاوسط عاملين زى الطفل الصغير اللى ابوه ساب له خزنة مليانة فلوس و الطفل ده كبر فى السن و فضل بعقلية الطفل و عمال يصرف فى الفلوس و خلاص و فاكر انها مش هتخلص و بعد عقله عن اى طموح او رغبة فى العمل و اطلق العنان لشهواتة المادية و المعنوية كمان وووو ... ايه يا عم الكلام الكبير اللى انا عمال اقوله ده

يا عم دى عربيات جامدة موووووووووت و فى انتظار باقى النفاثات و ليلتك زى الفل ...
يا رب تكون ليلة القدر و ربنا يغفر لنا جميعا يا رب و جميع المسلمين

رد: مجموعة فولكس فاجن تخطف الاضواء في معرض فرانكفورت (للقلوب الجامدة)
 

بالظبط كده يا كيمو باشا

بس علي فكرة الشباب الصغير (خصوصا ابناء العائلات الكبيرة و اللي اتعلموا بره) ابتدي يدرك كدة و بيحاولوا يعملوا حاجة تقلل اعتمادهم علي البترول بس للاسف هم لسه قلة و السواد الاعظم تفكيرهم زي ما انت وصفت كده

بالنسبة للعربيات فانا فعلا عجز عن التعبير مش عارف هيعملوا ايه بعد كده

اما ليلة القدر فانا حاسس انها كانت يا ليلة 23 او 25 و محستش بيها امبارح عموما من بقك لباب السما يا رب و تقبل الله صيامنا و قيامنا و دعائنا ان شاء الله



و ايه نقول مبروك علي الانفنتي و لا ده تست دريف

رد: مجموعة فولكس فاجن تخطف الاضواء في معرض فرانكفورت (للقلوب الجامدة)
 

كلامك صح يا باشا ,, فيه فعلا ناس محترمة و فاهمة اللى فيها و دول زى ما انت قلت هما غالبا اللى متعلمين برة و افقهم واسع .. اوسع من طبق البريانى و الشالية و العربية الكشخة :) :)

اما بالنسبة للانفينتى يا باشا فا ده كان تست درايف بس لسيارة احد الاصدقاء... انا بصراحة يوم ما اغير نفسى ارجع اركب المانى تانى و ده اتأكد عندى كمان بعد التست درايف .. الاوبشنز اللى فى العربية دى و هى 2009 كانت نازلة فى مرسيدس من 10 او 12 سنة
هى عربية ناعمة و قوية و كل حاجة بس ماذا اقول .. ماذا اقووول :) الالمانى و بس ربنا يرزقنا جميعا يا رب

و بعدين يا باشا انت مش هتيجى المقابلة ولا ايه؟

رد: مجموعة فولكس فاجن تخطف الاضواء في معرض فرانكفورت (للقلوب الجامدة)
 

بس............
كفاية.................
متبسطهاش أكثر من كده.............
ptmnlo123per1127